ដោយ: គង់ លាងហួរ

សេអ៊ូល: យោងតាមទិន្នន័យឧស្សាហកម្មបានបង្ហាញថា ក្រុមហ៊ុនសាងសង់កប៉ាល់ របស់ប្រទេសកូរ៉េខាងត្បូង បានជាប់ចំណាត់ថ្នាក់ទី២ទូទាំងពិភពលោក បើគិតអំពីចំនួនបញ្ជាទិញថ្មីជាសកល ក្នុងខែសីហាកន្លងទៅ។

ចំណែក ចំណាត់ថ្នាក់លេខ១ បានទៅលើក្រុមហ៊ុនសាងសង់កប៉ាល់របស់ប្រទេសចិន ដែលទទួលបានការបញ្ជាទិញជាសកលច្រើនជាងគេបំផុតនៅលើពិភពលោក។

យោងតាមទិន្នន័យ ពីក្រុមហ៊ុនស្រាវជ្រាវទីផ្សារសកលលោក Clarkson Research Service បានឱ្យដឹងថា ក្រុមហ៊ុនផលិតកប៉ាល់ក្នុងស្រុករបស់កូរ៉េ បានទទួលការបញ្ជាទិញថ្មីសរុបចំនួន២៧០.០០០CGT កាលពីខែមុន ពោលគឺស្មើនឹង១៣%នៃចំនួនបញ្ជាទិញសរុបនៅទូទាំងពិភពលោក ដែលមានចំនួន២,០៥លាន CGT។ក្រុមហ៊ុនផលិតកប៉ាល់របស់ប្រទេសចិន បានវ៉ាលើសក្រុមហ៊ុនផលិតកប៉ាល់របស់កូរ៉េ ដោយទទួលបានការបញ្ជាទិញថ្មីចំនួន១,៦៨លានCGT ឬស្មើនឹង៨២ភាគរយ នៃចំនួនបញ្ជាទិញសរុបទូទាំងពិភពលោក។

កាល​ពី​ខែ​មុន ក្រុម​ហ៊ុន​ផលិត​កប៉ាល់​កូរ៉េ​ បាន​ទទួលការ​បញ្ជា​ទិញ​ ដើម្បីសាងសង់កប៉ាល់ចំនួន៦គ្រឿងប៉ុណ្ណោះ ខណៈក្រុមហ៊ុនចិន ទទួលបានទទួលការ​បញ្ជា​ទិញ ​ដើម្បីសាងសង់កប៉ាល់ចំនួន៦០គ្រឿង។

នៅក្នុងរយៈពេល៨ខែដំបូងដើមឆ្នាំនេះ ការបញ្ជាទិញជាសកលសរុប មានចំនួន២៦,៨១លានCGTs ឬស្មើនឹងកប៉ាល់ចំនួន១.០៣៨គ្រឿង ពោលគឺដាំក្បាលចុះ២២ភាគរយ បើប្រៀបធៀបទៅនឹងឆ្នាំមុន។

ក្នុងនោះ ក្រុមហ៊ុនផលិតកប៉ាល់របស់កូរ៉េ បានកាន់កាប់ចំណែកបញ្ជាទិញ៧,២៥លាន CGTs ឬស្មើនឹង២៧ភាគរយ នៃចំនួនបញ្ជាទិញសរុបទូទាំងពិភពលោក ដោយគូប្រជែងចិនកាន់កាប់ចំណែក១៥,៦៥លាន CGTs ឬស្មើនឹង៥៨ភាគរយ៕

ដោយ: គង់ លាងហួរ

រីយ៉ាដ: គម្រោងបដិសណ្ឋារកិច្ច និងលំនៅដ្ឋាន ដែលមានតម្លៃ១,៩ទ្រីលានដុល្លារ កំពុងជំរុញការផ្លាស់ប្តូរក្នុងតំបន់មជ្ឈិមបូព៌ា។ នេះ​​បើយោងតាមរបាយការណ៍ ដែលបានចេញផ្សាយមុនសន្និសីទឧស្សាហកម្មដ៏ធំមួយ។

ប្រទេសអារ៉ាប៊ីសាអូឌីត អេមីរ៉ាតអារ៉ាប់រួម និងអេហ្ស៊ីប គឺជាប្រទេសនាំមុខគេ សម្រាប់ការផ្លាស់ប្តូរនេះ ដោយប្រទេសទាំង៣តំណា​ងឱ្យ៩០ភាគរយ ឬស្មើនឹង១,៧ទ្រីលានដុល្លារ នៃការវិនិយោគសរុបក្នុងតំបន់។ នេះបើយោងតាមការស្រាវជ្រាវ ដោយក្រុមហ៊ុនប្រឹក្សាអចលនទ្រព្យ Knight Frank ។

របាយការណ៍​បាន​បញ្ជាក់​ទៀតថា ប្រទេសអារ៉ាប៊ីសាអូឌីតបាននាំមុខតារាង​វិនិយោគ​ក្នុង​តំបន់​ តាមរយៈគម្រោង​ដែល​មាន​ទុនវិនិយោគ១,២ពាន់​ពាន់​លាន​ដុល្លារ​។  ចំណែក ប្រទេសអេមីរ៉ាត់អារ៉ាប់រួមបានបោះទុន៣០០ពាន់លានដុល្លារ ខណៈប្រទេសអេហ្ស៊ីបបានបោះទុនវិនិយោគ២០០ពាន់លានដុល្លារ។

ការបណ្តាក់ទុនទាំងនេះ គូសបញ្ជាក់ឱ្យឃើញពីគោលដៅរបស់ពិភពលោកអារ៉ាប់ ក្នុងការទាក់ទាញភ្ញៀវទេសចរ ចំនួន១៦០លាននាក់ជារៀងរាល់ឆ្នាំនៅឆ្នាំ២០៣០ខាងមុខ។

លោកTurab Saleem ដៃគូ និងជាប្រធានផ្នែកបដិសណ្ឋារកិច្ច ទេសចរណ៍ និងការកម្សាន្តសម្រាប់តំបន់មជ្ឈិមបូព៌ា និងអាហ្វ្រិកខាងជើងនៅក្រុមហ៊ុន Knight Frank លើកឡើងថា “វិស័យទេសចរណ៍ និងការធ្វើដំណើរនៅតំបន់មជ្ឈិមបូព៌ា បានស្គាល់នូវអត្រាកំណើនយ៉ាងខ្លាំង ព្រមទាំងរួមចំណែកយ៉ាងធំធេង ដល់ផលិតផលក្នុងស្រុកសរុប(GDP)ក្នុងឆ្នាំ២០២៣នេះ”។

លោកបានបន្ថែមថា “កំណើននេះកំពុងត្រូវបានជំរុញ ដោយការកើនឡើង១៤,៥ភាគរយនៃចំនួនការងារ ដែលបង្កើតឡើងក្នុងវិស័យទេសចរណ៍ ខណៈការរួមចំណែករបស់វិស័យនេះ ដល់ផលិតផលក្នុងស្រុកសរុប បានកើនឡើងជាង១០៧ពាន់លានដុល្លារ”៕

ដោយៈ គង់ សូរិយា
ភ្នំពេញៈ សភាពាណិជ្ជកម្មកម្ពុជា បាននិងកំពុងត្រៀមខ្លួនចូលរួម និងរៀបចំព្រឹត្តិការណ៍ធំៗជាច្រើនទៀត នៅក្នុងក្របខ័ណ្ឌជាតិ អន្តរជាតិ។

អនុប្រធានសភាពាណិជ្ជកម្មកម្ពុជា អ្នកឧកញ៉ាលឹម ហេងបានមានប្រសាសន៍ឲ្យដឹងកាលពីចុងសប្តាហ៍មុនថា សភាពាណិជ្ជកម្មកម្ពុជា បាននិងកំពុងធ្វើការយ៉ាងសកម្ម ដោយនៅខែតុលាខាងមុខនេះ នឹងចូលរួមកិច្ចប្រជុំកំពូលស្តីពីផ្លូវមួយ ខ្សែក្រវ៉ាត់មួយ ដែលនឹងដឹកនាំដោយអ្នកឧកញ៉ាគិត ម៉េង ប្រធានសភាពាណិជ្ជកម្ម ដើម្បីអមដំណើរសម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា ដែលនឹងអញ្ជើញចូលរួមក្នុងព្រឹត្តិការណ៍នេះ។
អ្នកឧកញ៉ាបន្តថា លើសពីនេះ សភាពាណិជ្ជកម្មនឹងរៀបចំពិព័ណ៌ពាណិជ្ជកម្ម ជាលើកដំបូងនៅទីក្រុងឡូងប៊ិច រដ្ឋកាលីហ្វ័រញ៉ា សហរដ្ឋអាមេរិក ដែលយើងសហការរៀបចំឡើង ជាមួយអគ្គកុងស៊ុលកម្ពុជា ប្រចាំទីក្រុងឡុងប៊ិច នៅថ្ងៃទី៩ វិច្ឆិកាខាងមុខ។
អ្នកឧកញ៉ាបានបញ្ជាក់ថា “នៅក្នុងព្រឹត្តិការណ៍នេះ នឹងមានការរៀបចំជំនួបពាណិជ្ជកម្មធំមួយ រវាងក្រុមហ៊ុនអាមេរិក និងក្រុមហ៊ុនខ្មែរ ដែលចូលរួមពិព័ណនេះ នៅថ្ងៃទី១០ វិច្ឆិកាផងដែរ”។ អ្នកឧកញ៉ាបានបន្តទៀតថា “បើសិនជារៀបចំទាន់ យើងនឹងរៀបចំការិយាល័យសភាពាណិជ្ជកម្មកម្ពុជានៅទីក្រុងឡុង ប៊ិចផងដែរ”។
ទន្ទឹមនឹងនោះ យើងក៏គ្រោងបង្កើតការិយាល័យ សភាពាណិជ្ជកម្មកម្ពុជា ប្រចាំទីក្រុងម៉ុងរ៉េអាល់ ប្រទេសកាណាដាផងដែរ៕

ដោយៈ គង់ សូរិយា
កោះកុងៈ ហ៊ុព័ទ្ឋដោយទឹកសមុទ្រ ព្រៃកោងកាងខៀវស្រងាត់ ឆ្នេរខ្សាច់សក្បុរ និងខ្យល់អាកាសត្រសៀកៗ បានធ្វើឲ្យអ្នកអភិវឌ្ឍន៍វ័យក្មេងមួយក្រុមបានបង្កើតនូវគំនិតថ្មី លើការអភិវឌ្ឍន៍នៅក្នុងគំរោមួយនៅក្រុងខេមរៈភូមិន្ទ នាទីរួមខេត្តកោះកុង។

ដោយមើលឃើញពីភាពជោគជ័យ តាមរយៈហាង Phnom Cafe នៅតំបន់វែលវែង ក្នុងខេត្តពោធិសាត់ បានជំរុញឱ្យអ្នកអភិវឌ្ឍគម្រោង K-bali មានចក្ខុវិស័យថ្មី ក្នុងការបង្កើតគម្រោងថ្មីមួយទៀត ដែលមានឈ្មោះថា “Nesad Pub” នៅខេត្តកោះកុង ជាពិសេសនៅក្នុងគម្រោង K-bali ។
មិនថាអ្នកជាអ្នកស្រលាញ់ចូលចិត្តភ្នំ ឬអ្នកស្រលាញ់ចូលចិត្តឆ្នេរសមុទ្រនោះទេ អ្នកអភិវឌ្ឍន៍ កំពុងបំពេញតម្រូវការទាំងពីរនេះរបស់អ្នក តាមរយៈការផ្តល់ជូននូវកន្លែងទេសចរណ៍ ដ៏អស្ចារ្យចំនួនពីរ។
ដូច្នេះ តើមានអ្វីខ្លះ ដែលគួរឱ្យចាប់អារម្មណ៍អំពីហាង Nesad Pub?។
– ហាង Nesad Pub ជាទីតាំងទេសចរណ៍ថ្មីមួយ ដែលបើកជាហាងស្រាមួយនៅជាប់មាត់សមុទ្រ និងហ៊ុព័ទ្ធដោយសម្រស់ដ៏ស្ងប់ស្ងាត់នៃព្រៃកោងកាង។
– ហាង Nesad Pub ក៏នឹងផ្តល់ជូននូវអាហារសមុទ្រស្រស់ៗដ៏ឈ្ងុយឆ្ងាញ់ ជាមួយនឹងស្រាក្រឡុកដ៏ឈ្ងុយឆ្ងាញ់ នៅឯកន្លែងកម្សាន្តឆ្នេរដ៏ទាន់សម័យ រួមទាំងការរចនាទូកប្រកបដោយភាពច្នៃប្រឌិត ភ្លើង និងការយោលទោង។
-ហាង Nesad Pub ធ្វើឱ្យរាត្រីកាលរបស់អ្នកមានភាពរស់រវើកជាមួយនឹងព្រឹត្តិការណ៍កំសាន្ត និងពិធីជប់លៀងតាមឆ្នេរសមុទ្រ អមជាមួយនឹងការប្រគំតន្ត្រីបន្តផ្ទាល់។
– នៅហាង Nesad Pub អ្នកនឹងអាចសម្រាក និងបន្ធូរអារម្មណ៍តានតឹងរបស់អ្នក ព្រមទាំងទទួលភាពរីករាយ ជាមួយទេសភាពដ៏ស្រស់ស្អាត និងខ្យល់សមុទ្រដ៏ស្រស់បំព្រង។ គម្រោងនេះ នឹងនាំអ្នកចូលទៅក្នុងពិភព នៃសកម្មភាពឆ្នេរសមុទ្រដ៏គួរឱ្យរំភើប ដូចជា kayaking jetski kiteflying ជិះកង់ ពូនប្រាសាទភ្នំខ្សាច់ និងការកំសាន្តជាច្រើនទៀត។
មិនថាអ្នកកំពុងរៀបចំ គម្រោងទៅលំហែរកាយជាមួយមិត្តភ័ក្តិ ជប់លៀង នៅឆ្នេរសមុទ្រជាលក្ខណៈគ្រួសារ ឬដំណើរកម្សាន្តដ៏រ៉ូមែនទិកនោះទេ Nesad Pub នឹងក្លាយជាគោលដៅដ៏ល្អឥតខ្ចោះ ដើម្បីបង្កើតបទពិសោធន៍ ដែលមិនអាចបំភ្លេចបាន ជាមួយមនុស្សជាទីស្រលាញ់របស់អ្នក។

ឆ្ងល់ទេថាតើ ហាង Nesad Pub ស្ថិតនៅឯណា? ហាង Nesad Pub មានទីតាំងស្ថិតនៅគម្រោង K-Bali ដែលជាគម្រោងដីវីឡាដែលមានចំងាយ និងពេលវេលាធ្វើដំណើរ ត្រឹមតែ១៥នាទីប៉ុណ្ណោះពីទីប្រជុំជន។
គម្រោង K-Bali ផ្តល់ជូននូវជម្រើសប្លង់ចំនួន៣ប្រភេទ សម្រាប់អ្នកវិនិយោគ ឬស្វែងរកទីតាំងសាងសង់ផ្ទះលំហែរ ដូចជា ទី១- ប្លង់ប្រភេទ Beachfront king ស្ថិតនៅជាប់មាត់សមុទ្រ 20m*30m។ ទី២ -ប្លង់ប្រភេទ Queen and Queen Mini ស្ថិតនៅជាប់ព្រែកដៃសមុទ្រ 25m*15m និង 25m*10m។
សូមរង់ចាំទស្សនាការសម្ពោធជាផ្លូវការ របស់ហាង Nesad Pub តាមរយៈគេហទំព័រផ្លូវការរបស់គម្រោងK-Bali។
លោកធួន ស៊ីណានប្រធានសមាគមទេសចរណ៍អាស៊ីប៉ាស៊ីហ្វិកបានមានប្រសាសន៍ថា ការអភិវឌ្ឍន៍អ្វីមួយជាផលិតផលទេសចរណ៍ ពិតជាប្រសើរ ដើម្បីទាក់ទាញភ្ញៀវទេសចរណ៍ជាតិ អន្តរជាតិ ប៉ុន្តែអ្វីសំខាន់តើយើងបានរៀបចំខ្លួន ហើយរដ្ឋាភិបាលបានដាក់ចេញគោលនយោបាយលើកទឹកចិត្តកម្រិតណា ដើម្បីទាក់ទាញអ្នកវិនិយោគអន្តរជាតិមកកាន់កម្ពុជា។លោកបញ្ជាក់ថា “អេកូទេសចរណ៍ ជាដួងព្រលឹងក្នុងវិស័យនេះ ហេតុនេះការបង្កើតផលិតផលថ្មីៗបែបនេះ ពិតជាល្អសម្រាប់កម្ពុជា”។
ជាមួយគ្នានេះ លោកស្រីឆាយ ស៊ីវលីនប្រធានសមាគមទីភ្នាក់ងារទេសចរណ៍កម្ពុជាបានថ្លែងឲ្យដឹងនាពេលថ្មីៗនេះផងដែរថា ខេត្តកោះកុង ពិតជាមានសក្តានុពលទេសចរណ៍ធម្មជាតិ ដ៏សម្បូរបែប ហេតុនេះការកែច្នៃរមណីយដ្ឋាននានា ដើម្បីក្លាយជាផលិតផលទេសចរណ៍ ពិតជាប្រសើរណាស់ ដើម្បីទាក់ទាញភ្ញៀវទេសចរណ៍ជាតិ អន្តរជាតិដើរកំសាន្ត និងមកទស្សនាកម្ពុជាកាន់តែច្រើនថែមទៀត។
លោកឈឹង ឆាយស៊ុនសហស្ថាបនិកគំរោង K- Bali នៃក្រុមហ៊ុនLUMHAE LAND បានមានប្រសាសន៍ឲ្យដឹងផងដែរថា កោះកុង ជាខេត្តមួយពោរពេញ ដោយសក្តានុពលទេសចរណ៍ ពិសេសទេសចរណ៍ធម្មជាតិ បានធ្វើឲ្យខេត្តនេះ ទាក់ទាញភ្ញៀវទេសចរណ៍ជាតិ អន្តរជាតិទៅទស្សនាកើនឡើងជាប្រចាំ ហើយការអភិវឌ្ឍហេដ្ឋារចនាសម្ព័ន្ឋរបស់រដ្ឋាភិបាល តាមរយៈការលើកកំពស់គុណភាពផ្លូវជាតិលេខ៤៨ ផ្លូវជាតិលេខ១០បាន និងកំពុងលើកកំពស់សក្តានុពលខេត្តនេះ ឲ្យកាន់តែរីកចម្រើនមួយកម្រិតទៀត នាពេលអនាគត។
លោកបន្តថា “ការដាក់ដំណើរការព្រលានយន្តហោះ និងកំពង់ផែទឹកជ្រៅនៅតំបន់តារាសាគរ ខេត្តកោះកុងនឹងធ្វើឲ្យខេត្តនេះ ទាក់ទាញបានភ្ញៀវទេសចរណ៍ជាតិ អន្តរជាតិ និងអ្នកវិនិយោគកាន់តែច្រើននៅពេលខាងមុខនេះ”។ លោកបន្តថា “ខេត្តកោះកុងលែងឆ្ងាយ និងត្រូវធ្វើដំណើរជិះទូកកាត់ផ្ទៃសមុទ្រ ប្រកបដោយគ្រោះថ្នាក់ដូចមុនហើយ ប៉ុន្តែខេត្តនេះកំពុងស្ថិតក្នុងក្រសែភ្នែក របស់វិនិយោគិនជាតិ និងអន្តរជាតិ”៕

ដោយៈ សុខុម

ប៉េកាំង: អតីតមន្ត្រីជាន់ខ្ពស់ចិន មួយរូបបានទម្លាយឱ្យដឹងគួរឱ្យភ្ញាក់ផ្អើលកាលពីថ្ងៃសៅរ៍ ចុងសប្ដាហ៍កន្លងទៅថា អាផាតម៉ិនដែលសាងសង់ទំនេរចោលទាំងអស់ នៅពាសពេញប្រទេសចិន អាចដាក់ប្រជាជនចិន ទាំង១,៤ពាន់លាននាក់អស់ ហើយនៅសល់ផ្ទះថែមទៀត។

នេះគឺជាការរិះគន់ជាសាធារណៈដ៏កម្រ ពីសំណាក់មន្ត្រីជាន់ខ្ពស់ ចំពោះទីផ្សារអចលនទ្រព្យចិន ដែលកំពុងជាប់ផុងក្នុងវិបត្តិធ្ងន់ធ្ងរ។

វិស័យអចលនទ្រព្យរបស់ប្រទេសចិន ដែលធ្លាប់តែជាសសរស្តម្ភនៃសេដ្ឋកិច្ចចិន បានដាំក្បាលចុះចាប់តាំងពីឆ្នាំ២០២១ ជាពេលដែលក្រុមហ៊ុនអចលនទ្រព្យខ្នាតយក្ស China Evergrande Group បានខកខានទូទាត់បំណុលបំណុលរបស់ខ្លួន បន្ទាប់ពីរដ្ឋាភិបាលក្រុងប៉េកាំង បានចាត់វិធានការរឹតបន្តឹងការខ្ចីបុលថ្មីៗនៅក្នុងវិស័យនេះ។បន្ទាប់ពីផ្ទុះវិបត្តិក្រុមហ៊ុន China Evergrande Group ក្រុមហ៊ុនអភិវឌ្ឍន៍ធំៗផ្សេងទៀត ដូចជា ក្រុមហ៊ុន Country Garden Holdings ជាដើមបានបន្តខកខានទូទាត់បំណុល ជាបន្តបន្ទាប់រហូតមកទល់ពេលនេះ ដែលធ្វើឱ្យអ្នកទិញផ្ទះបាត់បង់ទំនុកចិត្ត។ទិន្នន័យចុងក្រោយបំផុត ពីការិយាល័យជាតិស្ថិតិ (NBS) នៃប្រទេសចិនបានបង្ហាញថា គិតត្រឹមដំណាច់ខែសីហា ឆ្នាំ២០២៣ ផ្ទៃសរុបនៃផ្ទះ ដែលមិនទាន់បានលក់ចេញ មានចំនួន៦៤៨លានម៉ែត្រការ៉េ។

យោងតាមការគណនារបស់ទីភ្នាក់ព័ត៌មាន Reuters ដោយផ្អែកលើទំហំផ្ទះ ជាមធ្យម៩០ម៉ែត្រការ៉េបង្ហាញថា តួលេខនោះគឺស្មើនឹង៧,២លានផ្ទះ។

ក្រុមអ្នកជំនាញបានប៉ាន់ប្រមាណថា នោះមិនទាន់រាប់បញ្ចូលគម្រោងលំនៅឋានជាច្រើន ដែលត្រូវបានលក់ចេញ ប៉ុន្តែដែលមិនទាន់សាងសង់បញ្ចប់ជាស្ថាពរ ដោយសារបញ្ហាលំហូរសាច់ប្រាក់ ឬផ្ទះជាច្រើន ដែលគេទិញទុកលក់យកចំណេញ ក្នុងឆ្នាំ២០១៦ ដែលនៅទំនេរចោលផងនោះទេ។លោកតា ហឺ ខេង (He Keng) វ័យ៨១ឆ្នាំដែលជាអតីតអនុប្រធានការិយាល័យជាតិស្ថិតិចិន និយាយថា “តើមានផ្ទះទំនេរចោលមានចំនួនប៉ុន្មានពេលនេះ? អ្នកជំនាញម្នាក់ៗបានផ្ដល់តួលេខខុសៗគ្នា ដោយភាគច្រើនជឿថា ចំនួនផ្ទះទំនេរចោលនាពេលបច្ចុប្បន្នគឺគ្រប់គ្រាន់សម្រាប់មនុស្ស៣ពាន់លាននាក់ស្នាក់នៅ”។

តាមរយៈវីដេអូខ្លីបមួយ ដែលចុះផ្សាយដោយប្រព័ន្ធផ្សព្វផ្សាយផ្លូវការ China News Service បង្ហាញថា លោកតាខាងលើបាននិយាយនៅឯវេទិកាមួយ ក្នុងទីក្រុងតុងគ័ន (Dongguan) ប្រទេសចិន ភាគខាងត្បូងថា “ការប៉ាន់ស្មាននោះប្រហែលជាច្រើនបន្តិច ប៉ុន្តែប្រជាជន១,៤ពាន់លាននាក់ ប្រហែលដាក់មិនពេញនោះទេ”។ទោះជាយ៉ាងណា អតីតមន្រ្តីរូបនេះមិនបានបញ្ជាក់ពីទិន្នន័យលោកទទួលបានពីស្ថាប័នណា យកមកបញ្ជាក់ឡើយ។

ជាការឆ្លើយតប អ្នកនាំពាក្យក្រសួងការបរទេសចិន បានលើកឡើងក្នុងសន្និសីទសារព័ត៌មាន កាលពីពេលថ្មីៗនេះថា “រាល់ការអត្ថាធិប្បាយគ្រប់ប្រភេទ ដែលព្យាករអំពីការដួលរលំ នៃសេដ្ឋកិច្ចរបស់ប្រទេសចិន នៅតែបន្តកើតមានឡើងគ្រប់ពេល ប៉ុន្តែអ្វីដែលបានដួលរលំនោះគឺវោហាសាស្ត្របែបនេះ មិនមែនសេដ្ឋកិច្ចរបស់ប្រទេសចិន នោះឡើយ”៕ Reuters៕

ដោយៈ ហ្វីអូណា

        ភ្នំពេញៈ លោក​ ​Park Jung-Woo​k ​ឯក​អគ្គរដ្ឋទូតកូរ៉េ​ ប្រចាំកម្ពុជា បានលើកពីការ​បន្ត​ពង្រឹង​ កិច្ចសហប្រតិបត្តិការ​កាន់​តែរឹង​មាំ​រវាងប្រទេស​ទាំង២។

លោកបានលើកឡើងបែបនេះ ក្នុងពេលប្រារពខួបលើកទី៧៥ សម្រាប់ទំនាក់ទំនងកាទូត នៃប្រទេសទាំងពីរ ក្រោមការរៀបចំរបស់ស្ថាន​ទូ​តសាធា​រណ​រ​ដ្ឋកូ​រ៉េ​ប្រចាំ​ក​ម្ពុជា ​កាលពីចុងសប្តាហ៍មុន។

លោក​ ​Park Jung-Woo​k  បា​ន​ថ្លែ​ង​ក្នុងពិ​ធីនេះ​ថា​ កូ​រ៉េ​ និ​ង​ក​ម្ពុ​ជា ​ស​ម្រេ​ច​បា​ន​នូ​វវ​ឌ្ឍ​ន​ភា​ពគួ​រ​ឱ្យ​ក​ត់​សម្គា​ល់ ​ក្នុង​កិ​ច្ច​សហ​ប្រ​តិ​បត្តិ​កា​រ ​ចាប់​តាំ​ងពី​កា​រប​ង្កើ​ត​ ទំ​នា​ក់​ទំន​ងកា​រ​ទូ​តឡើ​ងវិ​ញ​ក្នុ​ង​ឆ្នាំ​ ​១៩​៩​៧​ ​និ​ង​បាន​ពូ​ន​ជ្រំប​ន្ថែ​ម​ទៀ​ត នូ​វ​កិច្ច​ស​ហប្រ​តិប​ត្តិ​ការ​ ដែ​ល​ជឿទុ​កចិ​ត្ត​ ​និ​ង​ឈ្នះឈ្នះ​ នៅ​ក្នុ​ង​វិស័​​យ​ន​យោ​បា​យ​ ​សេ​ដ្ឋ​កិច្ច​ ​និ​ង​អភិ​វ​ឌ្ឍន៍។លោក​ថ្លែង​ថា ក្នុង​នាម​ជា​មិត្ត​ពិត​របស់​កម្ពុជា កូរ៉េ​បាន​គាំទ្រ​ដល់​ការ​អភិវឌ្ឍ​សេដ្ឋកិច្ច ​សង្គម​របស់​កម្ពុជា ​តាម​រយៈ​ជំនួយ​អភិវឌ្ឍន៍​ផ្លូវការ(ODA)ផ្សេងៗ ​ដែល​មាន​តម្លៃ​ប្រមាណ ១០៤០ លាន​ដុល្លារ​ពី​ឆ្នាំ១៩៨៩ ដល់​ឆ្នាំ ២០២១។

ក្នុង​រ​យៈពេ​ល​២​០ឆ្នាំ​ចុង​ក្រោ​យ​នេះ ​ទីភ្នា​ក់​ងារ​ស​ហប្រ​តិ​បត្តិ​កា​រ​​​អន្ត​រ​ជាតិ​​កូ​រ៉េ​ (​​ក​យ​កា​-K​O​I​C​A​)​ ​បា​នចូ​ល​រួម​ចំ​ណែក​យ៉ា​ងស​ក​ម្ម ក្នុ​ង​កា​រ​អភិ​វ​ឌ្ឍ​ផ្នែ​កថែទាំ​សុខ​ភា​ព​ កា​រអ​ប់​រំ ​ក​សិក​ម្ម​ ​តំប​ន់​ជ​​នប​ទ​ ​និង​កា​រ​អភិ​​រក្ស​បេ​តិក​ភណ្ឌ​វ​ប្ប​ធ​ម៌នៅ​ក​ម្ពុ​ជា​។​

លោកទូតលើ​ក​ឡើង​ថា​ ​ទិ​ដ្ឋភា​ព​ដ៏​មា​ន​តម្លៃ​មួ​យ​ទៀត​នៃ​កិ​ច្ច​ខិ​ត​ខំ​ប្រឹ​ង​ប្រែ​ង​នេះ គឺ​កា​រ​ផ្ត​ល់​កម្ម​វិ​ធី​ប​ណ្តុះ​ប​ណ្តា​ល ​ដ​ល់ម​ន្ត្រីកា​រពា​រ​ជាតិ​ក​ម្ពុ​ជានៅ​ប្រ​ទេស​កូ​រ៉េ​។​ ក្នុ​ងក្រ​ប​ខ័​ណ្ឌនៃ​ក​ម្ម​វិធី​ភា​ពជា​ដៃ​គូ​ត្រីកោណ​នៃ​ប្រ​តិប​ត្តិ​ការ​រ​ក្សាស​ន្តិ​ភាព ​រ​ប​ស់​អ​ង្គកា​រសហ​ប្រ​ជាជា​តិ​(U​N​ ​PK​O​)​កូរ៉េ​ នឹ​ងផ្ត​ល់​វគ្គ​ប​ណ្តុះប​ណ្តា​ល​បរិ​ក្ខា​រវិ​ស្វ​ក​ម្ម លើ​ក​ដំ​បូង​ដល់ក​ង​ក​ម្លាំង​រ​ក្សា​ស​ន្តិ​ភាព​កម្ពុ​ជា ​ក្នុ​ងខែ​វិ​ច្ឆិកា​ ​​ដោយ​សហ​កា​រ​ជា​​មួ​យ​អង្គ​កា​រស​ហប្រ​ជា​ជាតិ​។​ជាមួយគ្នានេះ លោ​ក​ស្រី​ ច​ម​ ​និម្ម​ល​​ ​រដ្ឋ​ម​ន្ត្រី​ក្រសួ​ងពា​ណិ​ជ្ជ​ក​ម្ម​ ថ្លែ​ង​ក្នុ​ងពិ​ធី​នេះថា​ ​កូ​រ៉េ​ក៏ជា​ម្ចា​ស់ជំ​នួ​យ​ដ៏សំ​ខា​ន់មួ​យ​រប​ស់​ក​ម្ពុជា ដោ​យប្រទេសនេះ បា​​នផ្ដល់​នូ​វជំ​នួ​យអ​ភិ​វឌ្ឍ​ន៍​ផ្លូ​វកា​រដ​ល់​កម្ពុ​ជា ​លើ​វិស័​យ​ហេដ្ឋារ​ចនា​ស​ម្ព័ន្ធ​ សុ​ខ​ភាព​សាធា​រ​ណៈ​ ​ការ​អ​ប់​រំ​ ​​ការ​អភិ​វ​ឌ្ឍជ​ន​ប​ទ ​ធ​ន​ធាន​ទឹ​ក​ ​កសិ​កម្ម​ និ​ង​វិស្វ​ក​ម្ម​ ​ជា​ដើម​។​ ​ជា​ពិសេ​ស​ ប្រ​ជា​ព​ល​រដ្ឋ​ក្នុ​ង​រា​ជ​ធា​នី​ភ្នំ​ពេ​ញ​ ​កំ​ពុងទ​ន្ទឹ​ង​រង់​ចាំ​កា​រ​បើក​កា​រ​ដ្ឋាន​សា​ងស​ង់​ស្ពា​នមិត្ត​ភាព​ក​ម្ពុ​ជា​-​កូរ៉េ ​ដែល​នឹ​ង​ជំ​រុញ​ភា​ព​រី​កចម្រើនរ​ប​ស់ក​ម្ពុ​ជា ​និ​ង​ជា​និ​មិ​ត្តរូ​បនៃ​មិ​ត្តភា​ព​រវា​ងប្រ​ទេស​ទាំ​ង២​ផ​ង​ដែរ​។​ ​

លោក​ស្រី​ថ្លែង​ថា “​ទំនាក់​ទំន​ង​រ​វាង​ប្រ​ជាជ​ន​ និ​ង​ប្រជា​ជ​ន​រ​ប​ស់​យើ​ង ​កា​ន់​តែ​មា​នភា​ព​រឹង​មាំ”​។​ ​លោកស្រីបន្តថា “ទំនា​ក់​ទំ​ន​ងរ​ប​ស់​យើ​ង​ ​ក៏ត្រូ​វ​​បាន​គាំ​ទ្រដោ​យ​កា​រទ​ទួ​ល​យ​ក​និ​ស្សិត​ និ​ង​កម្ម​ក​រ​រប​ស់​ក​ម្ពុ​ជាជា​ប​ន្តប​ន្ទា​ប់​ដោ​យ​សាធា​រ​ណរ​ដ្ឋកូ​រ៉េ​ ​កា​រ​ប​ញ្ចូ​ន​អ្នក​ស្ម័​គ្រ​ចិ​ត្តកូ​រ៉េ​ទៅកា​ន់​​ខេត្ត​ផ្សេ​ង​ៗ​នៅទូ​ទាំ​ងក​ម្ពុ​ជា​”​។លោ​កស្រី​ ច​ម​ និ​ម្ម​ល ​ប​ន្ថែ​ម​ថា​ ក្រៅ​ពី​ក្រ​ប​ខ័ណ្ឌ​ទ្វេ​ភា​គី ​ប្រ​ទេ​ស​ទាំ​ង២​បា​ន​គាំទ្រ​គ្នា​ទៅ​វិញ​ ទៅ​មក​ក្នុ​ង​វេទិកា​អ​ន្តរ​ជា​តិ​ និ​ង​សហ​កា​រ​យ៉ា​ង​ជិត​ស្និ​ទ្ធ​ ក្នុ​ងកា​រ​ដោះ​ស្រា​យប​ញ្ហាប្រ​ឈ​ម​ក្នុង​តំ​ប​ន់​ និ​ង​ពិ​ភព​លោ​កជា​ច្រើ​ន​ រួ​ម​ទាំ​ង​យន្ត​​កា​រអ​នុតំ​ប​ន់​អា​​ស៊ា​ន​ និ​ង​មេគ​ង្គ​ និ​ង​វេទិ​កា​ព​ហុភា​គីផ្សេ​ងទៀ​ត​៕

(ភ្នំពេញ)៖ គិតត្រឹមថ្ងៃទី២២ ខែកញ្ញា ឆ្នាំ២០២៣នេះ កម្ពុជាចម្រាញ់រ៉ែមាសបានជាង ៨ ២៨៨គីឡូក្រាម និងទទួលបានចំណូលពីសួយសារ ជាង ១៣លានដុល្លារអាមេរិក។ នេះបើតាមការបញ្ជាក់ឲ្យដឹងពី លោក អ៉ឹង ឌីប៉ូឡា អគ្គនាយកនៃអគ្គនាយកដ្ឋានធនធានរ៉ែ នៃក្រសួងរ៉ែ និងថាមពល។

ថ្លែងប្រាប់បណ្ដាញព័ត៌មាន Fresh News នៅថ្ងៃទី២៥ ខែកញ្ញា ឆ្នាំ២០២៣នេះ លោក អ៉ឹង ឌីប៉ូឡា បានបញ្ជាក់ថា «គិតត្រឹមថ្ងៃទី២២ ខែកញ្ញា ឆ្នាំ២០២៣ ក្រុមហ៊ុនទាំង៦ បានផលិតដុំមាស ចំនួន៩១៩ដុំ ស្មើនឹងជាង ៨ ២៨៨គីឡូក្រាម និងបានបង់សួយសារ ជាង១៣លានដុល្លារ»។
លោក អ៉ឹង ឌីប៉ូឡា បានគូសបញ្ជាក់ថា ក្រុមហ៊ុនចំនួន៦ ដែលកំពុងតែចម្រាញ់រ៉ែមាស នៅក្នុងប្រទេសកម្ពុជា រួមមាន៖
ទី១៖ ក្រុមហ៊ុន Renaissance Minerals (Cambodia) Ltd ស្ថិតក្នុងតំបន់អូរខ្វាវ ស្រុកកែវសីម៉ា ខេត្តមណ្ឌលគិរី
ទី២៖ ក្រុមហ៊ុន Xinshan ស្ថិតនៅក្នុងតំបន់ភ្នំម្លុង ខេត្ដព្រះវិហារ
ទិ៣៖ ក្រុមហ៊ុន ឌែលខម (Delcom Cambodia) ស្ថិតនៅក្នុងតំបន់ភ្នំម្លុង ខេត្ដព្រះវិហារ
ទី៤៖ ក្រុមហ៊ុន Rong Cheng ស្ថិតនៅតំបន់ចុងផ្លាស់ ខេត្ដមណ្ឌលគិរី
ទី៥៖ ក្រុមហ៊ុន Xing Yuan ស្ថិតនៅតំបន់អូរត្រូន ខេត្តក្រចេះ
ទី៦៖ ក្រុមហ៊ុន LATE CHENG MINING DEVELOPMENT CO., LTD ស្ថិតតំបន់ភ្នំជី ខេត្តកំពង់ធំ។

បន្ថែមពីនោះទៀត លោក អ៉ឹង ឌីប៉ូឡា បានឲ្យដឹងថា ក្រុមហ៊ុនទាំង៦នេះ កំពុងតែចម្រាញ់រ៉ែមាស ទៅតាមផែនការ ដែលឯកភាព ជាមួយនឹងក្រសួងរ៉ែ និងថាមពល ហើយអនុលោមទៅតាមច្បាប់ និងបទបញ្ញាត្ដិជាធរមាននានា ដោយមិនមានជាបញ្ហាអ្វីនោះទេ។
ក្នុងចំណោមក្រុមហ៊ុនទាំង៦នេះ គឺក្រុមហ៊ុន Renaissance Minerals នៅខេត្តមណ្ឌលគិរី ទទួលបានទិន្នផលខ្ពស់ជាងគេ ប្រមាណជាង ៧ ៨៤៦គីឡូក្រាម ខណៈ៥ក្រុមហ៊ុនទៀត ទទួលបានផលតិចតួចប៉ុណ្ណោះ៕