ដោយ: គង់ លាងហួរ
ប៉េកាំង: យោងតាមទិន្នន័យពីការិយាល័យស្ថិតិជាតិបានបង្ហាញកាលពីថ្ងៃសុក្រថា ការវិនិយោគលើទ្រព្យសកម្មថេររបស់ប្រទេសចិនបានកើនឡើង៣,២ភាគរយនៅក្នុងរយៈពេលប្រាំបីខែដំបូង ឆ្នាំ២០២៣នេះ បើធៀបនឹងរយៈពេលដូចគ្នាកាលពីឆ្នាំមុន។

នេះបើយោងតាមសារពត៌មានរដ្ឋចិន Xinhua ចុះផ្សាយនៅថ្ងៃសុក្រ ទី១៥ ខែកញ្ញា ឆ្នាំ២០២៣។
ការិយាល័យស្ថិតិជាតិបានបញ្ជាក់នៅក្នុងសេចក្តីថ្លែងការណ៍មួយថា ការវិនិយោគសរុបមានទំហំទឹកប្រាក់ចំនួន៣២,៧ពាន់ពាន់លានយ័ន (ប្រហែល៤,៥៦ពាន់ពាន់លានដុល្លារអាមេរិក) ក្នុងរយៈពេល៨ខែដំបូងដើមឆ្នាំនេះ។ការវិនិយោគលើការសាងសង់ហេដ្ឋារចនាសម្ព័ន្ធបានកើនឡើង៦,៤ភាគរយ ហើយការវិនិយោគលើវិស័យផលិតកម្មបានកើនឡើង៥,៩ភាគរយ បើធៀបនឹងរយៈពេល៨ខែដំបូងដូចគ្នាកាលពីឆ្នាំមុន។

មូលធនដែលហូរចូលទៅក្នុងការអភិវឌ្ឍន៍ វិស័យអចលនទ្រព្យបានធ្លាក់ចុះ៨,៨ភាគរយ ខណៈដែលការវិនិយោគពីវិស័យឯកជនបានធ្លាក់ចុះ០,៧ភាគរយនៅក្នុងរយៈពេល៨ខែដំបូងនេះ។

វិស័យឧស្សាហកម្ម បច្ចេកវិទ្យា ជាន់ខ្ពស់ សម្រេចបាន នូវកំណើន យ៉ាង ឆាប់ រហ័ស ដោយ ការ វិនិយោគ លើវិស័យនេះបាន កើន ឡើង១១,៣ភាគរយ បើធៀបនឹងរយៈពេល៨ខែដំបូងដូចគ្នាកាលពីឆ្នាំមុន។

ជាក់ស្តែង ក្នុងរយៈពេល៨ខែ ឆ្នាំនេះ ការវិនិយោគទៅលើវិស័យផលិតកម្ម និងសេវាកម្មបច្ចេកវិទ្យាជាន់ខ្ពស់ បានកើនឡើង១១,២ភាគរយ និង១១,៥ភាគរយរៀងៗគ្នាបើធៀបនឹងរយៈពេលដូចគ្នា កាលពីឆ្នាំ២០២២៕

ដោយៈ តែម សុខុម

វ៉ាស៊ីនតោន: ប្រភពច្បាស់ការបានទម្លាយឱ្យដឹង កាលពីថ្ងៃអង្គារ ទី១៧ ខែតុលា ថា ប្រធានាធិបតីអាមេរិក លោក ចូ បៃឌិន អាចនឹងពិចារណា ស្នើសុំជំនួយបន្ថែមប្រមាណ១០០ពាន់លានដុល្លារ ដែលនឹងរួមបញ្ចូលទាំងជំនួយការពារជាតិ សម្រាប់អ៊ីស្រាអែល អ៊ុយក្រែន និងតៃវ៉ាន់ផងដែរ។

មានការរំពឹងទុកខ្ពស់ថា លោក ចូ បៃឌិន នឹងស្នើឱ្យសភាអនុម័តសេចក្ដីព្រាងចំណាយបន្ថែមនេះ នៅប៉ុន្មានថ្ងៃខាងមុខ ខណៈរដ្ឋាភិបាលក្រុងវ៉ាស៊ីនតោន ឆ្លើយតបទៅនឹងការវាយប្រហារ ដ៏សាហាវកាលពីថ្ងៃទី៧ ខែតុលា ដោយក្រុមសកម្មប្រយុទ្ធហាម៉ាស់ (Hamas) ទៅលើអ៊ីស្រាអែល ខណៈកំពុងសម្លឹងបន្តគាំទ្រអ៊ុយក្រែន ទប់ទល់នឹងការឈ្លានពានរបស់រុស្ស៊ី។ដំណឹងដ៏គួរឱ្យភ្ញាក់ផ្អើលនេះបានលេចឮ នៅពេលលោក ចូ បៃដិន ត្រៀមចេញដំណើរទៅកាន់ទីក្រុងតេល អាវីវ (Tel Aviv) និងក្រុងអាមម៉ាន់ (Amman) នៃប្រទេសអ៊ីស្រាអែល ដើម្បីបង្ហាញការគាំទ្រដល់អ៊ីស្រាអែល ព្រមទាំងដើម្បីជួបជាមួយមេដឹកនាំ នៃប្រទេសហ្ស៊កដានី និងប្រទេសអេហ្ស៊ីប ស្តីពីវិបត្តិមនុស្សធម៌ នៅតំបន់ហ្គាហ្សា (Gaza) នៃទឹកដីប៉ាឡេស្ទីនផងដែរ។

ក្រុមថ្នាក់ដឹកនាំព្រឹទ្ធសភាអាមេរិក បានលើកឡើងកាលពីថ្ងៃអង្គារ ទី១៧ ខែតុលា ថា ពួកគេរំពឹងថា លោក ចូ បៃដិន នឹងបញ្ជូនឱ្យពួកគេនូវសំណើមួយ នៅចុងសប្តាហ៍នេះ ដើម្បីស្នើសុំជំនួយច្រើនពាន់លានដុល្លារ សម្រាប់អ៊ីស្រាអែល អ៊ុយក្រែន និងតៃវ៉ាន់ និងសម្រាប់សន្តិសុខ នៅតាមព្រំដែនសហរដ្ឋអាមេរិក។

ប្រភពបានទម្លាយឱ្យដឹងថា ក្រុមមន្ត្រីរដ្ឋាភិបាលក្រុងវ៉ាស៊ីនតោ​ន បាននិងកំពុងធ្វើការលើសំណើនេះ ជាច្រើនសប្តាហ៍មកហើយ៕ The Edge Markets៕

        ដោយៈ គង់ ហ្វីអូណា

        កោះកុងៈ មន្រ្តីជាន់ខ្ពស់ក្រសួងទេសចរណ៍ បានលើកឡើងថា ចង់អភិវឌ្ឍន៍តំបន់ឆ្នេរសមុទ្រ បានលុះត្រាទាមទារឱ្យអភិក្រម៤P ទើបប្រែក្លាយកម្ពុជា ជាគោលដៅទេសចរណ៍ កម្រិតពិភពលោកប្រកបដោយបដិសណ្ឋារកិច្ចល្អ ជាទីកន្លែងសម្រាប់ការរស់នៅ និងទស្សនាយ៉ាងល្អប្រសើរ។

លោកសុខ សុគុណអនុរដ្ឋលេខាធិការក្រសួងទេសចរណ៍ បានថ្លែងក្​នុងពិធីបើកសិក្ខាសាលា ពិគ្រោះយោបល់ស្តីពី ផែនការជំរុញការវិនិយោគ និងអភិវឌ្ឍន៍ ទេសចរណ៍ខេត្តតំបន់ឆ្នេរសមុទ្រកម្ពុជា ឆ្នាំ២០២៤-២០២៨។តើអ្វីជា៤P ពាក្យ4P សំដៅដល់ពាក្យដែលមានអត្ថន័យដូចជា Public, People, Private and Partner “រដ្ឋ-ឯកជន-ប្រជាពលរដ្ឋ និងដៃគូអភិវឌ្ឍន៍”។លោកអនុរដ្ឋលេខាធិការ ក៏បានបន្ថែមចក្ខុវិស័យ បេសកកម្ម និងយុទ្ធសាស្ត្រ បង្កើន៥” (BUILD 5, Branding Management,Unique Selling Point, Inbound Design Quality Travel, Leverage and Diversification and Develop Competitive Sites and Resources) S «Hajm» (3Ds, Design Institution Structure, Digitalization Transformation and Development of Human Resources) j ទើបកម្ពុជាប្រែក្លាយកម្ពុជា ជាគោលដៅទេសចរណ៍ កម្រិតពិភពលោកប្រកបដោយ បដិសណ្ឋារកិច្ចល្អ ភាពកក់ក្ដៅ ជាទីកន្លែងដែលមានលក្ខខណ្ឌប្រសើរបំផុតសម្រាប់ការរស់នៅ និងទស្សនា។

មន្រ្តីជាន់ខ្ពស់ក្រសួងទេសចរណ៍ បន្តលើកឡើងរសៀលថ្ងៃទី១៨ ខែតុលា ឆ្នាំ២០២៣ថា ការរៀបចំផែនការជំរុញការវិនិយោគ និងអភិវឌ្ឍន៍ទេសចរណ៍ តំបន់ឆ្នេរសមុទ្រកម្ពុជា ២០២៤- ២០២៨ ដ៏មានសារៈសំខាន់ នៅលើទឹកដីដែលពោរពេញ ដោយភាពអាទិ៍កំបាំង ជាសក្តានុពលមិនចេះរីងស្ងួត ក្នុងការអភិវឌ្ឍវិស័យទេសចរណ៍ នៅខេត្តកោះកុង។លោកសុខ សុគុណបានបញ្ជាក់ថា សិក្ខាសាលាដ៏មានសារៈសំខាន់ ក្នុងគោលដៅជំរុញ និងអភិវឌ្ឍន៍ទេសចរណ៍ នៅខេត្តតំបន់ឆ្នេរសមុទ្រកម្ពុជា ឱ្យកាន់តែមានភាពទាក់ទាញទេសចរ និងការវិនិ​យោគ។

ជាមួយគ្នានេះ លោក ស្រេង ហុង អភិបាលរងខេត្តកោះកុង ពេញចិត្តយ៉ាងខ្លាំង ចំពោះកិច្ចប្រឹងប្រែងរបស់ក្រសួងទេសចរណ៍ និងរាជរដ្ឋាភិបាល ដោយចង់ប្រែក្លាយខេត្តកោះកុង ឱ្យមានការអភិវឌ្ឍន៍វិស័យទេសចរណ៍កាន់ខ្លាំងមិនថា តែទេសចរណ៍បែបអេកូធម្មជាតិ។លោកបានសម្តែងសុទិដ្ឋិនិយមថា ខេត្តកោះកុងជាខេត្តមួយដែលសម្បូរទៅដោយធនធានធម្មជាតិ ព្រៃភ្នំ ជ្រោះ ជ្រុងជ្រលងដងអូរ ស្ទឹង ព្រែកជាច្រើនដែលកត្តាទាំងអស់នេះ បានអំណោយផលទៅដល់ការអភិវឌ្ឍន៍ វិស័យអេកូទេសចរណ៍បែបធម្មជាតិ ជាពិសេសខេត្តក៏មានឆ្នេរសមុទ្រវែង ជាងខេត្តតំបន់ឆ្នេរទាំងបីទៀត ហើយត្រូវបានបញ្ចូលជាសមាជិក ក្លឹបឆ្នេរស្អាតជាងគេលើសកលលោក ដែលត្រូវបានប្រសិទ្ធិនាមថា តារារះនាទិសនិរតី៕

ប៉ុន្មានឆ្នាំចុងក្រោយនេះ មនុស្សបានយកចិត្តទុកដាក់យ៉ាងខ្លាំងចំពោះសុខភាព និងបរិយាកាសរស់នៅ។ តើអតិថិជនត្រូវការកន្លែងរស់នៅបែបណា? ក្រុមអតិថិជនកម្រិតមធ្យមទៅកម្រិតខ្ពស់កាន់តែយកចិត្តទុកដាក់ខ្លាំងឡើងអំពីបញ្ហាសុខភាពរបស់គ្រួសារពួកគេ ដូចនេះពួកគេចង់បានកន្លែងរស់នៅកាន់តែធំទូលាយ និងបរិយាកាសស្នាក់នៅប្រកបដោយផាសុកភាព។

 ព្រីនស៍ វ័ន ត្រូពិកា ជា​គម្រោង​លក់ដាច់​ជាងគេ​ក្នុង​ខណ្ឌសែនសុខ និងជា​គម្រោងបុរី​វីឡា​​បែប​សួនច្បារ​លំដាប់​ខ្ពស់​ដំបូង​គេ​របស់ Prince Group ដែលត្រូវបានសាងសង់ឡើងស្របតាម​គោល​គំនិត «​កសាង​ជីវិតឲ្យ​កាន់តែ​ប្រសើរ​»។ ប្រភេទផ្ទះដែលមានកម្ពស់ 3.5 ជាន់ដំបូងគេនៅភ្នំពេញត្រូវបានរចនាឡើងដើម្បីបំពេញតម្រូវការរបស់គ្រួសារផ្សេងៗគ្នា។​ គម្រោងមានផ្ទះ 7 ប្រភេទ រួមមាន ផ្ទះអាជីវកម្ម វីឡាកូនកាត់ វីឡាភ្លោះ វីឡាទោល និងវីឡាឃ្វីន។ល។

ទេសភាពក្នុងគម្រោងត្រូវបានរៀបចំឡើងតាមគំនិតសិល្បៈគំនូរបែបស្រមើស្រមៃ (Impressionist) របស់ លោក Monet ដោយរួមបញ្ចូលការរចនាទេសភាពបែបអ៊ឺរ៉ុប និងអាមេរិក ដើម្បីបង្កើតទេសភាពដ៏គួរឲ្យទាក់ទាញ។ អ្នករស់នៅទីនេះ នឹងអាចរីករាយជាមួយទេសភាពដ៏ ស្រស់ស្អាតនៅគ្រប់ទីកន្លែងដែលអ្នកឆ្លងកាត់។ ពេលសម្រាកចុងសប្តាហ៍ អ្នកក៏អាចរីករាយជាមួយអាង​ហែល​ទឹក​លំដាប់​ខ្ពស់ បន្ទប់ស្នុកឃ័រ បន្ទប់​ហាត់ប្រាណ បន្ទប់​យូហ្គា និងបាររ៉ូមេនទិកផងដែរ។

ការរចនារបស់ព្រីនស៍ វ័ន ត្រូពិកាបានគិតគូរយ៉ាងល្អិតល្អិនចំពោះសុខភាពរាងកាយរបស់ម្ចាស់ផ្ទះនីមួយៗ ជាពិសេសគឺមានរៀបចំអាងហែលទឹកសារធាតុរ៉េ ដើម្បីជាជំនួយដល់ការថែទាំសុខភាពក៏ដូចជាផ្តល់នូវបទពិសោធរស់នៅដ៏ពិសេសផងដែរ។

អាងហែលទឹកនេះប្រើប្រាស់ទឹកដែលសម្បូរទៅដោយសារធាតុជាង 30​ មុខដូចជា រ៉ាដុន ហ្វ្លុយអូរីន និងរ៉ាដ្យូម ដើម្បីជំនួសទឹកអាងហែលទឹកធម្មតា។ ក្នុងចំណោមនោះ សារធាតុរ៉ាដុនជួយធ្វើឲ្យកាយសម្បទាមានភាពប្រសើរឡើង ហើយគ្រប់គ្រងប្រព័ន្ធ endocrine និងជំរុញការរំលាយអាហារ​។ ប្រសិនបើអ្នកហែលទឹកជាប្រចាំ វានឹងជួយសម្រួលដល់ការលើសរសៃឈាមបេះដូង ប្រព័ន្ធប្រសាទ និងជំងឺស្បែក។

លើសពីនេះ ទឹកសារធាតុរ៉ែនេះក៏អាចធ្វើឲ្យអាងហែលទឹកកាន់តែស្រស់ថ្លា និងមានរសជាតិប្រហែលទៅនឹងទឹកសមុទ្រ ដូច្នេះអ្នកអាចទទួលបានអារម្មណ៍ធម្មជាតិកាន់តែច្រើននៅពេលហែលទឹក​។ ម្យ៉ាងវិញទៀត វាមានភាពល្អប្រសើរជាងអាងហែលទឹកដែលប្រើជាតិក្លរីន ដែលនឹងមិនងាយបង្កឲ្យរលាកភ្នែក និងរលាកស្បែកទេ គឺធ្វើឲ្យការហែលទឹកកាន់តែមានផាសុកភាពជាងមុនទៀត​។

ប្រព័ន្ធអាងហែលទឹកសារធាតុរ៉ែ ជាទូទៅត្រូវការសារធាតុគីមីតិចជាងមុន ដើម្បីរក្សាគុណភាពទឹក។ នេះជួយកាត់បន្ថយផលប៉ះពាល់បរិស្ថាន និងកាត់បន្ថយការពឹងផ្អែកលើសារធាតុគីមី។
ទន្ទឹមនឹងការធានាសុវត្ថិភាព និងសុខភាពនៃគុណភាពទឹក យើងក៏ការពារបរិស្ថានធម្មជាតិផងដែរ។

នៅពេលអនាគត ក្រុមហ៊ុន ព្រីនស៍ រៀល អ៊ីស្ទេត គ្រុប នឹងបន្តគិតគូរលើការកែទម្រង់ទីក្រុងទាំងមូល និងការធ្វើផែនការ និងប្រតិបត្តិការ ព្រមទាំងបន្តប្រមូលបទពិសោធក្នុងការសាងសង់ ប្រកាន់ខ្ជាប់នូវគោលបំណងដើម បន្តការអភិវឌ្ឍទីក្រុងប្រកបដោយតុល្យភាព និងពហុវិស័យក្នុងគោលបំណងបង្កើតលទ្ធភាពបន្ថែមទៀតសម្រាប់ការអភិវឌ្ឍកម្ពុជាប្រកបដោយចីរភាពនាពេលអនាគត​។

ព័ត៌មានផ្សព្វផ្សាយ៖

1. ព្រីនស៍ វ័ន ត្រូពិកា ជាគម្រោងបុរីវីឡាលក់ដាច់ជាងគេក្នុងខណ្ឌសែនសុខ។ តម្លៃចាប់ពី 160,000ឡើង និងបង់រំលស់ $399/ខែ។
2. ការសងប្រាក់វិញដោយមិនចាំបាច់មានហេតុផលក្នុងរយៈពេល 45 ថ្ងៃ។អ្វីដែលលោកអ្នកឃើញ គឺជាអ្វីដែលអ្នកទទួលបាន។ សំណង់ធានាគុណភាព។
3. បង់មុន 5% រំលស់គ្មានការប្រាក់ 5% កម្ចី 90% ក្រោយប្រគល់ផ្ទះ។ការស្នើឥណទានងាយស្រួល។
4. លោកអ្នកនឹងទទួលបានPrince Black Card សម្រាប់រាល់ការទិញផ្ទះនៅព្រីនស៍ វ័ន ត្រូពិកា ដែលអាចទទួលបានសេវាកម្ម VIP ពីគ្រប់ក្រុមហ៊ុនបុត្រសម្ព័ន្ធរបស់ Prince Group។

ទូរស័ព្ទ៖ (0)763099999
អាសយដ្ឋាន៖ ផ្ទះលេខ 1667 ផ្លូវ 1019 សង្កាត់ឃ្មួញ ខណ្ឌសែនសុខ រាជធានីភ្នំពេញ

In a world where people pay closer attention to their health and living environment,
what features of a living space will cater to those needs?

A top-selling real property project in Sen Sok, Prince·One Tropica is the first high-end, villa gated communities developed by Prince Real Estate Group, which adheres to its vision of ‘Building a Better Life.’ The development introduced a novel 3.5-level concept and seven unit types to sate the needs of a diversity of homebuyers: shop houses,link houses, link villas, small villas and queen villas.

The landscape of One Tropica is modeled on English and French gardens, as if one is walking into an Impressionist painting. Residents can enjoy the mineral pool in a high-end clubhouse inside the property, as well as recreational facilities such as snooker tables, gym, yoga room, among others.

The design of One Tropica takes into full consideration healthy lifestyle of its residents, especially when it comes to the Mineral Pool, which is filled with mineral water that cleanse and rejuvenate the body as one swims in it.

The mineral pool uses mineral water rich in more than 30 trace elements such as radon, fluorine, and radium to replace traditional swimming pool water. Among them, the radon trace element has the effect of improving physical fitness, regulating endocrine and promoting metabolism. If you exercise regularly in a mineral swimming pool, it will also have good effects on cardiovascular, nervous system and skin diseases.

At the same time, the mineral water refreshes swimmers like sea water, so you will have a more natural feeling when swimming. It is gentler than traditional chlorine pools and is less likely to cause eye and skin irritation, making it more comfortable to swim in.

In general, the mineral pool system requires fewer chemicals to maintain good water quality. This helps reduce its impact on the environment and reliance on chemicals.
While ensuring the water quality, it is also environment friendly.

Prince Real Estate Group will continue to focus on overall urban renewal and planning and operation, draw from its construction experience to achieve balanced development of the city, and create more possibilities for the sustainable development of Cambodia.

Promotions:

1. Top-selling project in Sen Sok, Prince One Tropica, starting from $160K, monthly installment from $399.
2. Refundable within 45 days, quality guaranteed.
3. 5% down payment, 5% interest-free installment, 90% monthly installment, Easy Loan procedures
4. Black Card membership for new property owners, enjoy VIP privileges from all Prince businesses

Hotline: (0)763099999 Address: 1667 Street 1019, Sangkat Khmuonh,  Khan Sen Sok, Phnom Penh

ដោយៈ តែម សុខុម

បាងកក: នាយករដ្ឋមន្ត្រីថៃ លោកSrettha Thavisin បានទម្លាយឱ្យដឹងកាលពីថ្ងៃអង្គារ ទី១៧ ខែតុលា ថា រដ្ឋាភិបាលថៃ កំពុងវាយតម្លៃគម្រោងផ្លូវកាត់សមុទ្រ (Land Bridge) ដ៏ធំមួយនៅភាគខាងត្បូងនៃប្រទេសថៃ ក្រោមទុនវិនយោគ២៧,៤៤ពាន់លានដុល្លារ ដែលនឹងជួយជំរុញកំណើន និងពាណិជ្ជកម្មពិភពលោក។

ការសិក្សារបស់រដ្ឋាភិបាលថៃបានបង្ហាញថា ការដេញថ្លៃ និងការសាងសង់ នឹងចាប់ផ្តើមនៅឆ្នាំ២០២៥ ហើយគម្រោងនេះនឹងបង្កើតការងារ២៨០.០០០កន្លែង នៅខេត្តភាគខាងត្បូង រួមមាន ខេត្ត Ranong និងខេត្ត Chumpon។

ទីភ្នាក់ងារធ្វើផែនការរដ្ឋបានប៉ាន់ប្រមាណថា គម្រោងនេះអាចបង្កើនកំណើនសេដ្ឋកិច្ច ឱ្យឈានដល់៥,៥%ក្នុងមួយឆ្នាំៗ។ សេដ្ឋកិច្ចរបស់ប្រទេសថៃ ត្រូវបានព្យាករថា នឹងកើនឡើង២៨%នៅឆ្នាំនេះ និង៤,៤%នៅឆ្នាំក្រោយ។

លោក Srettha Thavisin បានប្រាប់ក្រុមអ្នកយកព័ត៌មានអំឡុងដំណើរទស្សនកិច្ច ទៅកាន់ទីក្រុងប៉េកាំង ដើម្បីចូលរួម “វេទិកាខ្សែ​ក្រវាត់ និងផ្លូវ” (Belt and Road Forum) ថា “វានឹងក្លាយជាតំណភ្ជាប់ដ៏សំខាន់ សម្រាប់ភ័ស្តុភារកម្ម សម្រាប់ការដឹកជញ្ជូនទំនិញរវាងប្រទេសឥណ្ឌា តំបន់មជ្ឈិមបូព៌ា និងទ្វីបអាហ្វ្រិក”។រដ្ឋាភិបាលថ្មីរបស់ប្រទេសថៃ ដែលបានចូលកាន់អំណាចក្នុងខែសីហា ឆ្នាំនេះកំពុងវាយតម្លៃគម្រោង ដ៏មានមហិច្ឆតានេះ ដែលពាក់ព័ន្ធនឹងការសាងសង់ កំពង់ផែទឹកជ្រៅចំនួន២ និងផ្លូវថ្នល់ និងផ្លូវដែកប្រវែង៩០គីឡូម៉ែត្រ ដែលតភ្ជាប់ផ្លូវដឹកជញ្ជូនរវាងសមុទ្រ Andaman Sea និងឈូងសមុទ្រថៃ (Gulf of Thailand)។

គម្រោងដ៏មហិមានេះ នឹងឆ្លងកាត់ច្រកសមុទ្រម៉ាឡាកា (Strait of Malacca) ជាច្រកសមុទ្រដ៏តូចចង្អៀតរវាងម៉ាឡេស៊ី និងឥណ្ឌូនេស៊ី។
លោក Srettha Thavisin បានបន្តថា “ការមានផ្លូវកាត់សមុទ្រនឹងធ្វើឱ្យអ្នកវិនិយោគ ចាប់អារម្មណ៍កាន់តែខ្លាំង ខណៈរដ្ឋាភិបាលកំពុងជំរុញការវិនិយោគ និងជំរុញកំណើនសេដ្ឋកិច្ច”។រដ្ឋាភិបាលថៃ គ្រោងជួបជាមួយក្រុមអ្នកវិនិយោគ សម្រាប់គម្រោងខ្នាតយក្សនេះ ក្នុងខែវិច្ឆិកា ខាងមុខ៕ Reuters៕

ដោយ: គង់ លាងហួរ
សៀមរាប: អ្នកនាងជ័យ ស្រីខួច អ្នកលក់វត្ថុអនុស្សាវរីយ៍នៅឧទ្យានបុរាណវិទ្យាអង្គរ ចង់ឃើញភ្ញៀវទេសចរចិន កាន់តែច្រើនឡើង ដោយអ្នកស្រីបញ្ជាក់ថា ភ្ញៀវទេសចរចិន គឺជាប្រភពចំណូលដ៏សំខាន់របស់អ្នកស្រីក្នុងសម័យមុនជំងឺកូវីដ-១៩។

ដោយប្រកបមុខរបរជាអ្នកលក់ វត្ថុអនុស្សាវរីយ៍ជាច្រើនប្រភេទដូចជា ទ្រ ស្គរ ឈើច្រត់ ផ្ទាំងគំនូរអង្គរ ខ្សែដៃអង្កាំ ខ្សែក និងក្រមាបុរាណនៅប្រាសាទតាព្រហ្ម ក្នុងបរិវេណអង្គរអស់រយៈពេលជាច្រើនឆ្នាំមកហើយ អ្នកនាងបានសង្កេតឃើញថា ភ្ញៀវទេសចរចិនចូលចិត្តដើរទិញឥវ៉ាន់ និងទិញវត្ថុអនុស្សាវរីយ៍។

អ្នកនាងបានប្រាប់សារពត៌មាន Xinhua កាលពីថ្ងៃអង្គារកន្លងទៅថា “ភ្ញៀវទេសចរចិនជាអ្នកចំណាយដ៏ធំ សម្រាប់វត្ថុអនុស្សាវរីយ៍ ហើយខ្ញុំ​ចង់​ឃើញ​ពួកគេ​ ត្រឡប់​មក​កម្ពុជា​វិញ ​ដូច​មុន​ពេល​មាន​ជំងឺ​រាតត្បាត”។

អ្នកនាងបានបន្តថា បច្ចុប្បន្ននេះ ភ្ញៀវទេសចរចិនបានត្រលប់មកកាន់អង្គរវិញជាបណ្តើរៗហើយ ប៉ុន្តែចំនួននេះនៅមានកម្រិតទាបនៅឡើយ បើធៀបនឹងកម្រិតមុនផ្ទុះជំងឺរាតត្បាត។អ្នកនាងបានបន្តថា “យើងចង់ឱ្យភ្ញៀវទេសចរចិន កាន់តែច្រើនមកលេងកម្ពុជា ពីព្រោះប្រទេសរបស់យើងមានសុវត្ថិភាពខ្ពស់ មិនដូចរបាយការណ៍ ប្រព័ន្ធផ្សព្វផ្សាយមួយចំនួន ដែលបានចុះផ្សាយព័ត៌មានអវិជ្ជមាន អំពីកម្ពុជារបស់យើងនោះទេ”។

អាជីវករវ័យ២៦ឆ្នាំរូបនេះបានណែនាំថា ភ្ញៀវទេសចរគួរតែទៅទស្សនាប្រាសាទអង្គរវត្ត ប្រាសាទបាយ័ន និងប្រាសាទតាព្រហ្ម ប្រសិនបើពួកគេទៅលេងខេត្តសៀមរាប ព្រោះប្រាសាទបុរាណទាំងនេះមានភាពអស្ចារ្យ និងប្លែកពិសេស។

ជាមួយគ្នានេះ លោក ហុង ប៉េង មគ្គុទ្ទេសក៍ទេសចរណ៍និយាយភាសាចិន នៅឧទ្យានបុរាណវិទ្យាអង្គរ មានជំនឿយ៉ាងមុតមាំថា អាកាសយានដ្ឋានអន្តរជាតិសៀមរាប-អង្គរ (SAI) ដែលបានចាប់ផ្តើមប្រតិបត្តិការពាណិជ្ជកម្មរបស់ខ្លួន កាលពីថ្ងៃច័ន្ទ នឹងទាក់ទាញក្រុមហ៊ុនអាកាសចរណ៍ចិន កាន់តែច្រើនឱ្យបើកជើងហោះហើរ ដោយផ្ទាល់មកកាន់ខេត្តសៀមរាប ដោយនាំភ្ញៀវទេសចរចិនមកកម្ពុជាកាន់តែច្រើន។លោកបានបន្តថា “ការផ្ទុះជំងឺរាតត្បាតកូវីដ-១៩ ក្នុងរយៈពេល៣ឆ្នាំចុងក្រោយនេះ បានជះឥទ្ធិពលដល់វិស័យទេសចរណ៍ ដែលបណ្តាលឱ្យមានការថយចុះយ៉ាងខ្លាំង នៃចំនួនភ្ញៀវទេសចរមកកាន់កម្ពុជា” ។ ប៉ុន្តែលោកសង្ឃឹមថា “ស្របពេលមានការបើកដំណើរការព្រលានយន្តហោះថ្មី យើងសង្ឃឹមថា ចំនួនភ្ញៀវទេសចរបរទេស នឹងវិលត្រឡប់ទៅរកកម្រិតមុនជំងឺរាតត្បាតវិញ”។

មគ្គុទ្ទេសក៍ទេសចរណ៍វ័យ៤០ឆ្នាំរូបនេះបានបន្តថា ភ្ញៀវទេស​ចរ​ណ៍ មិនគួរមើលរំលងការទៅទស្សនាប្រាសាទអង្គរវត្ត ដែលជាតំបន់បេតិកភណ្ឌដ៏សំខាន់ បំផុតរបស់កម្ពុជានោះទេ ប្រសិនបើពួកគេមកលេងខេត្តសៀមរាប។

ចំណែកលោកPeng Wangxi ពាណិជ្ជករ​ចិន​មក​ពី​ទីក្រុង​សៀងហៃ​ដែល​មក​ទស្សនកិច្ច​នៅ​កម្ពុជា បានប្រាប់សារពត៌មានXinhua ថា “ប្រាសាទអង្គរវត្តពិតជាអស្ចារ្យណាស់។ ប្រសិនបើអ្នកចូលចិត្តវប្បធម៌ និងប្រវត្តិសាស្ត្រ វាពិតជាមានតម្លៃណាស់ក្នុងការមកទស្សនា”។ លោក Peng បាន​កត់​សម្គាល់​ពេល​និយាយ ​អំពី​ឧទ្យាន​បុរាណ​វិទ្យា​អង្គរ​ថា ​“ប្រាសាទអង្គរវត្ត សម្បូរ​ទៅ​ដោយ​បេតិកភណ្ឌ​វប្បធម៌​ដែល​មាន​ភាព​ទាក់ទាញ​ពិសេស”៕

ដោយ: គង់ លាងហួរ

អន្តរជាតិ: នៅពេលសាងសង់បញ្ចប់រួចរាល់ អគារJeddah Tower នៅប្រទេសអារ៉ាប៊ីសាអូឌីត នឹងមានកម្ពស់រហូតដល់ទៅ៣.២៨១ហ្វីត(១.០០០ម៉ែត្រ) ដែលកម្ពស់នេះស្មើជិត១១ដង នៃកម្ពស់រូបសំណាកសេរីភាព នៅក្រុងញ៉ូវយ៉ក សហរដ្ឋអាមេរិក។

ការសាងសង់អគារJeddah Tower នឹងវ៉ាឈ្នះ អគារខ្ពស់បំផុតក្នុងពិភពលោកនាពេលបច្ចុប្បន្ន គឺអគារ Burj Khalifa ដែលមានកម្ពស់៨២៨ម៉ែត្រ ស្ថិតនៅក្នុងទីក្រុងឌូបៃ ប្រទេសអារ៉ាប់រួមអេមីរ៉ាត។

អគារនេះនឹងក្លាយជានិមិត្តរូប នៃទីក្រុងសេដ្ឋកិច្ច Jeddah​ ជាមួយនឹងគោលបំណងជំរុញ កំណើនសេដ្ឋកិច្ចរបស់ប្រទេសអារ៉ាប៊ីសាអូឌីត តាមរយៈការនាំមកនូវភ្ញៀវទេសចរកាន់តែច្រើន។រចនាឡើងដោយលោក Adrian Smith ស្ថាបនិកនៃក្រុមហ៊ុនស្ថាបត្យកម្ម Adrian Smith + Gordon Gill Architecture ការសាងសង់សំណង់របស់អគារ Jeddah Tower បានចាប់ផ្តើមឡើងក្នុងឆ្នាំ២០១៣ ប៉ុន្តែវាត្រូវបានផ្អាកទៅវិញនៅឆ្នាំ២០១៨។

មូលហេតុដ៏សំខាន់នៃការផ្អាកនេះ គឺដោយសារតែក្រុមហ៊ុន Binladin Group ដែលជាអ្នកម៉ៅការ ត្រូវបានដកចេញពីគម្រោង បន្ទាប់ពីប្រធានរបស់ក្រុមហ៊ុននេះ គឺលោក Bakr bin Laden ដែលត្រូវជាបងប្អូនពោះមួយ របស់មេភេរវករអាល់កៃដា Osama Bin Laden ត្រូវបានចាប់ខ្លួន ក្នុងអំឡុងយុទ្ធនាការបោសសំអាតអំពើពុករលួយរបស់ប្រទេសអារ៉ាប៊ីសាអូឌីត។
មូលហេតុមួយទៀតគឺ ជំងឺរាតត្បាតកូវីដ-១៩ ដែលបានបណ្តាលឱ្យមានការពន្យារពេលបន្ថែមទៀត។ ទោះយ៉ាងណាក៏ដោយ យោងទៅតាមទស្សនាវដ្តី Dezeen បានចុះផ្សាយថា ឥឡូវនេះ ការងារសាងសង់អគារខ្ពស់កប់ពពកJeddah Tower នឹងត្រូវចាប់ផ្តើមឡើងវិញ។

ដោយដកស្រង់ពីក្រុមហ៊ុនប្រព័ន្ធផ្សព្វផ្សាយ Middle East Business Intelligence (MEED) ទស្សនាវដ្តី Dezeen បានរាយការណ៍ថា អ្នកអភិវឌ្ឍន៍ Jeddah Economic Company (JEC) ឥឡូវនេះ កំពុងស្វែងរកការដេញថ្លៃថ្មីពីអ្នកម៉ៅការ ដើម្បីបញ្ចប់ការសាងសង់គម្រោងបំបែកកំណត់ត្រា នៅលើពិភពលោកមួយនេះ។

យោងតាមក្រុមហ៊ុន ​​MEED បានឱ្យដឹងថា អ្នកម៉ៅការសកលមួយចំនួន ត្រូវបានអញ្ជើញឱ្យដាក់សំណើនៅចុងឆ្នាំនេះ។  ទោះជាយ៉ាងណាក៏ដោយ ការកំណត់ពេលវេលាពិតប្រាកដ សម្រាប់ការសាងសង់បញ្ចប់គម្រោង ដែលនៅសេសសល់នេះ មិនទាន់ត្រូវបានចែករំលែកឱ្យដឹងនៅឡើយនោះទេ៕