ភ្នំពេញ៖ លោកបណ្ឌិតសភាចារ្យ សុខ ទូច បានថ្លែងថា រាជបណ្ឌិត្យសភាកម្ពុជា មានគម្រោងកែច្នៃពីផលិតផលទឹកដោះគោ ទៅជាផលិតផលជាច្រើនប្រភេទដូចជា ទឹកដោះគោជូរ ប៊ឺ ឈីស ជាដើម។ លោកថាក្រោយពីសិក្សានេះហើយ រាជបណ្ឌិត្យសភាកម្ពុជា នឹងបើកជា«ធនាគារគោ» ដើម្បីចែកដល់កសិករចិញ្ចឹម ហើយរាជបណ្ឌិត្យសភាកម្ពុជា ប្រមូលទិញទឹក ដោះគោពីប្រជាជនមកកែច្នៃដើម្បីកាត់បន្ថយនៃការនាំចូលផលិតផលចេញ ពីទឹកដោះគោចូលមកកម្ពុជា។

ការលើកឡើងនេះរបស់ ប្រធានរាជបណ្ឌិតសភាកម្ពុជា លោកបណ្ឌិតសភាចារ្យ សុខ ទូច ក្នុងកម្មវីធីសម្ពោធដាក់ឲ្យប្រើប្រាស់ «វចនានុក្រមខ្មែរ»ថ្មី នៃរាជបណ្ឌិត្យសភាកម្ពុជា នៅព្រឹកថ្ងៃចន្ទ ទី២៥ ខែកញ្ញា ឆ្នាំ ២០២៣។លោកបណ្ឌិតសភាចារ្យ សុខ ទូច បានបញ្ជាក់ថា ជាជំហានទី១ រាជបណ្ឌិត្យសភាកម្ពុជា សាក ល្បងចិញ្ចឹមនៅស្រុកឆែបខេត្តព្រះវិហារ ដែលប្រជាជនធ្លាប់តែប្រកបរបរ ចិញ្ចឹមជីវិតដោយការកាប់ព្រៃឈើ និងបាញ់សត្វ។ លោកថាតាមរយៈគម្រោងនេះ ប្រជាកសិករគាត់មានមុខរបរ គាត់ឈប់កាប់ព្រៃឈើ ឈប់បរបាញ់សត្វ ងាកមកបម្រើការនៅក្នុងឧទ្យានដូចជា ដាំស្មៅ ដាំដើមឈើឡើងវិញ និង អនាគតគាត់នឹងដើរតួទៅជាមគ្គុទេសទេសចរណ៍ ព្រោះរាជបណ្ឌិត្យសភា កម្ពុជាគ្រោងប្រែក្លាយឧទ្យាននេះទៅជាឧទ្យានគំរូ ទាំងការអភិរក្សសត្វ អភិរក្សព្រៃឈើ វប្បធម៌ និងវិស័យទេសចរណ៍។លោកបណ្ឌិតសភាចារ្យ សុខ ទូច បានឲ្យដឹងថា កន្លងមកដោយបានការគាំទ្រដ៏ខ្ពង់ខ្ពស់ពី សម្តេចអគ្គមហាសេនា បតីតេជោ បណ្ឌិតសភាចារ្យ ហ៊ុន សែន និង លោកអគ្គបណ្ឌិត សភាចារ្យ អូន ព័ន្ធមុន្នីរ័ត្ន រាជបណ្ឌិត្យសភាកម្ពុជា បានសិក្សាពីការចិញ្ចឹម គោយកទឹកដោះជាគម្រោងសាកល្បង នៅឧទ្យានរាជបណ្ឌិត្យសភាកម្ពុជា តេជោសែនឫស្សីត្រឹប ដែលយើងបាននាំគោទឹកដោះចំនួន១០០ក្បាល ដែល មានពូជមកពីប្រទេសដែនណាម៉ាកតាមរយៈប្រទេសថៃ ហើយរាជបណ្ឌិត្យសភាកម្ពុជា បានសហការជាមួយសហគមន៍វ៉ាងណាំយិនប្រទេសថៃក្នុងការ ជួយលើផ្នែកបច្ចេកទេស ហើយយើងក៏បានការអភិរក្សសត្វក្របី ការចិញ្ចឹម ពពែ ចៀមជាដើម។

លោកបណ្ឌិតសភាចារ្យ សុខ ទូច បានគូសបញ្ជាក់ថា ពាក្យពេចន៍របស់សម្តេចអគ្គមហាសេនាបតីតេជោ បណ្ឌិតសភាចារ្យ ហ៊ុន សែន «ដើមត្នោតមួយដើមត្រូវប្រើឲ្យអស់លទ្ធភាព»។ ពាក្យពេចន៍ទាំងអស់នេះ ត្រូវបានរាជបណ្ឌិត្យសភាកម្ពុជាយកមកអនុវត្ត។ រាល់ចំណុច ទាំងនេះ បើគ្មានការលើកទឹកចិត្តពី សម្តេចតេជោ ហ៊ុន សែន និងសម្ដេចធិបតី ហ៊ុន ម៉ាណែត ដែលជាអតីតនាយករដ្ឋមន្ត្រី និងនាយករដ្ឋមន្តីបច្ចុប្បន្នទេរាជបណ្ឌិត្យសភាកម្ពុជា មិនអាចធ្វើដំណើរមកដល់ចំណុចនេះ បានឡើយ។ យើងនឹងបន្តដំណើរទៅមុខទៀតដើម្បីឆ្លើយតបទៅនឹងការរីកចម្រើនរបស់ប្រទេសជាតិ ក៏ដូចជាការវិវឌ្ឍនៅក្នុងតំបន់ និង ពិភពលោក។សូមជម្រាបថា រាជបណ្ឌិត្យសភាកម្ពុជាត្រូវបានបង្កើតឡើងវិញ និងមានដំណើរការចាប់ ពីថ្ងៃទី២៧ ខែធ្នូ ឆ្នាំ១៩៩៩ ហើយត្រូវបានរាជរដ្ឋាភិបាលកម្ពុជាចាត់ទុកជា ធនាគារខួរក្បាល របស់ជាតិ ដោយសា្ថប័ននេះបានប្រមូលផ្តុំនូវបញ្ញវន្តជា ច្រើនរបស់ជាតិ ដើម្បីបម្រើការងារក្នុងវិស័យស្រាវជ្រាវវិទ្យាសាស្ត្រ។

ជាមួយនេះ រាជណ្ឌិត្យសភាកម្ពុជាក៏បានចូលរួមចំណែកយ៉ាងសកម្មក្នុងការបណ្តុះ បណ្តាលធនធានមនុស្សរបស់ជាតិដែរ។ រហូតមកដល់ពេលបច្ចុប្បន្ននេះ រាជបណ្ឌិត្យសភាកម្ពុជា បានឆ្លងកាត់អ្នកដឹកនាំចំនួនបីរូបរួមមានលោក បណ្ឌិតសភាចារ្យ ស៊ន សំណាង, លោកស្រីបណ្ឌិតសភាចារ្យ ខ្លូត ធីតា និង លោកបណ្ឌិតសភាចារ្យ សុខ ទូច។ ថ្នាក់ដឹកនាំទាំងបីរូបបានសាងនូវសមិទ្ធផលបន្តវេនគ្នាជាបន្ត បន្ទាប់ទាំងហេដ្ឋារចនា សម្ព័ន្ធរូបវ័ន្ត គុណភាពការងារ និងកិត្យានុភាពស្ថាប័ន។ក្នុងបេសកកម្មរយៈពេលជាង២០ឆ្នាំមកនេះ រាជបណ្ឌិត្យសភាកម្ពុជា បានសិក្សាស្រាវជ្រាវ និង ស្វែងរកធាតុចូលយ៉ាងច្រើនជូនដល់រាជរដ្ឋាភិបាល ក៏ដូចជាសា្ថប័នពាក់ព័ន្ធ។ រាជបណ្ឌិត្យសភាកម្ពុជា បានបង្កើនកិច្ចសហប្រតិបត្តិការជាមួយស្ថាប័នស្រាវជ្រាវ និងសាកលវិទ្យាល័យជាតិនិងអន្តរ ជាតិជាបន្តបន្ទាប់ ជាមួយប្រទេសជាសមាជិកអាស៊ាន និងអាស៊ីប៉ាស៊ីហ្វិកដូចជា ជប៉ុន សាធារណរដ្ឋកូរ៉េ ចិន អាម៉េរិក អាល្លឺម៉ង់ រុស្ស៊ី អូស្ត្រាលី បង់ក្លាដែស បេឡារុស ប៉ូឡូញ អ៊ីតាលី ជាដើម៕

ដោយៈ តែម សុខុម

បាងកក: ក្រុមហ៊ុនថៃ Gulf Energy Development Plc និងក្រុមហ៊ុនចិន China Datang Overseas Investment Co (CDTO) ដែលជាបុត្រសម្ព័ន្ធ នៃក្រុមហ៊ុនថាមរដ្ឋមួយនៅប្រទេសចិន បានចុះអនុស្សរណៈនៃយោគយល់គ្នា (MoU) ជាមួយអាជ្ញាធរអគ្គិសនីថៃ (Egat) ដើម្បីអភិវឌ្ឍគម្រោងវារីអគ្គិសនី Pak Beng។

ក្រុមហ៊ុន Gulf បានចេញសេចក្ដីថ្លែងការណ៍ ទៅកាន់ផ្សារមូលបត្រថៃ កាលពីថ្ងៃព្រហស្បតិ៍ សប្ដាហ៍កន្លងទៅបង្ហាញថា ក្រុមហ៊ុន Pak Beng Power គឺជាការបណ្ដាក់ទុនរួមគ្នាមួយ ដែលក្នុងនោះក្រុមហ៊ុន Gulf កាន់កាប់ភាគហ៊ុន៤៩% ក្រុមហ៊ុន CDTO កាន់កាប់ភាគហ៊ុន៥១% ដើម្បីដំណើរការគម្រោងទំនប់វារីអគ្គសនី Pak Beng។ នេះបើយោងតាមកាសែត Bangkok Post ចុះផ្សាយកាលពីថ្ងៃសៅរ៍ ទី២៣ ខែកញ្ញា។ក្រុមហ៊ុនបណ្តាក់ទុនរួមគ្នាខាងលើនេះ បានចុះកិច្ចសន្យាទិញលក់ថាមពល ជាមួយអាជ្ញាធរអគ្គិសនីថៃ (Egat)  សម្រាប់រយៈពេល២៩ឆ្នាំ គិតចាប់ពីថ្ងៃប្រតិបត្តិការពាណិជ្ជកម្ម ជាមួយនឹងតម្លៃអគ្គិសនីជាមធ្យម២,៧១បាត (៣០៩រៀល) ក្នុងមួយគីឡូវ៉ាត់ម៉ោង (kWh)។

គម្រោងទំនប់វារីអគ្គិសនី Pak Beng មានទំហំវិនិយោគសរុប២,៧៨ពាន់លានដុល្លារអាមេរិក ហើយកំពុងស្នើប្រាក់កម្ចីពីស្ថាប័នហិរញ្ញវត្ថុនានា ដោយកាលបរិច្ឆេទបិទត្រូវបានរំពឹងទុក នៅចុងឆ្នាំ២០២៤។ យោងតាមផែនការ ការសាងសង់នឹងប្រើពេលប្រមាណ៨ឆ្នាំ ហើយគ្រោងនឹងដាក់ឱ្យដំណើរការ ពាណិជ្ជកម្មនៅឆ្នាំ២០៣៣។

គម្រោងនេះស្ថិតនៅលើដងទន្លេមេគង្គ ក្នុងស្រុកប៉ាក់បេង (Bak Beng) ខេត្តឧត្តមសៃ (Oudomxay) ប្រទេសឡាវ ហើយមានសមត្ថភាពផលិតអគ្គិសនីបាន៩១២មេហ្គាវ៉ាត់ (MW)។ គម្រោងនេះត្រូវបានរំពឹងថានឹងផលិត ហើយលក់អគ្គិសនីទាំងអស់ ដែលខ្លួនផលិតបានឱ្យទៅអាជ្ញាធរអគ្គិសនីថៃ (Egat)៕ Bangkok Post៕

ដោយ: គង់ លាងហួរ
អន្តរជាតិ: យោងតាមវិទ្យាស្ថានវិទ្យាសាស្ត្រ បរិស្ថាន សមុទ្រ និងកោះ ដែលស្ថិតក្រោមចំណុះ នៃក្រសួងធនធានធម្មជាតិ និងបរិស្ថាន (MoNRE) បានឱ្យដឹងថា ប្រទេសជាច្រើននៅក្នុងតំបន់អាស៊ីអាគ្នេយ៍ បានបង្ហាញពីចំណាប់អារម្មណ៍ ក្នុងការទិញថាមពលកកើតឡើងវិញរបស់វៀតណាម។

ទោះជាយ៉ាងណាក្តី ការប្រកួតប្រជែងនឹងមានភាពតឹងតែង ខណៈប្រទេសសិង្ហបុរី ដែលជាអតិថិជនដ៏មានសក្តានុពល របស់វៀតណាម បាននិងកំពុងស្ថិតក្នុងដំណើរការ វាយតម្លៃសំណើចំនួន២០ ពីអ្នកផ្គត់ផ្គង់ថ្មីៗ ដូចជា ក្រុមហ៊ុនមកពីប្រទេសកម្ពុជា អូស្ត្រាលី និងឥណ្ឌា។

លោកបណ្ឌិត Dư Văn Toán សាស្រ្តាចារ្យនៅវិទ្យាស្ថានខាងលើនេះ លើកឡើងថា សមត្ថភាពដំឡើងថាមពលសរុបរបស់វៀតណាមបានឈានដល់៧៨,៤GW នៅឆ្នាំ២០២១ ដោយធ្វើឱ្យវៀតណាមក្លាយជាប្រទេស ដែលមានប្រព័ន្ធថាមពលដ៏ធំបំផុត ក្នុងចំណោមបណ្តាប្រទេសអាស៊ាន។  ប្រទេស​នេះ​ក៏​បាន​និង​កំពុង​វិនិយោគ​យ៉ាង​ច្រើនសំបើម លើ​ថាមពល​កកើត​ឡើង​វិញ ​ក្នុង​រយៈពេលប៉ុន្មាន​ឆ្នាំ​ចុង​ក្រោយ​នេះផងដែរ។
លោក Toán បានបន្ថែមថា “យើងទទួលបានការទាក់ទងពីក្រុមហ៊ុនដែលមានមូលដ្ឋាន នៅប្រទេសសិង្ហបុរី អំពីការទិញថាមពលកកើតឡើងវិញចំនួន៤GW ក្នុងមួយឆ្នាំ និង១០GW ពីក្រុមហ៊ុនដែលមានមូលដ្ឋាននៅប្រទេសម៉ាឡេស៊ី”។

លោក Pham Văn Thiều ប្រធានគណៈកម្មាធិការប្រជាជននៃខេត្ត Bạc Liêu បានលើកឡើងថា ខេត្តរបស់លោក និងខេត្តជិតខាងដូចជា Cà Mau និង Sóc Trăng មានសក្តានុពល ដែលមិនទាន់បានយកមកប្រើប្រាស់ជាច្រើន ក្នុងការអភិវឌ្ឍថាមពលកកើតឡើងវិញ ជាពិសេសសមត្ថភាពថាមពលខ្យល់ និងថាមពលពន្លឺព្រះអាទិត្យ។

លោកThiều បានបន្តថា “នៅពេលដែលថាមពលទាំងនេះ ត្រូវបានអភិវឌ្ឍយ៉ាងពេញលេញ នោះប្រទេសរបស់យើងនឹងអាចមានសមត្ថភាពលើសសម្រាប់នាំចេញ ទៅកាន់បណ្តាប្រទេសក្នុងតំបន់”។ ជាមួយគ្នានេះ លោក​ Pham Văn Thiều ក៏បាន​ជំរុញ​ឲ្យ​រដ្ឋាភិបាល​កណ្តាលវៀតណាម និង​ក្រសួង​នានា ​បង្កើត​ក្របខណ្ឌ​ច្បាប់​សម្រា​ប់​ការ​ជួញដូរ​ថាមពល​ឲ្យ​បាន​លឿនផងដែរ៕

ដោយៈ គង់ សូរិយា

        កំពតៈ ស្ថានភាពទីផ្សារដីធ្លីនៅតាមបណ្តារាជធានី ខេត្តនាពេលកំពុងមានសញ្ញាមិនច្បាស់លាស់ ទោះមានសកម្មភាពទិញលក់តិចតួចក្តី ប៉ុន្តែការទិញភាគច្រើនគឺក្រោមតម្លៃទីផ្សារ។

អគ្គនាយកក្រុមហ៊ុនHIPPO Project Sales លោកគឹម សង្រ្គាមដែលមានមូលដ្ឋាននៅក្នុងខេត្តកំពត បានមានប្រសាសន៍ឲ្យដឹង តាមបណ្តាញតេឡេ​​ក្រាមកាលពីចុងសប្តាហ៍មុនថា សកម្មភាពទិញ លក់ដីនៅតែបន្តមាន ប៉ុន្តែជាប្រភេទដីស្ថិតនៅជាប់មាត់ព្រែក ដីចំការ ដែលមានទំហំចាប់ពី១ទៅ៥ហិកតា នៅតែមានអ្នកទិញបណ្តើរៗ។លោកបន្តថា “អ្នកទិញភាគច្រើន មានគោលបំណងច្បាស់លាស់ និងជាដីដែលមានតម្លៃក្រោមទីផ្សារ ចន្លោះពី៣០ទៅ៥០ភាគរយ”។ លោកបន្តថា “អ្នកទិញមួយចំនួន ពួកគេទិញទុកសម្រាប់ធ្វើរមណីយដ្ឋានលំហែរកាយ ដោយសារខេត្តកំពត មានសក្តានុពលលើវិស័យទេសចរណ៍ធម្មជាតិ”។

លោកគឹម សង្រ្គាមបានបន្តថា ជាមួយគ្នានេះ ការបើកដំណើរការកំពង់ផែទេស​ចរណ៍ នៅក្នុងខេត្តកំពត ក៏ជាក្តីរំពឹងជម្រុញការរីកចម្រើនវិស័យទេសចរណ៍ និងបដិសណ្ឋារកិច្ចក្នុងខេត្ត ដែលនេះជាមូល​ហេតុមួយ ក្នុងចំណោមមូលេហតុធំៗមួយចំនួន ដែលទីផ្សារដីធ្លី នៅតែមានសកម្មភាពទិញ លក់ខ្លះៗ។ ជាមួយគ្នានេះ ភ្នាក់ងារអចលនវត្ថុឯករាជ្យប្រចាំកំពត កែប លោ​កហ៊ួរ ចិន បានមានប្រសាសន៍ឲ្យដឹងផងដែរថា ពិតហើយ សកម្មភាពទិញលក់ដីធ្លី គឺជាដីដែលមានទេសភាពស្អាត និងអាចមើលឃើញសមុទ្រឬជាប់ភ្នំ ដែលអាចសាងសង់resortបាន គឺនៅតែមានតម្រូវការ។លោកបន្តថា “យ៉ាងណាអ្នកលក់ភាគច្រើន បានដាក់លក់ក្រោមតម្លៃទីផ្សារ ដោយសារពួកគាត់ជាប់គាំងលំហូរសាច់ប្រាក់ និងត្រូវការលុយប្រញាប់ជាដើម”៕

ដោយៈ គង់ សូរិយា

ភ្នំពេញៈ នៅក្នុង​រយៈពេលប៉ុន្មានថ្ងៃមកនេះ មានកា​របង្ហោះតាម​បណ្ដាញសង្គម​​ព្រោងព្រាត​ ជុំវិញទិដ្ឋភាព​ភ្ញៀវទេសចរ ​នៅក្នុង​ខេត្ត​​សៀម​រាប ​​ជាពិសេស​ភ្ញៀវទេសចរ​បរទេស​។ ប៉ុន្តែក៏មានអ្នកខ្លះ ​បានយក​រូបភាព​ភ្ញៀវទេសចរ ​ដែលទៅ​ចូលរួម​ថត ​និងទស្សនា​ព្រឹត្តិ​ការណ៍សមរាត្រី (ព្រះអាទិត្យ​រះចំកំពូល​ប្រា​សាទអង្គរ​វត្ត ) មកផុស​ហើយថា​សៀមរាប​មិនស្ងាត់ភ្ញៀវទេ។យ៉ាង​ណា​ក្ដី​អ្នក​ជំនា​ញទេសចរណ៍កម្ពុជា ​បានទទួលស្គាល់​ថា ក្នុងមួយរយៈចុងក្រោយ​នេះ សៀមរាប​ពិត​ជាស្ងាត់ភ្ញៀវ​មែន។

លោក​ហូ វណ្ឌី ទីប្រឹក្សា​សមាគម​ទីភ្នាក់ងារទេសចរណ៍​កម្ពុជា បានមានប្រសាសន៍ ប្រាប់​អ្នកសារព័ត៌មានក្នុងស្រុក​មួយ​ឱ្យដឹងថា​​ ខែ​នេះ ជា​រដូវ​កាល​មានភ្ញៀវតិច ឬហៅថា Low Season ហើយមិនមែនតែខេត្តសៀមរាបទេ ​ដែលមានភ្ញៀវ​តិច គឺស្ទើរតែទូទាំង​ប្រ​ទេស​​កម្ពុជា​ទៅហើយ ។

ប៉ុន្តែបើ​ក្រលេកទៅមើល​ ប្រទេស​ជិត​ខាង​របស់​យើង ដែល​ស្ថិតនៅក្នុង​រដូវភ្លៀង​ដែរ​ តែគេ​មាន​ភ្ញៀវ​ច្រើន លោក​ថា​ វាមានកត្តាជាច្រើន​ ដែលនាំឱ្យ​ប្រទេស​គេមានភ្ញៀវច្រើន ដូចជាការ​លើក​លែង​​ទិដ្ឋាការ​ដល់​ភ្ញៀវទេសចរ ជាក់​ស្ដែង​​ចាប់​តាំង​ពីថៃ​ បានប្រកាស​លើកលែងទិដ្ឋាការ​ ដល់​ប្រទេស​ជាង​១០០​មក ឃើញថា​ភ្ញៀវទេសចរ​ទៅ​កម្សាន្តនៅប្រទេស​ថៃ​ច្រើន ។លោកបន្តថា កត្តា​មួយផ្សេងទៀត​ ដែលនាំឱ្យភ្ញៀវទេសចរ​បរទេស​ទៅលេងប្រទេស​ថៃច្រើន ដោយសារថៃមាន​ការ​ទាក់​​ទាញ​ខ្លាំង ក្នុ​ងនោះថៃមាន​ក្រុមហ៊ុន​អាកាស​ចរ​ រហូតទៅដល់​ជាង​១០០ក្រុមហ៊ុនឯណោះ ហើយធនធាន​មនុស្ស​​ និង​​ធនធាន​ទេសច​រ​ណ៍​របស់​គេ​​ក៏មានច្រើន សម្រាប់ទាក់ទាញដល់​ភ្ញៀវទេសចរបរទេស។​ក្រៅពីនេះ កត្តា​រៀបចំ​ស​ណ្ដា​​​ប់ធ្នាប់ ការធ្វើចរាចរណ៍​របស់ពល​រដ្ឋ​គេ​ក៏​មានរបៀបរៀបរាយ​ត្រឹមត្រូវ ។​ ទាំងអស់នេះ​ហើយ ដែល​កម្ពុជា​គួរ​តែ​មើល​​​​​ហើយអនុវត្ត​ន៍តាមគេ ដើម្បី​ទាក់​ទាញ​ភ្ញៀវទេសចរ​បរទេស ។

លោក​តុប​ សុភ័ក អ្នកនាំពាក្យ​ក្រសួងទេសចរ​ណ៍កម្ពុជា ក៏បានលើកឡើងផងដែរថា​ ស្ថានភាពទេសចរ​​ នៅក្នុង​ប្រ​ទេ​ស​​​កម្ពុជា នា​ពេល​​​បច្ចុប្បន្ន​នេះ ជាដំណាក់​កាលមួយ​ងើបឡើងវិញ ហើយ​កំណើនភ្ញៀវទេសចរបរទេស មិនទាន់​មាន​ប្រ​​ក្រ​តីភាព ដូច​មុនកូវីដ​១៩​នៅ​ឡើយទេ ។ ប៉ុន្តែសម្រាប់ទេសចរ​ជាតិ​ ងើបឡើង​ឆាប់រហ័ស​លឿនជា​ង​ទេសចរ​អន្តរ​ជាតិ ។ លោកបន្តថា​ ពាក់ព័ន្ធនឹង​ទេសចរ​អន្តរជាតិងើបយឺត​នេះ ដូច​ដែលបានដឹង​ហើយ​ថា​ បច្ចុប្បន្ន​នេះ វិបត្តិ​សង្គ្រាម​រវាង​ រុស្ស៊ី​និង​អ៊ុយ​ក្រែន​​​​នៅតែបន្តអូស​បន្លាយ ​ដែល​ធ្វើឱ្យ​ភ្ញៀវទេសចរ​បរទេស​នៅបន្តចូលមក​កម្ពុជា​ក្នុងចំនួន​តិច​តួច។​លោកបន្តថា ចំពោះ​ស្ថាន​ភាព​ទេសចរ​ នៅក្នុងប្រទេសជិតខាង​របស់​យើង ដែលមានចំនួន​ច្រើនជាង​យើងនោះ គឺដោយសា​រតែ​គេ​មា​ន​ទឹ​​កដីធំជាង​យើង គេ​មាន​ផលិតផលទេសចរ​ណ៍​ច្រើនជាង​យើង​ សំបូរបែ​បជាងយើង ហើយផលិតផល​ទេស​ច​រ​ណ៍​​​ខ្លះ ក៏កម្ពុជា​មិនអាច​ធ្វើ​បានដូច​គេ​ដែរ ដោយសារតែទាក់ទង​នឹង​ទំនៀម ​ទម្លាប់​ប្រពៃណី​របស់​យើង ដែលមិនអាច​ឱ្យ​យើង​ត្រូ​វធ្វើដូច​គេ​បាន។​

លោក​បន្ថែមថា​ សម្រាប់រយៈពេល​៨ខែ​ដើមឆ្នាំ ២០២៣​នេះ ភ្ញៀវទេសចរបរទេស​ ទៅសម្រាក​និងកម្សាន្ត នៅក្នុង​ខេត្ត​សៀមរាប​ មាន​ប្រមាណជិត​៥០ម៉ឺននាក់​ កើនឡើង​ជាង​៣៥០ភាគរយ បើធៀបនឹ​ងរយៈពេលដូចគ្នា​ ក្នុង​ឆ្នាំ ២០២២​កន្លងមក ។ ចំណែក​ការ​បង្ហោះ​របស់​បុគ្គលមួ​យ​ចំនួន ​ដែល​ថា​សៀមរាប​ស្ងាត់ភ្ញៀវ​នោះ គឺវាមិនពិតនោះទេ ព្រោះថា​តាមរបាយការណ៍ របស់​អាកាស​យានដ្ឋាន​សៀ​ម​រា​ប​បង្ហាញកថា ក្នុងមួយថ្ងៃ​មានជើងយន្តហោះ ហោះចូលទៅខេត្ត​សៀម​រាប​មានប្រមាណពី​១០ទៅ១៥ជើង ដែល​មានភ្ញៀវ​ទេ​ស​ច​រ​បរទេស​ប្រមាណ១០០០ ទៅ១៥០០​នាក់​ទៅលេង​ខេត្ត​សៀមរាប​ដែរ។លោកស៊ិន ចាន់សិរីវុត្ថាអ​នុរដ្ឋលេខាធិការ និងជាអ្នកនាំពាក្យនៃរដ្ឋលេខាធិការដ្ឋានអាកាសចរណ៍ស៊ីវិល បានអះអាងកាលពីពេលថ្មីៗនេះថា អាកាសយានដ្ឋានអន្តរជាតិ ខេត្តសៀមរាបទទួលបានជើងហោះហើរចំនួន៧លើកប៉ុណ្ណោះ ក្នុងមួយថ្ងៃ ជាអ្វីដែលផ្ទុយពីការលើកឡើងរបស់អ្នកនាំពាក្យក្រសួងទេសចរណ៍។ អ្នកតាមដានក្នុងវិស័យនេះឯករាជ្យ បាននិយាយក្នុងលក្ខខ័ណ្ឌមិនបញ្ចេញឈ្មោះថា បញ្ហាវិបត្តិភ្ញៀវទេសចរណ៍បរទេស មិនមកទស្សនាកម្ពុជាមានកត្តាខាងក្រៅ និងកត្តាខាងក្នុង។

កត្តាខាងក្រៅរួមមាន ទី១ ការផ្សព្វផ្សាយអាក្រក់ ពីសារព័ត៌មានបរទេសចំពោះប្រទេសនេះ ទី២ ការផលិតរឿងរបស់ចិន និយាយពីឧក្រិដ្ឋកម្ម ការចាប់ជំរិតនៅកម្ពុជា ទី៣ បញ្ហាសង្រ្គាមរវាងរុស្ស៊ី និងអ៊ុយក្រែន ទី៤ ការធ្លាក់ចុះ នៃវិបត្តិសេដ្ឋកិច្ចរបស់ចិនជាដើម។ចំណែកកត្តាផ្ទៃក្នុងកម្ពុជា​មាន ដូចជា ទី១ ការផ្សព្វផ្សាយមិនបានទូលំទូលាយពីសក្តានុពល ទេសចរណ៍កម្ពុជានៅក្រៅប្រទេស ទី២ ម​ន្រ្តីអន្តោប្រវេសន៍ នៅតាមច្រកទ្វារព្រលានយន្តហោះ បានដាក់គំនាប ដោយទារប្រាក់ពីភ្ញៀវទេសចរណ៍យ៉ាងអាក្រក់ ទី៣ ការលក់ផលិតផលទេសចរណ៍កោភ្ញៀវ ដោយគ្មានការខ្មាស់អៀនពីម្ចាស់ហា​ងលក់វត្ថុអនុស្សាវរីយ៍នានា នៅក្នុងក្រុងសៀមរាប ទី៤ កម្ពុជាគ្មានផលិតផលទេសចរណ៍អ្វី ដែលមានភាពទាក់ទាញក្រៅពីទស្សនាប្រាសាទអង្គរវត្ត៕

ជាមួយគ្នានោះ អ្នកឧកញ៉ា លឹម ហេង បានបង្ហោះសារនៅក្នុងបណ្តាញសង្គមទាក់ទងនឹងបញ្ហានេះយ៉ាងដូច្នេះថា«ចំពោះស្ថានភាពទេសចរ នៅក្នុងប្រទេសជិតខាងរបស់យើង ដែលមានចំនួនច្រើនជាងយើងនោះ គឺដោយសារតែគេមានទឹកដីធំជាងយើង គេមានផលិតផលទេសចរណ៍ច្រើនជាងយើង សំបូរបែបជាងយើង ហើយផលិតផលទេសចរណ៍ខ្លះ ក៏កម្ពុជាមិនអាចធ្វើបានដូចគេដែរ ដោយសារតែទាក់ទងនឹងទំនៀមទម្លាប់ប្រពៃណីរបស់យើង ដែលមិនអាចឱ្យយើងត្រូវធ្វើដូចគេបាន »

        ដោយៈ គង់ សូរិយា

        ភ្នំពេញៈ ភាគីកម្ពុជា និងភាគីឥណ្ឌាបានលើកឡើងនូវគំនិតផ្តួចផ្តើមឱ្យបង្កើតកញ្ចប់ទេសចរណ៍ បែបជំនឿនិងសាសនា ព្រមទាំងឯកភាពក្នុងការជំរុញ ឱ្យមានជើងហោះហើរត្រង់ភ្នំពេញ-ញូវដែលី ដើម្បីទាក់ទាញភ្ញៀវទេសចរឱ្យកាន់តែច្រើន។

ការឯកភាពនេះធ្វើឡើង ក្នុងជំនួបពិភាក្សាការងារ រវាងលោក សុខ សូកេន រដ្ឋមន្ត្រីក្រសួងទេសចរណ៍ និងលោកស្រី ទេវ្យានីឧត្តម ខូប្រាគតិ (Devyani Khobragade) ឯកអគ្គរដ្ឋឥណ្ឌាប្រចាំកម្ពុជា នៅទីស្ដីការក្រសួងទេសចរណ៍។ នេះបើតាមសេចក្ដីប្រកាសព័ត៌មានរបស់ក្រសួងទេសចរណ៍ក្នុងសប្ដាហ៍នេះ។

ភាគីទាំងពីរបានពិភាក្សាអំពីកាលានុវត្តភាព និងសក្តានុពលនានាសម្រាប់កិច្ចសហប្រតិបត្តិការ ក្នុងការលើកកម្ពស់ និងអភិវឌ្ឍន៍វិស័យទេសចរណ៍នៃប្រទេសទាំងពីរ ក្នុងគោលដៅជំរុញរំហូរទេសចរទៅវិញទៅមកឱ្យកាន់តែប្រសើរឡើង។សេចក្ដីប្រកាសព័ត៌មានបានបន្តថា  លោករដ្ឋមន្ត្រី និងលោកស្រីអគ្គរដ្ឋទូត ក៏បានពិភាក្សាគ្នាលើគំនិតផ្តួចផ្តើម ឱ្យបង្កើតកញ្ចប់ទេសចរណ៍បែបជំនឿនិងសាសនា ព្រមទាំងបានឯកភាពគ្នា ក្នុងការជំរុញឱ្យមានជើងហោះហើរត្រង់ រវាងទីក្រុងភ្នំពេញ-ញូដែលី តាមរយៈក្រុមហ៊ុន Cambodia Angkor Air ដើម្បីទាក់ទាញភ្ញៀវទេសចររវាងប្រទេសទាំងពីរឱ្យកាន់តែច្រើន។

លើសពីនេះ លោករដ្ឋមន្ត្រី សុខ សូកេន និងលោកស្រីឯកអគ្គ​រដ្ឋទូតបានប្តេជ្ញាចិត្តរួមគ្នា លើកកម្ពស់កិច្ចសហប្រតិបត្តិការទេសចរណ៍បន្ថែមទៀត តាមរយៈការលើកកម្ពស់ទំនាក់ទំនងសង្គម វប្បធម៌ សេដ្ឋកិច្ច និងការកសាងទំនាក់ទំនង រវាងប្រជាជននិងប្រជាជន។ ភាគីទាំងពីរ ក៏បានផ្លាស់ប្ដូរយោបល់គ្នា ក្នុងការជំរុញវិនិយោគរបស់ឥណ្ឌាលើឧស្សាហកម្មទេសចរណ៍កម្ពុជា។បច្ចុប្បន្ន កម្ពុជា-ឥណ្ឌាក៏បានគម្រោងអភិវឌ្ឍន៍ទេសចរណ៍រួមគ្នាមួយចំនួន ដូចជា គម្រោងអភិវឌ្ឍន៍ដែលមានផលរហ័ស (Quick Impact Projects – QIP) ចំនួន៣ រួមមាន ទី១-ការអភិវឌ្ឍកម្មវិធីទូរស័ព្ទ ដើម្បីផ្សព្វផ្សាយសហគមន៍ និងអេកូទេសចរណ៍ ទី២-ការលើកកម្ពស់សកម្មភាពអេកូទេសចរណ៍ នៅក្នុងសហគមន៍អេកូទេស​ចរណ៍ផាត់សណ្តាយ នៅខេត្តកំពង់ធំ និងទី៣-ការលើកកម្ពស់ការអភិវឌ្ឍសហគមន៍អេកូទេសចរណ៍ “បឹងស្នេហ៍” នៅខេត្តព្រៃវែងផងដែរ​៕

ដោយ: គង់ លាងហួរ

ភ្នំពេញ: អ្នកជំនាញ និងវិភាគសេដ្ឋកិច្ចជាច្រើនបានមើលឃើញបញ្ហាជាច្រើន ក្នុងវិស័យអចលនទ្រព្យ និងសំណង់នៅកម្ពុជា ដែលកំពុងជួបបញ្ហា និងភាពមិនច្បាស់លាស់។

សេដ្ឋវិទូកម្ពុជា លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចរាជបណ្ឌិត្យសភាកម្ពុជា បានធ្វើការវិភាគ និងលើកឡើងពីបញ្ហាមួយចំនួនពាក់ព័ន្ធនឹងពន្ធដារក្នុងវិស័យអចលនទ្រព្យ។

លោកបណ្ឌិតបានមានប្រសាសន៍កាលពីពេលថ្មីៗនេះថា បញ្ហាដែលអាជីវករជួបវិបត្តិកន្លងមក គឺរឿងបង់ពន្ធ ដោយមុនពេលបើកកន្លែងសំណង់ អាជីវករទិញដី ហើយទៅជជែកជាមួយអាជ្ញាធរ មុនពេលសុំច្បាប់ត្រឹមត្រូវ។លោកបណ្ឌិតគី សេរីវឌ្ឍន៍ បានបន្តថា នៅពេលចាប់ផ្តើមសាងសង់ មន្ត្រីពន្ធដារខណ្ឌបានចុះទៅ ហើយអាជីវករបានជូនជាកញ្ចប់មួយចំនួនទៅពន្ធដារខណ្ឌ តែពន្ធធំជាអ្នកត្រូវអនុវត្តច្បាប់នេះ។

លោកបញ្ជាក់ថា អ្នកធ្វើជំនួញមិនបានដឹងថា ត្រូវបង់ទៅពន្ធដារខណ្ឌ ឬពន្ធធំនោះទេ ហើយពន្ធដារខណ្ឌ ក៏មិនបានរាយការណ៍មកអគ្គនាយកដ្ឋានពន្ធដារ ឬប្រាប់ទៅអ្នកសាងសង់ទេ។ ដូច្នេះអ្នកសាងសង់យល់ថា បានជូនកញ្ចប់ទៅពន្ធដារខណ្ឌរួចហើយ អាចចាប់ផ្តើមលក់បានហើយ។លោកបណ្ឌិត គី សេរីវឌ្ឍន៍ បានថ្លែងបែបនេះក្នុងវេទិកាកិច្ចពិភាក្សាតុមូលស្តីពី “ស្ថានភាពទីផ្សារអចលនទ្រព្យនៅកម្ពុជា” ដែលរៀបចំឡើង ដោយរាជបណ្ឌិតសភាកម្ពុជា កាលពីថ្ងៃទី២៣ ខែមិថុនា ឆ្នាំ២០២៣កន្លងទៅ។

លោកបណ្ឌិតអះអាងថា នៅពេលចាប់ផ្ដើមលក់ ពន្ធមានច្រើនដែលត្រូវជាប់ ដែលរួមមានពន្ធលើប្រាក់ចំណូលក្រុមហ៊ុន ពន្ធលើប្រាក់បៀវត្សបុគ្គលិក អាករលើតម្លៃបន្ថែម ដែលលក់ផ្ទះល្វែងត្រូវបង់១០% លក់ដីបង់អាករលើតម្លៃបន្ថែម១០% ពន្ធលើឈ្នួលអចលនទ្រព្យ ពន្ធអចលនទ្រព្យ ពន្ធប្រថាប់ត្រា ពន្ធប្រាក់ចំណេញមូលធន ពន្ធលើដីធ្លីមិនបានប្រើប្រាស់។

លោកបន្ថែមថា “ដោយសារពន្ធទាំងអស់ខាងលើ មិនបានបង់ឱ្យរដ្ឋ រដ្ឋចាប់ផ្ដើមធ្វើការវាយតម្លៃ ដោយធ្វើការទូទាត់ពន្ធជាកញ្ចប់ដាក់ឱ្យក្រុមហ៊ុន។ ដូច្នេះក្រុមហ៊ុនពុះដីឡូតិ៍លក់ បានលុយ៣០លាន ត្រូវបង់ពន្ធ៤០លាន”។លោកលើកឡើងទៀតថា បុរីមួយចំនួនបានយកលុយទៅធ្វើសប្បុរសធម៌ ដោយយកប្រាក់ចំណេញ៦ ទៅ៧លានដុល្លារ ទៅជួយក្នុងអំឡុងវិបត្តិកូវីដ១៩  ដោយសង្ឃឹមថាគេមិនយកពន្ធុ តែលុយដែលជួយគេនេះត្រូវបង់ពន្ធសិន ទើបអាចយកទៅជួយគេកើត បើជួយគេហើយជាប់ពន្ធទៀត ដែលគេហៅថាពន្ធមិនអាចកាត់កងបាន។ បញ្ហាគឺបណ្តាលមកពីក្រុមហ៊ុន មិនយល់ពីច្បាប់ពន្ធបានច្បាស់លាស់។

អ្នកជំនាញរូបនេះបានឱ្យដឹងទៀតថា រដ្ឋាភិបាលបានសម្របសម្រួលជាច្រើន ដូចជា ការពន្យារពេលអនុវត្តច្បាប់ពន្ធ ការបង់ពន្ធនានា ការលើកលែងពន្ធលើអចលនទ្រព្យ ពន្ធប្រថាប់ត្រាក្រោម៧ម៉ឺនដុល្លារអាមេរិក។

ទោះបីជាយ៉ាងនេះក្តី លោកបណ្ឌិតបានអះអាងថា លោកបានទិញខ្លួនឯងមិនបានរួចទេ។ ពន្ធនេះរួចតែរដ្ឋថា ពន្ធដារនៅតែយកដដែល ដូច្នេះលោកនៅតែត្រូវបង់ពន្ធ ប្រថាប់ត្រា៤%ដដែល ដោយ​សារគោលនយោបាយ បង្កើនប្រាក់ចំណូលពន្ធឱ្យលើសផែនការរបស់អគ្គនាយកដ្ឋានពន្ធដារ ទើបប្រឹងប្រមូលពន្ធ ភ្លេចយកច្បាប់នេះមកអនុវត្ត ដែលធ្វើឱ្យរដ្ឋប្រមូលពន្ធបានលើស។

បន្ថែមពីនេះ លោកបណ្ឌិតគី សេរីវឌ្ឍន៍ លើកឡើងទៀតថា ពលរដ្ឋជាច្រើនបានទិញដីឡូត៍ ឬផ្ទះភាគច្រើនគឺជាការវិនិយោគ គឺទិញដើម្បីលក់មិនមែនដើម្បីប្រើប្រាស់ ឬរស់នៅឡើយ។

លោកគូសបញ្ជាក់ថា ការបង់ពន្ធ ដែលអ្នកអភិវឌ្ឍមិនទាន់យល់ច្បាស់អំពីការបង់ពន្ធ ស្ថិតក្នុងចំណោមបញ្ហាប្រឈមធំៗចំនួន៦ ក្នុង  វិស័យអចលនទ្រព្យនៅកម្ពុជា ដូចជាបញ្ហាក្រុមហ៊ុនអភិវឌ្ឍន៍មួយចំនួនមិនមានច្បាប់អនុញ្ញាតត្រឹមត្រូវ  ការផ្គត់ផ្គង់លើសតម្រូវការ តម្លៃអចលនទ្រព្យហក់ឡើងខ្លាំងជ្រុល ការប្រែក្លាយដីឡូតិ៍ និងវិបត្តិលំហូរសាច់ប្រាក់ពីបរទេស៕

ដោយៈ គង់ សូរិយា

        ភ្នំពេញៈ សន្និសីទពិភពម៉ាឡាយូ ពិភពឥស្លាម (DMDI) លើកទី២១ ត្រូវបានរៀបចំនៅកម្ពុជា ដើម្បីរួមចំណែកអភិវឌ្ឍសេដ្ឋកិច្ចសង្គម តាមរយៈការចូលរួមរបស់ប្រតិភូ អ្នកវិនិយោគ និងធុរជនបរទេស ពីបណ្តាប្រទេសជាសមាជិករបស់ DMDI។

លោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា តំណាងដ៏ខ្ពង់ខ្ពស់បំផុត សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាសហធិបតីរួមជាមួយ TYT Tun Seri Setia (Dr) Hj Mohd Ali bin Mohd Rustam ប្រធានអង្គការ DMDI ក្នុងពិធីបើកសន្និសីទរបស់អង្គការពិភពម៉ាឡាយូ ពិភពឥស្លាម Dunia Melayu Dunia Islam(DMDI) លើកទី២១ ស្ដីពី “ការពង្រឹងសហគ្រិនភាពនៃសមាជិក DMDI និងដៃគូនានា” នៅសណ្ឋាគារភ្នំពេញ រាជធានីភ្នំពេញ កាលពីថ្ងៃទី២៣ ខែកញ្ញា ឆ្នាំ២០២៣។

សន្និសីទពិភពម៉ាឡាយូ ពិភពឥស្លាម(DMDI)នេះត្រូវបានរៀបចំឡើង ដើម្បីចូលរួមអភិវឌ្ឍសេដ្ឋកិច្ចសង្គម តាមរយៈការចូលរួមរបស់ប្រតិភូ អ្នកវិនិយោគ និងធុរជនបរទេស ពីបណ្តាប្រទេសជាសមាជិករបស់ DMDI ដែលក្នុងនោះក៏មានការផ្តោត លើឧស្សាហកម្មហាឡាលនៅកម្ពុជាផងដែរ។

ចំពោះប្រធានបទ “ការពង្រឹងសហគ្រិនភាពនៃសមាជិក DMDI និងដៃគូនានា” នាឱកាសនេះត្រូវបានលើកឡើង ស្របពេលដែលរាជរដ្ឋាភិបាលកម្ពុជា បានដាក់ចេញនូវគោលនយោបាយ យុទ្ធសាស្ត្រ និងផែនការជាច្រើន ដើម្បីជំរុញកំណើនសេដ្ឋកិច្ចកម្ពុជា។

ក្នុងនោះ សហគ្រាសធុនតូច និងមធ្យម (SMEs) គឺត្រូវបានលើកទឹកចិត្ត និងកំពុងចូលរួមចំណែកយ៉ាងសំខាន់ ក្នុងការជំរុញសេដ្ឋកិច្ច ជាប្រភពសំខាន់នៃការបង្កើតការងារ ទ្រព្យសម្បត្តិជាតិ និងក៏ជាតួអង្គសំខាន់ ក្នុងការចូលរួមកាត់បន្ថយភាពក្រីក្រ និងវិសមភាពសេដ្ឋកិច្ចសម្រាប់ប្រជាជនកម្ពុជាផងដែរ។

លោកឧបនាយករដ្ឋមន្ត្រីស៊ុន ចាន់ថុល បានលើកទឹកចិត្ត និងអំពាវនាវដល់សហគ្រិនជាសមាជិកDMDI ទាំងអស់ ពិសេសជូនចំពោះអ្នក ដែលចូលរួមក្នុងសន្និសីទនាថ្ងៃនេះ សូមពិចារណាចូលមកវិនិយោគនៅកម្ពុជា ដោយហេតុថាកម្ពុជា ផ្តល់ការលើកទឹកចិត្តខ្ពស់ដល់វិនិយោគិនទាំងអស់ អាចចូលមកវិនិយោគដោយបើកចំហ លើគ្រប់វិស័យ និងដោយគ្មានការរឹតបន្តឹងលើកម្មសិទ្ធិ។

លោកបន្តថា “កម្ពុជាក៏មានកម្លាំងពលកម្ម និងជំនាញ សុទ្ធសឹងតែជាយុវជនវ័យក្មេង និងប្រកបដោយថាមពល ហើយក្នុងនោះ រាជរដ្ឋាភិបាល បានផ្ដល់ការយកចិត្តទុកដាក់ដល់សហគ្រិន ដែលជាស្រ្តីផងដែរ”។ លោកបន្តថា “កម្ពុជាជាប្រទេសនៅចំណុចកណ្ដាលនៃតំបន់អាស៊ាន និងនៅក្នុងមហាអនុតំបន់ទន្លេមេគង្គ (GMS) ដែលប្រមូលផ្ដុំ ទៅដោយមនុស្សជាង៦៥០លាននាក់ ព្រមទាំងជាសមាជិកដៃគូសេដ្ឋកិច្ច និងកិច្ចព្រមព្រៀងពាណិជ្ជកម្មសេរីផ្សេងៗទៀត ហើយសំខាន់ជាងនេះ គឺការកសាងហេដ្ឋារចនាសម្ព័ន្ធ តភ្ជាប់សំខាន់ៗទាំងក្នុងប្រទេស តភ្ជាប់ទៅប្រទេសជិតខាង និងទៅកាន់ពិភពលោក គឺសុទ្ធសឹងតែផ្ដល់បរិយាកាសល្អ ដល់វិនិយោគិនឱ្យចូលមកវិនិយោគនៅកម្ពុជា។

រាជរដ្ឋាភិបាលកម្ពុជាមានចក្ខុវិស័យ លើកកម្ពស់ទំនើបកម្មនៃរចនាសម្ព័ន្ធឧស្សាហកម្ម ពីឧស្សាហកម្ម ដែលពឹងផ្អែកលើកម្លាំងពលកម្ម ទៅជាឧស្សាហកម្មជំនាញត្រឹមឆ្នាំ២០២៥ តាមរយៈការតភ្ជាប់ទៅកាន់ខ្សែច្រវ៉ាក់តម្លៃសកល ការធ្វើសមាហរណកម្មទៅក្នុងបណ្តាញផលិតកម្មក្នុងតំបន់ និងការអភិវឌ្ឍខ្សែច្រវ៉ាក់ ផ្គត់ផ្គង់ផលិតកម្មស្របតាមការពង្រឹងសមត្ថភាពប្រកួតប្រជែង និងផលិតភាពនៃឧស្សាហកម្មក្នុងស្រុក ខណៈពេលដែលបន្តអភិវឌ្ឍន៍ ឧស្សាហកម្មទំនើបដោយផ្អែកលើបច្ចេកវិទ្យា និងទិន្នន័យ។

ពិភពម៉ាឡាយូ ពិភពឥស្លាម Dunia Melayu Dunia Islam(DMDI) ជាអង្គការមិនមែនរដ្ឋាភិបាល បង្កើតឡើងក្នុងឆ្នាំ២០០០ នៅប្រទេសម៉ាឡេស៊ី ក្នុងគោលបំណងដើម្បីពង្រឹងសាមគ្គីភាពរវាងបណ្តាប្រទេសសមាជិក និងប្រជាជនមុស្លីមម៉ាឡេ ពិសេសពាណិជ្ជករ ដូចជា ការលើកកម្ពស់កិច្ចសហប្រតិបត្តិការ លើគ្រប់វិស័យ និងអភិវឌ្ឍក្នុងចំណោមប្រជាជនមុស្លីមម៉ាឡេ ជាមួយប្រជាជនប្រទេសផ្សេងៗ ដើម្បីជំរុញវឌ្ឍនភាព និងការអភិវឌ្ឍលើ    វិស័យដូចជា៖ ១. សេដ្ឋកិច្ច ២. អភិវឌ្ឍន៍សហគមន៍ ៣. អប់រំ យុវជន និងកីឡា ៤. វិទ្យាសាស្ត្រ និងបច្ចេកវិទ្យា ៥. វប្បធម៌ចម្រុះ ៦. ឃោសនាអប់រំឥស្លាម ៧. អភិវឌ្ឍន៍ស្ត្រី ៨. ទេសចរណ៍ ៩. សុខភាព និងអនាម័យ និង ១០. ព័ត៌មានវិទ្យា។

កាលពីឆ្នាំ២០១២ កម្ពុជាត្រូវបានបញ្ចូលជាសមាជិក ហើយអង្គការនេះ មានសមាជិកចំនួន២២ប្រទេសផ្សេងទៀត រួមមាន ថៃ សឹង្ហបុរី ម៉ាឡេស៊ី ចិន ឥណ្ឌូនេស៊ី អារ៉ាប៊ីសាអ៊ូឌីត ប្រ៊ុយណេ ហ្វីលីពីន ទីម័រខាងកើត អង់គ្លេស ម៉ាដាហ្គាស្ការ អូស្ត្រាលី អាហ្វ្រិកខាងត្បូង អេហ្ស៊ីប ហូឡង់ ម៉ាល់ឌីវ បង់ក្លាដែស កាណាដា បូស្នៀហឺហ្សេហ្គោវីណា នូវែលសេឡង់ ស្រីលង្កា និងស៊ូរីណាម៕

ឱកាសចំណេញចុងសប្តាហ៍បានមកដល់ហើយ! សម្រាប់អតិថិជន ទិញផ្ទះក្នុងខែនេះ លោកអ្នកនឹងទទួលបាន ប្រូម៉ូសិនដ៏ចំណេញមិនធ្លាប់មានពីមុនមក ទៅលើការទិញផ្ទះសម្រាប់ 3គម្រោងប៉ុណ្ណោះ រួមជាមួយការផ្តល់ជូនបន្ថែមដូចជា៖✦ Free ដេគ័របន្ទប់មេគ្រួសារ 2បន្ទប់ តាមស្តង់ដារផ្ទះគំរូ
✦ ប័ណ្ណទឹកប្រាក់រហូតដល់ $ 5,000 សម្រាប់រៀបចំកម្មវិធីនៅ PH Grand Hall
✦ ឥតគិតថ្លៃសេវាគ្រប់បុរី រយៈពេល 1ឆ្នាំពេញអ្វីដែលកាន់តែពិសេសជាងនេះទៅទៀត អតិថិជន នឹងទទួលបានកម្ចីរហូតដល់ 90% រយៈពេលរហូតដល់20ឆ្នាំ ជាមួយនឹងការផ្តល់ជូនដែលនឹកស្មានមិនដល់ ពីធនាគារដៃគូរបស់បុរី ប៉េង ហួត។

ដើម្បីទទួលបានការផ្តល់ជូនខាងលើសូមអញ្ជើញមកកាន់ការិយាល័យលក់បុរី ប៉េង ហួត ហ្គ្រេនស្តា ផា្លទីនីម (បឹងស្នោ) ស្ថិតនៅលើបណ្ដោយផ្លូវជាតិលេខ1 នៅថ្ងៃទី 22-24 ខែកញ្ញា ឆ្នាំ2023 ចាប់ពីម៉ោង 09:00 ព្រឹក ដល់ម៉ោង 05:00 ល្ងាច។📍 ទីតាំង https://bit.ly/BPHSaleGalleryBoengSnor
☎️ ព័ត៌មានបន្ថែម សូមទាក់ទងមកកាន់សហការីលក់យើងខ្ញុំតាមរយៈលេខទូរសព្ទ 𝟎𝟗𝟖 / 𝟎𝟏𝟔 / 𝟎𝟏𝟕 𝟓𝟗𝟔 𝟕𝟖𝟗

សូមបញ្ជាក់ផងដែរថាគ្រប់គម្រោងទាំងអស់របស់បុរី ប៉េង ហួត សុទ្ធសឹងតែជាបណ្តុំសហគមន៍ទំនើប ដែលពោរពេញដោយសោភ័ណភាព បែបធម្មជាតិពណ៌បៃតង ក្លឹបហាត់ប្រាណ អាងហែលទឹក អមទៅដោយសួនច្បារ ដ៏ស្រស់បំព្រងផ្តល់ជូននូវបរិយាកាសស្រស់ស្រាយ ប្រកបដោយភាពស្ងប់ស្ងាត់ សម្រាប់ការរស់នៅដ៏ល្អប្រសើរបំផុត ។លោកអ្នកអាចធ្វើការ​ជ្រើសរើសនូវវីឡាជាច្រើនប្រភេទ ដែលមានដូចជា វីឡាទោល វីឡាភ្លោះ វីឡាកូនកាត់ និងហ្សបហោស៍ ដែលគ្រប់ប្រភេទវីឡាខាងលើ សុទ្ធសឹងតែរចនាម៉ូដឡើងយ៉ាងល្អឯកដែលផ្អែកទៅលើគុណតម្លៃនៃសោភ័ណភាព ភាពសម្បូរបែប​ ជាមួយភាពសមស្របឥតខ្ចោះនៃការរួមបញ្ចូលរចនាបទខ្មែរ និងអឺរ៉ុប ដោយផ្តល់ជូននូវភាពប្រណីតទាន់សម័យ និងផាសុកភាពក្នុងការស់នៅធ្វើឱ្យជីវិតលោកអ្នកកាន់តែមានន័យ។

(ញូវយ៉ក, អាមេរិក)៖ សហរដ្ឋអាមេរិក ប្រកាសធ្វើការជិតស្និទ្ធជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដើម្បីពង្រីកកិច្ចសហប្រតិបត្តិការទាំងឡាយរវាងកម្ពុជា និងអាមេរិក។បន្ថែមពីលើនោះ សហរដ្ឋអាមេរិក ក៏បានប្រកាសបន្តផ្តល់ជំនួយសម្រាប់ការអភិវឌ្ឍន៍នៅកម្ពុជាឡើងវិញផងដែរ។
ក្នុងឱកាសអញ្ជើញចូលរួមកិច្ចប្រជុំទូទៅនៃមហាសន្និបាតអង្គការសហប្រជាជាតិលើកទី៧៨ នៅទីក្រុងញូវយ៉ក សហរដ្ឋអាមេរិក, សម្តេចមហាបវរធិបតី ហ៊ុន ម៉ាណែត បានទទួលជួបលោក ស្រី វ៉ិចតូរីយ៉ា នូលែន (Victoria Nuland) អនុរដ្ឋមន្ត្រីការបរទេសស្តីទីអាមេរិក នៅថ្ងៃទី២២ ខែកញ្ញា ឆ្នាំ២០២៣។យោងតាមការជូនព័័ត៌មានរបស់ក្រសួងការបរទេសកម្ពុជា បានឱ្យដឹងថា ក្នុងជំនួបនោះ លោកស្រី វ៉ិចតូរីយ៉ា នូលែន បានសម្តែងការស្វាគមន៍យ៉ាងកក់ក្តៅចំពោះ សម្ដេចធិបតី ដែលបានអញ្ជើញមកទីក្រុងញូវយ៉កចូលរួមកិច្ចប្រជុំទូទៅនៃមហាសន្និបាត អង្គការសហប្រជាជាតិលើកទី៧៨។ លោកស្រីក៏បាន អបអរសាទរចំពោះការជ្រើសតាំងសម្តេចធិបតី ជានាយករដ្ឋមន្ត្រីកម្ពុជានីតិកាលទី៧នៃរដ្ឋសភាផងដែរ។

លោកស្រី វ៉ិចតូរីយ៉ា នូលែន បានគូសបញ្ជាក់បន្ថែមថា សហរដ្ឋអាមេរិកស្វាគមន៍ឱកាសពង្រីកកិច្ចសហប្រតិបត្តិការរវាងកម្ពុជា និងអាមេរិក តាមរយៈការធ្វើការជិតស្និទ្ធជាមួយសម្តេចធិបតី និងចង់ឃើញសម្តេចធិបតី ក៏ដូចប្រទេសកម្ពុជាទាំងមូលទទួលបានជោគជ័យ។
កិច្ចពិភាក្សានោះបានផ្ដោតលើការរិះរកវិធី និងមធ្យោបាយសម្រាប់ពង្រឹងទំនាក់ទំនង និងកិច្ចសហប្រតិបត្តិការទ្វេភាគី ឱ្យឈានឡើងមួយកម្រិតទៀត។

ឆ្លៀតក្នុងឱកាសនោះ លោកស្រី វ៉ិចតូរីយ៉ា នូលែន បានជម្រាបជូនសម្តេចធិបតីថា សហរដ្ឋអាមេរិក បាន សម្រេចផ្តល់ជូនឡើងវិញ នូវជំនួយក្នុងទំហំទឹកប្រាក់ប្រមាណ១៨លានដុល្លារអាមេរិក តាមរយៈទីភ្នាក់ងារអាមេរិកសម្រាប់ការអភិវឌ្ឍអន្តរជាតិ (USAID) ដែលសហរដ្ឋអាមេរិកបានផ្អាក ក្រោយការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣។ភាគីទាំងពីរក៏បានពិភាក្សាគ្នាផងដែរ ពាក់ព័ន្ធនឹងការធ្វើមាតុភូមិនិវត្តន៍ពលរដ្ឋខ្មែរ ដោយលោក ស្រី វ៉ិចតូរីយ៉ា នូលែន បានស្នើពន្លឿននីតិវិធីនៃការទទួលយកពលរដ្ឋទាំងនោះ។ ជាការឆ្លើយតបសម្ដេចធិបតី បានបញ្ជាក់ថា ក្រសួង-ស្ថាប័នពាក់ព័ន្ធរបស់កម្ពុជា នឹងពិនិត្យ កែសម្រួលនីតិវិធី ឱ្យដំណើរការដោយរលូនឆាប់រហ័ស និងប្រកបដោយប្រសិទ្ធភាពខ្ពស់។
សម្តេចធិបតី ក៏បានស្នើឱ្យសហរដ្ឋអាមេរិកយកចិត្តទុកដាក់ ជាពិសេសចំពោះពលរដ្ឋខ្មែរដែល ត្រូវធ្វើមាតុភូមិនិវត្តន៍ និងដែលមានបញ្ហាសុខភាព។ លោកស្រី វ៉ិចតូរីយ៉ា នូលែន បានបញ្ជាក់ថាបញ្ហាសុខភាពគឺជាអ្វីដែលសហរដ្ឋអាមេរិកបានយកចិត្តទុកដាក់កន្លងមក និងបន្តយកចិត្តទុកដាក់ជាពិសេសបន្ថែមទៀតតាមការស្នើរបស់សម្តេចធិបតី។ ក្នុងជំនួបនោះ ភាគីទាំងពីរក៏បានពិភាក្សាផងដែរ លើវិស័យដែលប្រទេសទាំងពីរកំពុងយកចិត្តទុកដាក់៕