រដ្ឋាភិបាលមានផែនការកែលំអរ និងសាងសង់អាកាសយានដ្ឋានថ្មីៗចំនួន៧នាពេលអនាគត

ដោយៈ ជេស៊ីកា

ភ្នំពេញៈ ក្នុងគោលដៅធ្វើពិពិធកម្មសេដ្ឋកិច្ច ទាក់ទាញភ្ញៀវទេសចរណ៍អន្តរជាតិ និងបង្កើនលំហូរពាណិជ្ជកម្ម រដ្ឋាភិបាលគ្រោងរៀបចំកែលំអរ និងសាងសង់ព្រលានយន្តហោះថ្មីៗ ចំនួន៧ខេត្តបន្ថែមទៀតនាពេលខាងមុខ។

អនុរដ្ឋលេខាធិការ និងជាអ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល លោកស៊ីន ចាន់សិរីវុត្ថាបានមានប្រសាសន៍ឲ្យដឹងកាលពីចុងសប្តាហ៍មុនថា អាកាសយានដ្ឋានដែលត្រូវកែលំអរ និងសាងសង់អាកាសយានដ្ឋានទាំង៧នោះ ស្ថិតនៅខេត្តចំនួន៧ រួមមានអាកាសយានដ្ឋាន ខេត្តមណ្ឌលគិរី អាកាសយានដ្ឋាន ខេត្តស្ទឹងត្រែង អាកាសយានដ្ឋាន ខេត្តបាត់ដំបង អាកាសយានដ្ឋាន ក្រុងប៉ោយប៉ែត ខេត្តបន្ទាយមានជ័យ អាកាសយានដ្ឋានកំពង់ឆ្នាំង ស្ថិតក្នុងខេត្តកំពង់ឆ្នាំង និងអាកាសយានដ្ឋានកោះរ៉ុង ខេត្តព្រះសីហនុ និងអាកាសយានដ្ឋានកោះកុង។

លោកបន្តថា “ តាមផែនការអាកាសយានដ្ឋាន២ ក្នុងចំណោមគំរោងចំនួន៧ខាងលើ នឹងលេចរូបរាងមុនគេ គឺអាកាសយានដ្ឋានកោះរ៉ុង និងអាកាសយានដ្ឋានក្នុងខេត្តមណ្ឌលគិរី”។ លោកបន្តថា “ផែនការនេះនឹងចាប់ផ្តើមចាប់ពីឆ្នាំ២០២៤ ដល់ឆ្នាំ២០២៨ខាងមុខ”។

គំរោងនៃផែនការប្រកបដោយមហិច្ឆតានេះ គឺដោយសារទីតាំងទាំងពីរ ជាតំបន់មានសក្តានុពលខ្លាំង លើវិស័យទេសចរណ៍របស់កម្ពុជា។

លោកស៊ីន ចាន់សិរីវុត្ថាបានបញ្ជាក់បន្តថា ជាមួយគ្នានេះ រដ្ឋាភិបាលនឹងជម្រុញធ្វើយ៉ាងណា ឲ្យអាកាសយានដ្ឋានតារាសាគរ ក្លាយជាអាកាសយានដ្ឋានលំដាប់4F ដែលអាចឲ្យអាកាសយានដ្ឋាននេះ អាចមានសមត្ថភាព ទទួលយន្តហោះខ្នាតធំឲ្យចុះចតបាន។ អាកាសយានដ្ឋាននេះ បានត្រៀមទុកដីជាង១០០០ហិកតា ដើម្បីពង្រីកព្រលានយន្តហោះនេះ។

លោកបន្តថា “ផែនការនេះ គឺធ្វើយ៉ាងណាពង្រីកសក្តានុពលវិស័យផ្លូវអាកាសរបស់កម្ពុជា ពិសេសទាក់ទាញភ្ញៀវទេសចរណ៍អន្តរជាតិមកទស្សនាកម្ពុជា”។ លោកបន្តថា “អាកាសយានដ្ឋានទាំងនេះ នឹងជាមូលដ្ឋានគ្រឹះនៃការតភ្ជាប់ផ្លូវអាកាសចរណ៍”។

យោងតាមរបាយការណ៍ របស់រដ្ឋលេខាធិការដ្ឋានអាកាសចរណ៍ស៊ីវិលបានបង្ហាញថា កម្ពុជាទទួលបានជើងហោះហើរក្នុងស្រុកជាង៤០០០លើក និងជើងហោះហើរកម្រិតអន្តរជាតិ មានចំនួនជាង៤០,០០០លើកផងដែរ កាលពីឆ្នាំ២០២៣កន្លងមកនេះ៕

រដ្ឋាភិបាលថៃគ្រោងបើកស្ថានកុងស៊ុលនៅខេត្តសៀមរាប

ដោយៈ គង់ សូរិយា

សៀមរាបៈ ក្នុងគោលដៅសម្រួលទិដ្ឋាការ និងលិខិតស្នាមនានា រដ្ឋាភិបាលថៃ គ្រោងបើកស្ថានកុងស៊ុលរបស់ខ្លួន នៅក្នុងខេត្តសៀមរាប នាពេលខាងមុខនេះ។

ព័ត៌មាននេះត្រូវបានបញ្ជាក់ដោយលោក ឈើតកៀត អត្ថាកន ឯកអគ្គរាជទូតថៃប្រចាំកម្ពុជា ក្នុងជំនួបសម្តែងការគួរសមជាមួយលោកប្រាក់ សោភ័ណ អភិបាល នៃគណៈអភិបាលខេត្តសៀមរាប។

ឯកអគ្គរាជទូត ក៏បានថ្លែងអំណរគុណ និងជម្រាបជូនលោកអភិបាលខេត្ត អំពីការគ្រោងបើកស្ថានអគ្គកុងស៊ុលថៃ ប្រចាំខេត្តសៀមរាប នៅពាក់កណ្តាលឆ្នាំ២០២៤ខាងមុខនេះ ដើម្បីពង្រឹងកិច្ចសហប្រតិបត្តិការទ្វេភាគី និងជម្រុញគាំទ្រការអភិវឌ្ឍន៍ ខេត្តសៀមរាបឲ្យកាន់តែល្អប្រសើរថែមទៀត។

ជាការឆ្លើយតប លោកប្រាក់ សោភ័ណ អភិបាលខេត្ត បានថ្លែងអំណរគុណ និងស្វាគមន៍ គាំទ្រយ៉ាងកក់ក្តៅចំពោះការគ្រោងបើកស្ថានអគ្គកុងស៊ុលថៃ ប្រចាំខេត្តសៀមរាប នៅពាក់កណ្តាលឆ្នាំ២០២៤ខាងមុខនេះ ដើម្បីរួមគ្នាពង្រឹងកិច្ចសហប្រតិបត្តិការទ្វេភាគី ក៏ដូចជាជំរុញការគាំទ្រ ដល់ការអភិវឌ្ឍប្រទេសទាំងពីរ ជាពិសេសខេត្តសៀមរាបឱ្យកាន់តែរីកចម្រើន៕

អ្នកឧកញ៉ាលី ហួរបង្ហាញវិធីសាស្រ្តសំខាន់ៗនៃការឈានឡើង ក្នុងពិភពជំនួញ

ដោយៈ គង់ សូរិយា

ភ្នំពេញៈ ជាអ្នកជំនួញដ៏ជោគជ័យមួយរូប ដែលមានក្រុមហ៊ុនជាច្រើន អ្នកឧកញ៉ាលី ហួរបានបញ្ជាក់ថា អ្វីសំខាន់នៅក្នុងការធ្វើជំនួញ លោកប្រកាន់យក ការបោះជំហ៊ានដូចការឡើងកាំជណ្តើរ។

អ្នកឧកញ៉ាបានមានប្រសាសន៍ ក្នុងកិច្ចសម្ភាសន៍មួយកាលពីពេលថ្មីៗនេះថា អ្វីសំខាន់យើងធ្វើការងារប្រកប ដោយក្រមសីលធ៌ម មិនប្រកាន់វណ្ណៈ ព្រោះមនុស្សយើងដូចគ្នា មិនថាថ្នាក់ណានោះទេ ដែលនេះជាអ្វី ដែលលោកតែងតែណែនាំថ្នាក់ដឹកនាំគ្រប់ជាន់ថ្នាក់។

អ្នកឧកញ៉ាបានបន្តថា “អ្វីដែលលោកឈានឡើង គឺធ្វើជាជំហ៊ានៗដូចកាំជណ្តើរ មានន័យថា ឈរនៅលើកាំមួយដោយរ៉ឹងមាំរួច ទើបឈានទៅឡើងកាំមួយទៀត”។ អ្នកឧកញ៉ាបន្ថែមថា “អ្វីកាន់តែពិសេស គឺខ្ញុំតែងតែគិតថា អ្វីដែលគេធ្វើបាន ខ្ញុំក៏ធ្វើបានដែរ”។

អ្នកឧកញ៉ាលី ហួរបានបន្តទៀតថា នៅក្នុងអាជីវកម្ម ធ្វើយ៉ាងណាឲ្យត្រឹមត្រូវ ដើម្បីផ្តល់ទំនុកចិត្តដល់អតិថិជនរបស់យើង គ្រប់មិនគ្រប់ៗ យូរឬឆាប់គង់តែគេដឹងទេ បើជាក្រណាត់យកទៅកាត់គេដឹងថា ខ្វះ ឬលើស។

អ្នកឧកញ៉ាបន្តថា “បើស្លាប់ទៅវិញខ្លួនទទេ យើងទៅបំបាត់គេធ្វើអី? ខ្ញុំប្រាប់បុគ្គលិករបស់យើង មិនឲ្យយកលុយគេនោះទេ គឺមិនយកលុយក្រុមហ៊ុនទេ តែជាការយកលុយភ្ញៀវ ហេតុនេះបុគ្គលិកត្រូវតែមានទោស បើទោះយកលុយភ្ញៀវមួយរៀល ឬលើសពីនេះក៏ដោយ ត្រូវតែមានទោស ព្រោះយើងចាត់ទុកភ្ញៀវជាម្ចាស់”។

អ្នកឧកញ៉ាលី ហួរបានបន្តថា “ខ្ញុំមិនមែនអ្នកប្រាជ្ញឬកវីទេ តែខ្ញុំអាចដឹកនាំ បង្រៀនបុគ្គលិករាប់ពាន់នាក់។ ហេតុនេះយើងមិនត្រូវគិតថា យើងធ្វើមិនបានទេ ផ្ទុយទៅវិញបើយើងគិតថា យើងធ្វើបាន យើងនឹងខិតខំហើយ”។ អ្នកឧកញ៉ាបានបន្តថា “មហិច្ឆតាខ្ញុំបែបនេះ មិនស្កប់ស្កល់នូវអ្វីដែលគិតថា គ្រប់គ្រាន់នោះទេ តែសម្រាប់ខ្ញុំ គឺខ្ញុំផ្លាស់ប្តូរ បើមិនផ្លាស់ប្តូរ ខ្ញុំនៅតែលក់ខោអាវកូនក្មេង”៕

ផែនការជាតិភស្តុភារកម្ម២០២៣ ២០៣៣ បង្ហាញទំហំទឹកប្រាក់ត្រូវចំណាយជិត៣៧ពាន់លានដុល្លារ

ដោយៈ គង់ សូរិយា

ភ្នំពេញៈ ក្រុមប្រឹក្សាជាតិភស្តុភារកម្ម ដើម្បីពិនិត្យវឌ្ឍនភាពនៃផែនការមេគ្រប់ជ្រុងជ្រោយស្ដីពី ប្រព័ន្ធដឹកជញ្ជូនអន្តរមធ្យោបាយ និងភស្ដុភារកម្មកម្ពុជា ២០២៣-២០៣៣ ដែលគំរោងនេះត្រូវការទំហំទុនវិនិយោគ៣៦,៦ពាន់លានដុល្លារអាមេរិក។

យោងតាមផែនការមេគ្រប់ជ្រុងជ្រោយស្ដីពី ប្រព័ន្ធដឹកជញ្ជូនអន្តរមធ្យោបាយ និងភស្ដុភារកម្មកម្ពុជា ២០២៣-២០៣៣ ដែលត្រូវបានរាជរដ្ឋាភិបាលកម្ពុជាអនុម័ត ដាក់ឱ្យប្រើប្រាស់ជាផ្លូវការកាលពីថ្ងៃទី២ ខែសីហា ឆ្នាំ២០២៣ ក្នុងនោះមានផែនការមេចំនួន៧ សំយោគ បញ្ចូលគ្នារួមមាន៖ ផ្លូវថ្នល់ ផ្លូវដែក ផ្លូវទឹក កំពង់ផែ ភស្តុភារកម្ម ផ្លូវអាកាស និងដឹកជញ្ជូនអន្តរមធ្យោបាយ រួមគ្នាមានចំនួន១៧៤គម្រោងទាំងផ្នែកទន់ និងផ្នែករឹង ជាមួយនឹងទឹកប្រាក់វិនិយោគប្រមាណ៣៦,៦ពាន់លានដុល្លារអាមេរិក។

ព័ត៌មាននេះ ត្រូវបានលើកឡើងក្នុងកិច្ចប្រជុំ ដឹកនាំដោយលោកឧបនាយករដ្ឋមន្ត្រីស៊ុន ចាន់ថុល អនុប្រធានទី១ក្រុមប្រឹក្សាអភិវឌ្ឍន៍កម្ពុជា អ្នកឧកញ៉ាគិត ម៉េងប្រធានសភាពាណិជ្ជកម្មកម្ពុជា និងរដ្ឋមន្រ្តីមកពីក្រសួងចំនួនបីផងដែរ។

ក្នុងកិច្ចប្រជុំដ៏មានសារៈសំខាន់នេះ លោកស៊ុន ចាន់ថុលបានមានប្រសាសន៍ ស្នើសុំទៅគ្រប់ភាគីពាក់ព័ន្ធទាំងអស់ទាំងផ្នែករដ្ឋ និងឯកជន ចូលរួមផ្សព្វផ្សាយឱ្យបានទូលំទូលាយ អំពីផែនការមេគ្រប់ជ្រុងជ្រោយស្តីពី ប្រព័ន្ធដឹកជញ្ជូនអន្តរមធ្យោបាយ និងភស្តុភារកម្មកម្ពុជា ២០២៣-២០៣៣ ដែលជាផែនការមេថ្នាក់ជាតិថ្មីមួយ ដើម្បីជំរុញឱ្យកម្ពុជាអាចទាក់ទាញការវិនិយោគ ចូលមកបានកាន់តែច្រើនបន្ថែមទៀត។

ផែនការមេនេះ មានចក្ខុវិស័យក្នុងការបន្តកែលម្អ និងអភិវឌ្ឍន៍ប្រព័ន្ធដឹកជញ្ជូន និងឡូជីស្ទីក ដោយផ្តោតលើការជំរុញការកសាងហេដ្ឋារចនាសម្ព័ន្ធរូបវន្ត និងអរូបវ័ន្ត ឆ្ពោះទៅរកការអភិវឌ្ឍប្រព័ន្ធដឹកជញ្ជូនអន្តរមធ្យោបាយ មានការតភ្ជាប់ខ្ពស់ និងភាពប្រទាក់ក្រឡា ទាំងផ្ទៃក្នុងប្រទេស និងជាមួយតំបន់ ដែលនឹងបន្តរួមចំណែកជំរុញ និងទ្រទ្រង់កំណើនសេដ្ឋកិច្ចជាតិ ព្រមទាំងបំពេញសេចក្តីត្រូវការសង្គម-សេដ្ឋកិច្ចប្រកបដោយចីរភាព និងបរិយាប័ន្ន៕

កិច្ចប្រជុំនាឱកាសនេះ ត្រូវបានរៀបចំឡើងក្នុងគោលបំណងដើម្បីពិនិត្យពិភាក្សាលើរបៀបវារៈចំនួន៤ រួមមាន ទី១ វឌ្ឍនភាពការងាររបស់គណៈកម្មាធិការជាតិភស្តុភារកម្ម ទី២ វឌ្ឍនភាពផែនការមេគ្រប់ជ្រុងជ្រោយស្ដីពី ប្រព័ន្ធដឹកជញ្ជូនអន្តរមធ្យោបាយ និងភស្ដុភារកម្មកម្ពុជា ២០២៣-២០៣៣ (Comprehensive Masterplan on Intermodal Transport Connectivity and Logistics System in Cambodia 2023-2033_CITLS) ទី៣ វឌ្ឍនភាពគម្រោងនៃការអភិវឌ្ឍមជ្ឈមណ្ឌលភស្តុភារកម្មភ្នំពេញ និងទី៤ វឌ្ឍនភាពគម្រោងនៃការអភិវឌ្ឍមជ្ឈមណ្ឌលភស្តុភារកម្មក្រុងព្រះសីហនុ៕

Philippines’ penchant for online shopping to lift Manila’s logistics property rents by up to 5% this year: Knight Frank

Filipinos’ fondness for online shopping is set to further boost Manila’s logistics property rents this year after surging nearly 40 per cent in 2023, catapulting the Philippines’ capital over Sydney as the best-performing city in Asia-Pacific for this category, according to Knight Frank.

Industrial property rents are expected to rise by another 3 per cent to 5 per cent this year, according to a report by the real estate consultancy.“The surge in the number of online merchants in the Philippines has significantly increased the demand for logistics space in Manila,” said Christine Li, head of research for Asia-Pacific at Knight Frank.

Online retail in the Philippines has grown five times since 2019, making it the fastest growing market in Southeast Asia, according to data cited by Knight Frank.

E-commerce sales in the Philippines are forecast to hit US$19 billion in 2026, growing at a compound annual rate of 17.9 per cent from 2022, according to local media reports, citing research from data and analytics provider GlobalData.

The growth in online retail sales is supported by the nation’s 5.6 per cent economic expansion last year, making it Southeast Asia’s fastest-growing economy.

The rental growth of logistics property in Manila helped lift the entire segment in Asia-Pacific, according to Knight Frank. Source: SCMP

Thai manufacturers cut production as cheap Chinese imports take a toll

An influx of cheap imports from China is posing a serious threat to Thai manufacturers, Kasikorn Research Centre (KResearch) said on Friday.

Citing statistics from the Commerce Ministry, KResearch said Thailand in 2023 imported consumer products worth 469.52 billion baht from China — increasing 2.8% year on year — which accounted for 41% of all imports of consumer products.

Electrical appliances made up 43.3% of products imported from China, higher than other products that comprised fresh and processed fruits (10%), clothes and shoes (9.3%), furniture and home decorations (9.1%), and kitchenware (9%).

KResearch said the Chinese imports have heightened the competition with domestic products, especially in segments where Chinese products are significantly cheaper because of lower production costs, including shoes, bags, vegetables and fruits.

The centre also found that Thai manufacturers have gradually reduced production capacity in the non-food sector that is heavily competing against Chinese counterparts, such as apparels and furniture, which are now using only around 30-45% of their capacity.

The centre predicted a narrow expansion in the retail industry in 2024 at 3% year on year to approximately 4.1 trillion baht.

The expansion will be driven mainly by spending by foreign tourists, while the price mechanism will prompt around 60% of retail operators to adjust their price up in the next three months.

The Commerce Ministry announced earlier this week that it was considering measures to combat the influx of cheaper products from overseas. They include expanding the list of products legally required to have Thai Industrial Standard certificates and revising the tax break on imported products worth under 1,500 baht sold on online platforms. Source: The Nation

Saudi Arabia ranks 4th on G20 road quality index

RIYADH: Saudi Arabia has secured the fourth spot in the Road Quality Index among G20 countries, according to a 2023 World Economic Forum report.

The Kingdom’s RQI grew by over 10 percent to 5.7, which is the highest among its G20
counterparts, the Saudi Press Agency reported.

The RQI evaluates the quality of road networks, thereby helping ensure user safety.
The advancement in terms of RQI falls in line with the efforts exerted to maintain the Kingdom’s global leadership
in road network connectivity, enhance road quality, and improve operational efficiency.

It also aligns well with the nation’s endeavors to ensure safety as well as meet the ambitious targets outlined in the National Transport and Logistics Services Strategy entailed in its Vision 2030.

“This progress comes as a result of the great and unlimited support it enjoys from the (Kingdom’s) wise leadership,” Saudi Minister of Transport and Logistics Saleh Al-Jasser said.

The acting CEO of the Roads General Authority, Badr bin Abdullah Al-Dulami, highlighted the remarkable momentum in the road sector in 2023, which contributed to this achievement.

In May 2022, the Saudi Ministry of Transport and Logistics announced that it was seeking to secure the sixth place in the global RQI
rankings by 2030.

At the time, the ministry said that it was working to enhance the integration of transport patterns and the road network to improve services in cities, regions, and governorates.Source: Arab News

Singapore expects 1 pct to 3 pct economic growth in 2024

Singapore is cautiously optimistic about 2024 and expects higher gross domestic product (GDP) growth at 1 percent to 3 percent, Deputy Prime Minister Lawrence Wong said on Friday.

Amid a troubled international environment and subdued global economy, Singapore’s economy grew by 1.1 percent last year and avoided a recession, Wong said while presenting the 2024 budget bill to the Parliament.

He noted that the global outlook for 2024 is mixed as major economies will be resilient while geopolitical risks continue to loom larger and may lead to disruptions in energy markets and supply chains.

Meanwhile, global inflation is expected to recede in 2024, and the electronics industry will recover. Asian economies, including China, India, and Southeast Asian countries, will continue to be a key driver of global growth, Wong said, noting that 2024 will be a better year for Singapore.

“Though expecting the situation to improve this year, there are still more uncertainties in the outlook,” Wong said, noting that the budget bill will invest more to support households.

The government will provide shopping vouchers, utility bill subsidies, and other living allowances to low-income groups this year to reduce the impact of inflation on households, he said.

Singaporean government will offer several supporting packages to reinforce its competitive advantages and improve industrial structures.

The financial sector will receive a 2-billion Singapore dollar top-up to extend the lead in financial services. The government will invest more than 1 billion Singapore dollars in artificial intelligence in the next five years, Wong told the Parliament.

The government will also offer subsidies to encourage mid-career workers to refresh their skills and stay competitive as technology advances, according to the budget bill.Source: Xinhua

ធនាគារហត្ថា រៀបចំកិច្ចប្រជុំនាយកសាខាប្រចាំឆ្នាំក្រោមប្រធានបទ “ពួតដៃគ្នាដើម្បីភាពរឹងមាំទាំងអស់គ្នា”

ដោយៈ សហសេវិក

ភ្នំពេញៈ ធនាគារហត្ថា បានរៀបចំកិច្ចប្រជុំនាយកសាខាប្រចាំឆ្នាំ ក្រោមប្រធាន “ពួតដៃគ្នាដើម្បីភាពរឹងមាំទាំងអស់គ្នា” ដែលកម្មវិធីនេះបានប្រារព្ធធ្វើឡើងនាថ្ងៃចន្ទ ទី១៩ ខែកុម្ភៈ ឆ្នាំ២០២៤ នៅរាជធានីភ្នំពេញ។

កិច្ចប្រជុំដ៏មានសារៈសំខាន់នេះ មានការអញ្ជើញចូលរួមពីសំណាក់ លោកឧកញ៉ា ហួត អៀងតុង ប្រធានអគ្គនាយកធនាគារហត្ថា ថ្នាក់ដឹកនាំជាន់ខ្ពស់ និងថ្នាក់គ្រប់គ្រង ព្រមទាំងលោកនាយក-នាយិកាសាខា របស់ធនាគារ ហត្ថា មកពីគ្រប់សាខាទូទាំងប្រទេស។ កិច្ចប្រជុំឆ្នាំនេះ ត្រូវបានប្រារព្ធឡើងក្នុងគោលបំណង បង្ហាញពីផែនការយុទ្ធសាស្ត្រ ព្រមទាំងគោលដៅសម្រាប់ឆ្នាំ២០២៤។

លោកឧកញ៉ា ហួត អៀងតុង ប្រធានអគ្គនាយក ធនាគារ ហត្ថា បានមានប្រសាសន៍ថា “សុចរិតភាព សាមគ្គីភាព និងកិច្ចសហការ ក្នុងការបំពេញការងារប្រចាំថ្ងៃ គឺពិតជាមានសារៈសំខាន់យ៉ាងខ្លាំងមិនអាចអត់បាន ដើម្បីនាំនាវាធនាគារហត្ថា អាចឆ្លងកាត់ពុះពារឧបសគ្គទាំងឡាយ នៅក្នុងស្ថានភាពសេដ្ឋកិច្ចពិភពលោក ដែលមិនច្បាស់លាស់ដូចសព្វថ្ងៃនេះ ដើម្បីសម្រេចឱ្យបាននូវវឌ្ឍនភាព និងភាពជោគជ័យទំាងអស់គ្នា នៅក្នុងឆ្នាំថ្មីនេះ”។

លោកឧកញ៉ា បានមានប្រសាសន៍បន្ថែមថា ប្រធានបទ “ពួតដៃគ្នាដើម្បីភាពរឹងមាំទាំងអស់គ្នា” នៃកិច្ចប្រជុំថ្ងៃនេះ ជួយក្រើនរំលឹកជាថ្មីម្តងទៀតអំពីសារៈសំខាន់ នៃការពួតដៃគ្នាបំពេញការងារប្រកបដោយភាពស្មោះត្រង់ឱ្យខាងតែបាន ក្នុងគោលដៅមានទំនួលខុសត្រូវខ្ពស់បំផុត ដើម្បីកសាងភាពធន់ និងភាពរឹងមាំទាំងអស់គ្នា ឆ្ពោះទៅកាន់ភាពរីកចម្រើន និងភាពជោគជ័យនាពេលអនាគតទាំងអស់គ្នា។

កិច្ចប្រជុំបានបញ្ចប់ជាមួយនឹងបរិយាកាស មានការចូលរួមយ៉ាងច្រើនកុះករ និងទទួលបានផ្លែផ្កាជាទីមោទនភាព តាមរយៈការធ្វើបទបង្ហាញ កិច្ចពិភាក្សា ការចែករំលែកពីវាគ្មិនជំនាញ និងសំណួរ-ចម្លើយពីអ្នកចូលរួមទាំងអស់ ដែលជាធាតុចូលដ៏មានសារៈសំខាន់ និងមានតម្លៃសម្រាប់លោកនាយក-នាយិកាសាខា ពាំនាំយកទៅអនុវត្ត និងពង្រឹងកិច្ចការងារប្រចាំថ្ងៃ ដើម្បីជម្នះរាល់បញ្ហាប្រឈមផ្សេងៗ និងធានាឱ្យបាននូវភាពជោគជ័យ នាពេលខាងមុខ។

អំពីធនាគារ ហត្ថា
ធនាគារហត្ថា ជាធនាគារពាណិជ្ជដែលមានវត្តមាន នៅក្នុងព្រះរាជាណាចក្រកម្ពុជា អស់រយៈកាល៣០ឆ្នាំមកហើយ ដែលផ្តល់ជូនសេវាហិរញ្ញវត្ថុយ៉ាងទូលំទូលាយ ដល់អតិថិជនរបស់ខ្លួន។ គិតត្រឹមត្រីមាសទី៤ ឆ្នាំ២០២៣ ធនាគារហត្ថា កំពុងកាន់កាប់តំណែងជាធនាគារពាណិជ្ជធំជាងគេលំដាប់ទី៤ ផ្អែកលើការិយាល័យប្រតិបត្តិការរបស់ខ្លួន។

ធនាគារហត្ថា ជាក្រុមហ៊ុនបុត្រសម្ព័ន្ធរបស់ ធនាគារ ក្រុងស្រ៊ី ដែលជាសម្ព័ន្ធហិរញ្ញវត្ថុធំបំផុតលំដាប់ទី៥ នៅក្នុងព្រះរាជាណាចក្រថៃឡង់ដ៍ ដែលមានអាយុកាលអាជីវកម្មរយៈពេល៧៨ឆ្នាំ។ ធនាគារ ក្រុងស៊្រី ជាសមាជិកយុទ្ធសាស្ត្រ នៃសម្ព័ន្ធហិរញ្ញវត្ថុអន្តរជាតិ MUFG Financial Group ដែលជាសម្ព័ន្ធហិរញ្ញវត្ថុធំជាងគេ នៅក្នុងប្រទេសជប៉ុន និងធំបំផុតមួយនៅក្នុងពិភពលោក៕

លក្ខណៈពិសេសចំនួន៥ នៃព្រីមៀរ៍ ផាកទទួលបានការគាំទ្រពីអតិថិជន ធ្វើឲ្យអ្នកអភិវឌ្ឍន៍សម្រេចបើកលក់គម្រោងដីឡូត៍ខ្នាតវីឡាថ្មី

ដោយៈ សហការី
ភ្នំពេញៈ ដោយមានការគាំទ្រឥតឈប់ឈរ ពីសំណាក់បងប្អូនអតិថិជន ធ្វើឱ្យគម្រោងដំណាក់កាលទី២របស់ព្រីមៀរ៍ ផាក លក់ជិតអស់ទៀតហើយ ទើបក្រុមហ៊ុនក៏សម្រេចបើកលក់ ដំណាក់កាលទី៣បន្ថែមទៀតតាមសំណូមពររបស់អតិថិជន។

តើគម្រោងដំណាក់កាលទី៣ មានលក្ខណៈពិសេសអ្វីខ្លះ?
គំរោងនេះលក្ខណៈពិសេសជាច្រើន រួមមាន ទី១ ស្ថិតនៅស្របតាមបណ្តោយផ្លូវមេទំហំ 30 ម៉ែត្រភ្ជាប់ទៅផ្លូវជាតិ៧មករាផង ផ្លូវជាតិ៦អាផង និងមហាវិថីឈ្នះឈ្នះផង ។ ទី២ ដីមានច្រើនទំហំ ដូចជា 10×20 10×30 20×30 និងធំជាងនេះតាមការចង់បានរបស់អតិថិជន។
ទី៣ ប្រព័ន្ធលូ ផ្លូវ ទឹក ភ្លើង ត្រូវបានរៀបចំឡើងស្ទើររួចរាល់ ទី៤ មានប្លង់រឹងស្រាប់សុវត្ថិភាព១00%។ ទី៥ មានទីតាំងស្ថិតក្នុងតំបន់អភិវឌ្ឍក្បាលនាគ កៀកពហុកីឡដ្ឋានជាតិមរតកតេជោ ផ្សារម៉ាក្រូ វិមានឈ្នះឈ្នះ សួនសត្វភ្នំពេញសាហ្វារី សួនទឹកហ្គាឌិនស៊ីធី រោងចក្រផលិតទឹកស្អាតបាក់ខែង វិទ្យាស្ថានបច្ចេកវិទ្យាកម្ពុជា សាលាបណ្ឌិតសភាភូមិន្ទយុត្តិធម៌កម្ពុជា វិទ្យាស្ថានសេដ្ឋកិច្ចនិងហិរញ្ញវត្ថុ និងសាលាបណ្តុះបណ្តាល សម្រាប់សិស្ស និងមន្រ្តីរាជការនៃវិស័យយុត្តិធម៌ ជិតពេទ្យ ផ្សារ សាលារៀន ហ៊ុមពទ័្ធដោយគម្រោងអភិវឌ្ឍធំៗជាច្រើនទៀត ជាពិសេសអមដោយទន្លេរ២ ផ្តល់ខ្យល់បរិសុទ្ធ ជាទីដ៏ល្អបំផុតសម្រាប់ការរស់នៅ និងការវិនិយោគ។

អ្វីដែលកាន់តែពិសេសជាងនេះ ទៅទៀតមានព័ត៌មានលើកឡើងថា ចំណុចចាប់ផ្តើមនៃផ្លូវល្បឿនលឿនភ្នំពេញ -សៀមរាប-ប៉ោយប៉ែត ក៏មានចំងាយត្រឹមតែជាង៣ពាន់ម៉ែត្រប៉ុណ្ណោះ ពីគម្រោងព្រីមៀរ៍ផាក។
ដើម្បីឆ្លើយតបនិងសំណូមពរ ក៏ដូចជាការគាំទ្រពីអតិថិជន គម្រោងព្រីមៀរ៍ ផាក នឹងបើកលក់ដំណាក់កាលទី៣ ជាផ្លូវការនៅថ្ងៃទី23 ខែ កុម្ភៈ ឆ្នាំ2024 ខាងមុខនេះ ដោយមានការផ្តល់ជូនការបញ្ចុះតំលៃដ៏អស្ចារ្យ សរុបជាទឹកប្រាក់រហូតដល់ជាង60,000$ ភ្លាមៗ បូកបន្ថែមការកាត់ប្លង់រឹងជូនដោយឥតគិតថ្លៃ ជាមួយនិងការរៀបចំសួនបន្ថែមក្នុងដីឡួត៍ជូនទៀតផង។

ការផ្តល់ជូនដ៏ពិសេសនេះ គឺមាននៅតែព្រីមៀរ៍ ផាកតែមួយប៉ុណ្ណោះ ដូច្នេះកុំអោយឱកាសដ៏ពិសេសនេះ កន្លងផុតទៅអោយសោះណា សូមអញ្ជើញមកមុននឹងទទួលបានទីតាំងល្អមុន។
ដីល្អកម្ររកបានគឺមានតែមួយគត់នៅគម្រោងព្រីមៀរ៍ ផាក ។
សម្រាប់ព័ត៌មានបន្ថែមសូមទំនាក់ទំនងមកកាន់លេខទូរស័ព្ទ 092 9999 11 និង 093 9999 11 ។
ព្រីមៀរ៍ ផាក ជាទីរស់នៅ និងវិនិយោគដ៏ល្អបំផុតរបស់លោកអ្នក៕

1...753754755...3,379 Page 754 of 3,379