ដោយៈ សហការី
កំពតៈ ព្រះសង្ឃ និងពុទ្ធបរិស័ទប្រមាណ៣,០០០អង្គ/នាក់ ដែលនិមន្ត និងអញ្ជើញមកពី២៥រាជធានី ខេត្ត/ នឹងដង្ហែពិធីបុណ្យផ្កាប្រាក់មហាសាមគ្គី ឡើងទៅលើកំពូលភ្នំបូកគោ នាចំណុចវាលស្រែ៥០០ ដើម្បីប្រមូលបច្ច័យ ចូលរួមកសាងព្រះពុទ្ធប្បដិមា កម្ពស់១០៨ម៉ែត្រ ដែលសាងសង់នៅលើខ្នងភ្នំបូកគោ។
ពិធីបុណ្យផ្កាមហាសាមគ្គីដ៏ធំនេះ នឹងប្រារព្ធធ្វើចាប់ពីថ្ងៃទី២៣ ដល់២៤ ខែ កញ្ញា ឆ្នាំ២០២៣ ដោយមានការផ្តួចផ្តើមពីព្រះវិមល សរណញាណចាន់ វិសាល និងព្រះចៅអធិការ វត្តពារាណសីសិរីមង្គល បានសហការជ្រះថ្លាប្រកបដោយសទ្ធា និងបញ្ញា ជាមួយអ្នកឧកញ៉ាបណ្ឌិត សុខ គង់។
ដើម្បីបានចូលរួមចំណែកជ្រះថ្លា ក្នុងការកសាងព្រះពុទ្ធប្បដិមាកម្ពស់១០៨ម៉ែត្រនេះ ពុទ្ធបរិស័ទអាចមានឱកាស ចាប់យកកុសលផលបុណ្យ ចូលរួមភ្ជាប់និស្ស័យកសាងព្រះពុទ្ធអង្គធំនេះ ដោយសទ្ធាជ្រះថ្លា ជាពិសេសពុទ្ធបរិស័ទទាំងអស់ អាចចាប់មគ្គផលកុសលផលបុណ្យជាវព្រះអង្គតូចៗ ដែលមានទំហំកម្ពស់០.៣១ម៉ែត្រ បណ្តោយ ០.២៥ម៉ែត្រ និង ទទឹង០.១៦៥ម៉ែត្រ មាន៤ថ្នាក់៩ជាន់ ហើយអាចចារឹកឈ្មោះផ្ទាល់ខ្លួន ឈ្មោះអ្នកមានគុណ លោកតាលោកយាយ កូន ក្មួយ ដើម្បីទទួលបានកុសលផលបុណ្យផងដែរ ហើយដំកល់ទុកនៅក្នុងខឿនក្រោមព្រះអង្គធំ ទុកជាប្រវត្តិសាស្រ្តយូរអង្វែង តគ្រប់ជំនាន់ដល់កូន ចៅ ជំនាន់ក្រោយបានគោរពជាទីសក្ការ: ។
អ្នកឧកញ៉ាបណ្ឌិតសុខ គង់ មានចក្ខុវិស័យ និងសទ្ធាជ្រះថ្លាមុតមាំ ក្នុងការកសាងព្រះពុទ្ធប្បដិមា កម្ពស់១០៨ម៉ែត្រនេះ ដែលមានព្រះពុទ្ធប្បដិមាអង្គធំ និងព្រះពុទ្ធរូបតូចៗ ដើម្បីបានឧទ្ទិសកុសលផលបុណ្យ ដែលយើងបានធ្វើមិនថាក្នុងជាតិនេះ រឺគ្រប់ៗជាតិណាឡើយ និងដើម្បីការរក្សានូវអត្តសញ្ញាណជាតិ នៃវប្បធ៌មសាសនា ដោយឈរលើមូលដ្ឋារក្សាចាស់ បង្កើតថ្មី នាសម័យតេជោសន្តិភាព និងការអភិវឌ្ឍ។
ព្រះពុទ្ធប្បដិមាអង្គនេះ នឹងគង់នៅជាសម្បត្តិវប្បធម៍ជាតិតជំនាន់សម្រាប់ជាទីសក្ការ:ដ៏ឧត្តុងឧត្តម របស់ពុទ្ធសាសនិកជនទាំងអស់គ្នា និងទុកជាស្នាដៃនៃកេរ្តិ៍មរកត ដល់កូន ចៅជំនាន់ក្រោយ។
ពត៍មានលំអិតបន្ថែមសម្រាប់ សប្បុរសជនមានបំណងចូលបច្ច័យចាប់មគ្គផល កុសលផលបុណ្យ នៅក្នុងការកសាងព្រះពុទ្ធប្បដិមាកំពស់១០៨ម៉ែត្រ នៅលើខ្នងភ្នំបូកគោ អាចទំនាក់ទំនងតាម ទូរស័ព្ទលេខ : 014 7777 108 , 014 777 108 , 015 777 108។
គណនីទទួលបច្ច័យ :
ABA Bank : 106 108 108 (KHR) , 107 108 108 (USD)
WING Bank : 9 108 108 108 (KHR) , 8 108 108 108 (USD)
NAME : PHEAR PUTH PADIMA 108M៕

ដោយៈ គង់ ហ្វីអូណា

        ភ្នំពេញៈ សម្តេចធិបតី ហ៊ុន ម៉ាណែត បានបង្ហាញនូវជំហររបស់រាជរដ្ឋាភិបាលនីតិកាលទី៧ នៅក្នុងការបន្តគាំទ្រ សហការ និងសម្រ​បសម្រួល ជាមួយក្រុមហ៊ុនចំពោះរាល់គម្រោងទាំងអស់ ដែលផ្តល់ផលប្រយោជន៍ដល់សង្គម-សេដ្ឋកិច្ចកម្ពុជា។

ក្នុងដំណើរបំពេញទស្សនកិច្ច នៅប្រទេសចិនជាលើកដំបូង ក្នុងនាមនាយករដ្ឋមន្រ្តីកម្ពុជា សម្តេចមហាបវរធិបតី ហ៊ុន ម៉ាណែត នាយ​ក​រដ្ឋមន្រ្តីនៃកម្ពុជា បានអនុញ្ញាត្តឲ្យលោកហាន ស៊ាជុន (Han Xiaojun) ប្រធានក្រុមប្រឹក្សាភិបាល ក្រុមហ៊ុន SINOMACH Heavy Equipment Co., Ltd។

សម្តេចធិបតី បានសម្តែងនូវការស្វាគមន៍យ៉ាងកក់ក្តៅជូនចំពោះ លោក ហាន ស៊ាជុន (Han Xiaojun) ដែលជាភ្ញៀវទីមួយ សម្តេចធិបតីទទួលជួប នៅក្នុងដំណើរទស្សនកិច្ចផ្លូវការ នៅសាធារណរដ្ឋប្រជាមានិតចិននាពេលនេះ ។ ​លោក ហាន ស៊ាជុន បានសម្តែងនូវអំណរគុណយ៉ាងជ្រាលជ្រៅ ចំពោះប្រសាសន៍នេះ ក៏ដូចជាការណ៍ដែល សម្តេចធិបតីបានចំណាយវេលាដ៏មានតម្លៃ ឱ្យលោកចូលជួបសម្តែងការគួរសម និងពិភាក្សាការងារ។​

លោកហាន ស៊ាជុន បានរាយការណ៍ជូន សម្តេចធិបតីដ៏ខ្ពង់ខ្ពស់ អំពីប្រវត្តិ និងដំណើរការអាជីវកម្ម ព្រមទាំងការវិនិយោគរបស់ក្រុមហ៊ុន SINOMACH Heavy Equipment Group នៅកម្ពុជា ចាប់តាំងពីឆ្នាំ២០០៧មក ដែលបច្ចុប្បន្នមានគម្រោងជាច្រើន ក្នុងទំហំទឹកប្រាក់រហូតដល់ជិត៣ប៊ីលានដុល្លារអាមេរិក។

សម្តេចធិបតី បានបង្ហាញនូវជំហររបស់ រាជរដ្ឋាភិបាលនីតិកាលទី៧ នៃរដ្ឋសភា នៅក្នុងការបន្តគាំទ្រ សហការ និងសម្របសម្រួលជាមួយក្រុមហ៊ុន ចំពោះរាល់គម្រោងទាំងអស់ ដែលផ្តល់ផលប្រយោ​ជន៍ដល់សង្គម-សេដ្ឋកិច្ចកម្ពុជា ហើយស្របតាមគោលនយោបាយរបស់រាជរដ្ឋាភិបាល។

សម្តេចធិបតី ក៏បានណែនាំដល់ក្រសួង-ស្ថាប័នជំនាញពាក់ព័ន្ធ សហការជាមួយក្រុមហ៊ុន ដើម្បីសិក្សាស្វែងរកគម្រោងបន្ថែមទៀត ដែលមានសក្តានុពល ដើម្បីរួមចំណែកលើកកម្ពស់ស្ថិរភាព និងប្រសិទ្ធភាព នៃការផ្គត់ផ្គង់ថាមពលរបស់កម្ពុជា ដូចជា គម្រោងក្នុងវិស័យថាមពលស្អាត ដែលមានចីរភាព និងតម្លៃសមរម្យជាដើម ។ សម្តេចធិបតី សង្ឃឹមយ៉ាងមុតមាំថា ក្រុមហ៊ុននឹងបន្តវិនិយោគ និងផ្តល់កិច្ចសហការនៅក្នុងគម្រោងទាំងនេះ ដែលក្រុមហ៊ុនមានជំនាញ និងមានឧត្តមភាពស្រាប់។

នៅថ្ងៃដដែលនេះ សម្តេចមហាបវរធិបតី ហ៊ុន ម៉ាណែតបានអញ្ជើញជួបពិភាក្សាការងារ ជាមួយ លោក លាំង ហ័រ (Liang Hua) ប្រធាន ក្រុមហ៊ុន Huawei Technology Co., Ltdផងដែរ។

សម្តេចហ៊ុន ម៉ាណែត នាយករដ្ឋមន្ត្រីក៏បានអញ្ជើញជួបពិភាក្សាការងារជាមួយ លោកវិន ស៊ូកាំង (Wen Shugang) ប្រធានក្រុមប្រឹក្សាភិបាល ក្រុមហ៊ុន China Huaneng Group នៅថ្ងៃដដែលផងដែរ។

នាឱកាសដ៏វិសេសវិសាលនេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានអញ្ជើញជួបពិភាក្សាការងារជាមួយ លោក ហាន ស៊ាជុន (Han Xiaojun) ប្រធានក្រុមហ៊ុន SINOMACH Heavy Equipment Group នៅរដ្ឋធានីប៉េកាំង សាធារណរដ្ឋប្រជាមានិតចិនទៀតផង។

លើសពីនេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានគូសបញ្ជាក់ថា រាជរដ្ឋាភិបាលកម្ពុជា ក្រោមការដឹកនាំផ្ទាល់របស់ សម្តេចធិបតី បានត្រៀមលក្ខណៈរួចជាស្រេចក្នុងការសហការ និងសម្របសម្រួលបន្តទៅមុខទៀតជាមួយក្រុមហ៊ុន និងសូមលើកទឹកចិត្តឱ្យក្រុមហ៊ុនCRBC បន្តការវិនិយោគបន្ថែមទៀតនៅកម្ពុជា។

សម្តេចធិបតីលើកឡើងបែបនេះ នៅក្នុងជំនួបជាមួយលោក វ៉ាង តុងជូ (Wang Tongzhou) ប្រធាន ក្រុមហ៊ុនChina Road and Bridge Corporation (CRBC) និងគណៈប្រតិភូក្រុមហ៊ុន ចូលជួបសម្ដែងការគួរសម និងពិភាក្សាការងារ កាលពីល្ងាច ថ្ងៃទី១៤ ខែកញ្ញា ឆ្នាំ២០២៣, នៅរដ្ឋធានីប៉េកាំង សាធារណរដ្ឋប្រជាមានិតចិន។

ក្នុងឱកាសនោះផងដែរ សម្តេចធិបតី ក៏បានណែនាំឱ្យក្រសួង-ស្ថាប័នពាក់ព័ន្ធ បន្តផ្តល់នូវកិច្ចសហការ និងសម្របសម្រួល ដើម្បីធានាឱ្យបាននូវនិរន្តភាពការងារ សំដៅជួយជំរុញឱ្យគម្រោង ដែលកំពុងសិក្សាទាំងនោះអាចបញ្ចប់ និងដាក់ឱ្យដំណើរការក្នុងពេលឆាប់ៗ។

ជាបន្តបន្ទាប់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីបានអនុញ្ញាតឱ្យ លោកវិន ស៊ូកាំង (Wen Shugang) ប្រធានក្រុមប្រឹក្សាភិបាល ក្រុមហ៊ុនChina Huaneng Group និងគណៈប្រតិភូក្រុមហ៊ុន ចូលជួបសម្តែងការគួរសម និងពិភាក្សាការងារផងដែរ៕

ដោយៈ ហ្វីអូណា

        ភ្នំពេញៈ រដ្ឋមន្ត្រី​ក្រសួងសាធារណៈការ និងដឹកជញ្ជូន លោកប៉េង​ ពោធិ៍នា​ បានចុះពិនិត្យគម្រោងធ្វើឱ្យប្រសើរឡើងកំណាត់ផ្លូវជាតិលេខ៥ ព្រែកក្តាម-ធ្លាម្អម ស្ពានវាងក្រុងពោធិ៍សាត់​ និងការកែលម្អបរិស្ថាន និងសណ្តាប់ធ្នាប់លើដីចំណីផ្លូវ ក្នុងខេត្តកំពង់ឆ្នាំង។

លោករដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំគណៈប្រតិភូក្រសួង ចុះត្រួតពិនិត្យគម្រោងកែលម្អបរិស្ថាន និងសណ្តាប់ធ្នាប់លើដីចំណីផ្លូវ មុខសាលារៀនជ្រៃបាក់ ក្នុងខេត្តកំពង់ឆ្នាំង ដែលជាគម្រោងសាកល្បង (Pilot Project) របស់ទីភ្នាក់ងារសហប្រតិបត្តិការអន្តរជាតិជប៉ុន ប្រចាំនៅកម្ពុជា JICA បានបញ្ចប់ការសាងសង់ក្នុងឆ្នាំ២០១៩។បេសកកម្មការងារនេះ បានប្រព្រឹត្តទៅកាលពីថ្ងៃ ទី១៣ ខែកញ្ញា ឆ្នាំ២០២៣។

ការបំពេញបេសសកកម្មការងារ តាមខ្សែផ្លូវជាតិលេខ៥នេះ លោករដ្ឋមន្ត្រី និងគណៈប្រតិភូអមដំណើរ បានចុះពិនិត្យគម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ ភាគខាងត្បូង (ព្រែកក្តាម-ធ្លាម្អម) និងគម្រោងស្ថាបនាស្ពានវាងក្រុងពោធិ៍សាត់ ខេត្តពោធិ៍សាត់ផងដែរ។

គម្រោងធ្វើឱ្យប្រសើរឡើងវិញ កំណាត់ផ្លូវជាតិលេខ៥ ភាគខាងត្បូង​បច្ចុប្បន្ន សម្រេចលទ្ធផលបានជាង៩០%ហើយ ខណៈដែលគម្រោងស្ថាបនាស្ពានវាងក្រុងពោធិ៍សាត់ ដែលជាស្ពានធំមានរហូតដល់ទៅ៤គន្លង (២គន្លងទៅ និង២គន្លងមក) កំពុងត្រូវបានយកចិត្តទុកដាក់ពន្លឿនការស្ថាបនា ដោយរំពឹងថានឹងរួចរាល់ដំណាលគ្នា ជាមួយនឹងគម្រោងពង្រីក និងលើកកម្រិតកំណាត់ផ្លូវជាតិលេខ៥ខាងលើ ដើម្បីសម្រួលដល់ការធ្វើចរាចរណ៍ របស់បងប្អូនប្រជាពលរដ្ឋ និងទេសចរណ៍​ ពិសេសកាត់បន្ថយការកកស្ទះ នៅទីប្រជុំជនក្រុងពោធិ៍សាត់។

សាវតារគម្រោងធ្វើឱ្យប្រសើរឡើងផ្លូវជាតិលេខ៥ (ផ្លូវអាស៊ានហាយវេលេខ១)មាន ប្រវែងផ្លូវ៖ ៣៦៦គីឡូម៉ែត្រ។ ឆ្លងកាត់ខេត្តកណ្តាល កំពង់ឆ្នាំង ពោធិ៍សាត់ បាត់ដំបង និងបន្ទាយមានជ័យ។

ចំណុចចាប់ផ្ដើម៖ ព្រែកក្តាម។ ចំណុចបញ្ចប់ ក្រុងប៉ោយប៉ែត ខេត្តបន្ទាយមានជ័យ- ផ្លូវជាតិដ៏សំខាន់នេះ បែងចែកចេញជា៣កំណាត់។ កំណាត់ទី១ ភាគខាងជើង (បាត់ដំបង-សិរីសោភ័ណ) កំណាត់ទី២ ភាគខាងត្បូង (ព្រែកក្តាម-ធ្លាម្អម) និងកំណាត់ទី៣ ភាគកណ្តាល (ធ្លាម្អម-បាត់ដំបង និងសិរីសោភ័ណ-ប៉ោយប៉ែត) ប្រភេទផ្លូវបេតុងកៅស៊ូ (AC)។ទំហំទឹកប្រាក់គម្រោង ប្រមាណ៥០០លានដុល្លារសហរដ្ឋអាមេរិក។

គម្រោងធ្វើឱ្យប្រសើរឡើងផ្លូវជាតិលេខ៥នេះ នឹងផ្តល់អត្ថប្រ​យោ​ជន៍យ៉ាងធំធេង ដូចជា អាចបង្កើនការនាំចេញ-នាំចូល និងជាផ្លូវមួយប្រកបដោយសក្តានុពលខ្ពស់ សម្រាប់បម្រើវិស័យសេដ្ឋកិច្ចកម្ពុជា ពិសេសអាចកាត់ បន្ថយគ្រោះថ្នាក់ និងការកកស្ទះចរាចរណ៍បានយ៉ាងច្រើន។ លើសពីនេះទៅទៀត ប្រជាពលរដ្ឋតាមដងផ្លូវនេះ នឹងមានជីវភាពកាន់តែល្អប្រសើរ តាមរយៈកំណើននៃការអភិវឌ្ឍ វិនិយោគ និងទេសចរណ៍៕

        ដោយៈ គង់ សូរិយា

        បន្ទាយមានជ័យៈ រដ្ឋមន្រ្តីក្រសួងសាធារណៈការ និងដឹកជញ្ជូនលោកប៉េង ពោធិ៍នា អញ្ជើញពិនិត្យវឌ្ឍនភាពគម្រោង ការងាររៀបចំច្រកទ្វារព្រំដែនអន្តរជាតិស្ទឹងបត់-បានណងអៀន។

គម្រោងរៀបចំច្រកទ្វារអន្តរជាតិស្ទឹងបត់ ស្ថិតនៅភូមិស្ទឹងបត់ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ គម្រោងនេះ បានបើកការដ្ឋានសាងសង់នៅថ្ងៃទី២២ ខែមេសា ឆ្នាំ២០១៩ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុនសែន អតីតនាយករដ្ឋមន្ត្រីនៃកម្ពុជា ដែលមានទំហំទឹកប្រាក់ប្រមាណ២៦,៤២លានដុល្លារអាមេរិក។

ដោយសារមានបញ្ហាការរាតត្បាតនៃជំងឺកូវីដ-១៩ គ្រោះទឹកជំនន់ និងបម្រែបម្រួលការងារមួយចំនួនក្នុងកិច្ចសន្យា នាំឱ្យគម្រោងនេះត្រូវពន្យារពេលសាងសង់ ដោយគិតត្រឹមថ្ងៃទី១៤ ខែកញ្ញា ឆ្នាំ២០២៣នេះ គម្រោងសម្រេចបាន៩១,២៦% ហើយ។

ជាមួយនឹងគម្រោងរៀបចំ ច្រកទ្វារព្រំដែនអន្តរជាតិសម្រាប់ច្រកដឹកទំនិញឆ្លងកាត់ព្រំដែនកម្ពុជា-ថៃ រាជរដ្ឋាភិបាលកម្ពុជាក៏បានស្ថាបនាស្ពានតភ្ជាប់ជាមួយភាគីថៃ ដែលត្រូវបានប្រសិទ្ធនាមថា “ស្ពានមិត្តភាពកម្ពុជា-ថៃ ស្ទឹងបត់-បានណងអៀន”។

ស្ពាននេះមានប្រវែង ៦២០ម៉ែត្រ (ផ្នែកខាងកម្ពុជា២១៥ម៉ែត្រ + ផ្នែកខាងថៃ ៤០៥ម៉ែត្រ) ទទឹង ១៧ម៉ែត្រ ត្រូវបានបើកការដ្ឋាននៅថ្ងៃទី២០ ខែមីនា​ ឆ្នាំ២០១៧ និងបញ្ចប់ការសាងសង់នៅថ្ងៃទី១៥ ខែមករា ឆ្នាំ២០១៩ ក្នុងទំហំទឹកប្រាក់ប្រមាណ ៦៧០លានបាត (ប្រមាណ ១៩លានដុល្លារអាមេរិក)។

ការចុះត្រួតពិនិត្យ លើគម្រោងច្រកទ្វារព្រំដែនអន្តរជាតិនេះ ក្នុងគោលតាមដានវាយតម្លៃ ចំពោះកិច្ចការងារសាងសង់ សំដៅពន្លឿនឱ្យបានរួចរាល់ក្នុងពេលឆាប់ៗ ដើម្បីជាការរួមចំណែកជួយសម្រួលដល់ការធ្វើចរាចរណ៍ ការដឹកជញ្ជូនទំនិញ និងការធ្វើពាណិជ្ជកម្មឆ្លងកាត់ព្រំដែនកម្ពុជា-ថៃ។

គម្រោងរៀបចំច្រកទ្វារព្រំដែនអន្តរជាតិ ស្ទឹងបត់-បានណង​អៀន ជាចក្ខុវិស័យវែងឆ្ងាយ ដើម្បីផ្តល់អត្ថប្រយោជន៍យ៉ាងធំធេងដល់សេដ្ឋកិច្ចជាតិ តាមរយៈការធ្វើពាណិជ្ជកម្មឆ្លងកាត់ព្រំដែន និងការបង្កើតការងារជូនប្រជាពលរដ្ឋ ក៏ដូចជាការសម្រេចឱ្យបានចក្ខុវិស័យរបស់អាស៊ាន ក្នុងការតភ្ជាប់ប្រទេស នៅក្នុងតំបន់អាស៊ានទាំង​មូល (Asean Connectivity) ផងដែរ៕

Cambodia on Thursday exported its first batch of wild aquatic products directly to China, marking another fruitful cooperation between the two countries in the fisheries sector.

Kim Chou Co., Ltd Import Export and International Transportation is the first Cambodian company authorized to export wild aquatic products directly to China.

“This is the first time that Cambodia exports wild aquatic products to China directly, departing from the Sihanoukville Autonomous Port to the Port of Shanghai,” Heng Mengty, export manager of Kim Chou Co., Ltd Import Export and International Transportation, told Xinhua.

In this first shipment, we export two kinds of products, namely frozen eels and frozen freshwater glass shrimps, in a total amount of 10 tons,” he added.Mengty said the shipment is expected to reach Shanghai on Oct. 15 or 16.

He said the products were purchased from fishermen in some provinces around the Tonle Sap Lake, including the provinces of Kampong Thom, Pursat and Siem Reap.

For products’ quality and sanitary standard, we have complied with China’s requirements because we have trained our employees, and Chinese experts have directly controlled the quality,” he said.

“This export will contribute to economic growth, creating jobs for our farmers and fishermen.”

Mengty expressed his sincere thanks to China for granting the direct access of Cambodia’s wild aquatic products to its market, saying that the company is expected to export some 240 tons of wild aquatic products to China per year.Source: Xinhua

ដោយ: គង់ លាងហួរ

ភ្នំពេញ: ក្រុមមន្ត្រីជាន់ខ្ពស់កម្ពុជាបានលើកឡើងថា កិច្ចព្រមព្រៀង ភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) បានផ្តល់អត្ថប្រយោជន៍ ដល់សមាគមប្រជាជាតិអាស៊ីអាគ្នេយ៍ ឬហៅកាត់ថាអាស៊ានទាំងមូល។

លោកបណ្ឌិតសុខ ស៊ីផាន់ណា ទេសរដ្ឋមន្ត្រីទទួលបន្ទុកបេស​កកម្មពិសេសបានថ្លែងនៅក្នុងបាឋកថា ជូនទៅកាន់មន្ត្រីនៅក្រសួងព័ត៌មានថា “ដោយគ្របដណ្តប់លើចំនួន ប្រជាជនសរុបចំនួន២,៣ពាន់លាននាក់ RCEP បានបង្កើតទីផ្សារដ៏ធំមួយសម្រាប់អាស៊ាន”។លោកបានបន្តទៀតថា “RCEP បានក្លាយជាប្លុកដ៏រឹងមាំមួយសម្រាប់ការជំរុញឱ្យមានសេរីភាវូបនីយកម្ម ពាណិជ្ជកម្មបន្ថែមទៀតនៅក្នុងតំបន់អាស៊ីប៉ាស៊ីហ្វិក”។លោក សុខ ស៊ីផាន់ណា “បានបញ្ជាក់ថា កិច្ចព្រមព្រៀងពាណិជ្ជកម្មសេរីនេះ បានដើរតួនាទីយ៉ាងសំខាន់ ក្នុងការប្រឆាំងនឹងលទ្ធិឯកតោភាគី និងលទ្ធិគាំពារនិយម”។

លោកបានមានប្រសាសន៍ថា សម្រាប់ប្រទេសកម្ពុជា ការវិនិ​យោ​គហេដ្ឋារចនាសម្ព័ន្ធរឹង ក្រោមគំនិតផ្តួចផ្តើមខ្សែក្រវាត់ និងផ្លូវ បានធ្វើឱ្យសេដ្ឋកិច្ចរបស់ខ្លួន កាន់តែមានភាពប្រកួតប្រជែង និងទទួ​លបានអត្ថប្រយោជន៍ជាច្រើន ដែលកើតចេញពីការទទួលបានទីផ្សារកាន់តែធំតាមរយៈកិច្ចព្រមព្រៀងពាណិជ្ជកម្មសេរី RCEP ។

រដ្ឋមន្ត្រីក្រសួងព័ត៌មាន លោក នេត្រ ភក្ត្រា បានមានប្រសាសន៍ថា RCEP បានដើរតួនាទីយ៉ាងសំខាន់ ក្នុងការពន្លឿនការងើបឡើងវិញនៃសេដ្ឋកិច្ចក្នុងតំបន់ ក្នុងយុគសម័យក្រោយជំងឺរាតត្បាតកូវីដ-១៩។លោករដ្ឋមន្ត្រីបានបន្តថា “កិច្ចព្រមព្រៀងពាណិជ្ជកម្មដ៏ធំនេះ នឹងជួយកម្ពុជា ឱ្យសម្រេចបាននូវគោលដៅរបស់ខ្លួន ក្នុងការក្លាយជាប្រទេសដែលមានប្រាក់ចំណូល មធ្យមកម្រិតខ្ពស់នៅឆ្នាំ២០៣០ និងជាប្រទេស ដែលមានប្រាក់ចំណូលខ្ពស់នៅឆ្នាំ២០៥០”។លោក នេត ភក្ត្រា បានបន្ថែមថា RCEP បានបង្ហាញឱ្យឃើញយ៉ាងច្បាស់អំពីភាពជោគជ័យ នៃពហុភាគីនិយម និងការប្តេជ្ញាចិត្តឥតងាករេរបស់តំបន់អាស៊ីប៉ាស៊ីហ្វិក ក្នុងការលើកកម្ពស់ពាណិជ្ជកម្មសេរី។

ចំណែកលោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិតសភាកម្ពុជា បានមានប្រសាសន៍ថា RCEP បានចូលរួមចំណែក ដល់ស្ថិរភាពសេដ្ឋកិច្ចរបស់សមាជិករបស់ខ្លួន ជាពិសេសស្របពេល ដែលមានវិបត្តិសេដ្ឋកិច្ចពិភពលោក និងភាពមិនប្រាកដប្រជា។លោកបានបន្តថា “RCEP មានសក្តានុពលដ៏អស្ចារ្យ ក្នុងការបង្កើតអត្ថប្រយោជន៍ ជាក់ស្តែងសម្រាប់សមាជិកទាំងអស់របស់ខ្លួន ហើយតំបន់អាស៊ាន នឹងទាញយកអត្ថប្រយោជន៍ រយៈពេលវែងពីកិច្ចព្រមព្រៀងពាណិជ្ជកម្មនេះ តាមរយៈការធ្វើសមាហរណកម្មបន្ថែមទៀតចូលទៅក្នុងខ្សែសង្វាក់ផ្គត់ផ្គង់ពិភពលោក”។

លោកបណ្ឌិត គិន ភា បានបន្តទៀតថា RCEP ក៏នឹងជួយអាស៊ាន ក្នុងការបង្រួមគម្លាតអភិវឌ្ឍន៍ រវាងប្រទេសសមាជិកអ្នកមាន និងប្រទេសក្រីក្រផងដែរ។លោក​បាន​បន្ថែមថា​ “ខ្ញុំ​ជឿ​ជាក់ថា RCEP នឹង​ជួយ​ប្រែក្លាយ​តំបន់​អាស៊ាន​ទៅ​ជា​ក្បាលម៉ាស៊ីន​ថ្មី​ នៃ​កំណើន​នៅ​តំបន់អាស៊ី​”៕

ភ្នំពេញៈ ​ម៉ាស៊ីន​សម្អាត​ធូលី Eco-dust ជំនា​ន់ទី ១ (ECM-1) ដែល​បង្កើតឡើង​ដោយ​សិស្ស​៣នាក់ ​មកពី​អនុវិទ្យាល័យ ហ៊ុន សែន សេរី​ភាព កំពុង​ទទួល​បានការ​ចាប់អារម្មណ៍​ ពី​សហគមន៍​មូលដ្ឋាន និង​វិស័យ​អប់រំ​។​

ECM-1 ត្រូវបាន​រចនា​ឡើង​ដើម្បី​បដិវត្តន៍​វិធី ​ដែល​មនុស្ស​សម្អាត​ទីសាធារណៈ​។ គម្រោង​ច្នៃប្រឌិត​ថ្មី​នេះ ផ្តួចផ្តើម​ដោយ​សិស្ស STEM (​វិទ្យាសាស្ត្រ បច្ចេកវិទ្យា វិស្វកម្ម និង​គណិតវិទ្យា​) ​ដែល​យុវជន​​ទាំងនេះ បាន​រួមគ្នា​ដោះស្រាយ​បញ្ហា​ក្នុងជីវិត​រស់​នៅ​ប្រចាំ​ថ្ងៃ​។​

យុវតី ទ្រី សូលី​ដែត ជា​សិស្ស​ម្នាក់​ដែល​អភិវឌ្ឍម៉ាស៊ីន​បោស​ធូលី​ ECM-1 បាន​ចែករំលែក​ក្តីរំភើប ​​អំពី​ភាពជោគជ័យ​របស់​គម្រោង​នេះ​ថា​ “មើលទៅ​ វា​មិន​អស្ចារ្យ​ទេ​ ប៉ុន្ដែ​សម្រាប់​ខ្ញុំ វា​ពិត​ជា​អស្ចារ្យ​មែន​ទែន​ ដោយសារ​វា​ជា​សមិទ្ធផល​ជា​ក្រុម​ ដែល​អាច​ធ្វើ​ឱ្យ​ចេញ​ជា​រូប​បែប​នេះ​”។

ការអប់រំ STEM ដើរតួនាទី​យ៉ាងសំខាន់ ​ក្នុងការ​សម្រេចបាន​​គោលដៅ​ទាំងនេះ ដូចដែលយុវជន​ រី​ម ប៉េង​ហុង សិស្ស​ម្នាក់​ទៀត​ដែល​ចូលរួម​ក្នុង​គម្រោង ECM-1 បានកត់សម្គាល់​។​

យុវជនប៉េងហុង​ បាន​និយាយថា “យើងអាច​​រៀនទ្រឹស្ដី​ផង និង​​អនុវត្ដផង​​។ យើង​អាច​ប្រើ​ប្រាស់​ទ្រឹស្ដី​មក​ផ្គុំ​ចូល​គ្នា ​ដើម្បី​ផលិត​ជា​ម៉ាស៊ីន​ផ្សេងៗជា​ច្រើន​ទៀត”។

គម្រោង​ច្នៃប្រឌិត​ថ្មី​នេះ​ គឺជា​ផ្នែក​មួយ​នៃ​គំនិត​ផ្តួចផ្តើម​ទូលំទូលាយ​ ដែល​គាំទ្រ​ដោយ​ធនាគារអភិវឌ្ឍន៍អាស៊ី (ADB) ក្រោម​កម្មវិធី​អភិវឌ្ឍន៍​វិស័យ​អប់រំ កម្រិត​មធ្យមសិក្សា​ទុតិយភូមិ​របស់ខ្លួន​។​

អ្នក​ស្រី Jyotsana Varma នាយិកា​ប្រចាំ​ប្រទេស​របស់ ADB ប្រចាំ​បេសកកម្ម​នៅ​ប្រទេស​កម្ពុជា បាន​ពន្យល់ថា កម្មវិធី​ទាំងនេះ​មាន​គោលបំណង ​លើកកម្ពស់​គុណភាព និង​ភាព​ពាក់ព័ន្ធ​នៃ​ការអប់រំ​មធ្យមសិក្សា ជាពិសេស​ក្នុង​វិស័យ STEM។​

អ្នកស្រីVarma បាន​និយាយថា ​​កម្មវិធី​ក៏​គាំទ្រ​ដល់​ការណែនាំ​អំពី​អាជីព ភាពជា​ដៃគូ​របស់​សាលា ​ជាមួយ​ឧស្សាហកម្ម​ក្នុងស្រុក ការធ្វើឱ្យ​ប្រសើរឡើង​នូវ​គុណវុឌ្ឍិ និង​សមត្ថភាព​សម្រាប់​គ្រូបង្រៀន STEM និង​ការផ្តល់​ធនធាន​សិក្សា​ សម្រាប់​ការរៀន​ប្រកបដោយ​ភាព​ច្នៃប្រឌិត និង​ការអនុវត្ត​។​

នេះ​ស្របតាម​យុទ្ធសាស្ត្រ​របស់​រដ្ឋាភិបាល​កម្ពុជា ​ក្នុងការ​អភិវឌ្ឍ​កម្លាំង​ពលកម្ម ​ផ្អែកលើ​ចំណេះដឹង និង​បច្ចេកវិទ្យា ដើម្បី​បំពេញ​តម្រូវការ​នៃ​សេដ្ឋកិច្ច​ដែល​កំពុង​វិ​វឌ្ឍ​។​

ការអប់រំ STEM ក៏មាន​សារៈសំខាន់​ផងដែរ ក្នុង​ការជំរុញ​សេដ្ឋកិច្ច​ ដែល​កំពុង​វិវឌ្ឍ​យ៉ាង​ឆាប់រហ័ស​របស់​ប្រទេស និង​ពង្រឹងសមត្ថភាព​ប្រកួតប្រជែង​ នៃ​កម្លាំង​ពលកម្ម ​សម្រាប់​ការផ្លាស់ប្តូរ​ឧស្សាហកម្ម​។​

អ្នកស្រីVarma បានបញ្ជាក់ថា កម្មវិធី​ដែល​ផ្តល់​មូលនិធិ​ដោយ ADB នៅ​កម្ពុជា គឺ​ស្របតាម​អាទិភាព​ទាំងនេះ ក៏ដូចជា​យុទ្ធសាស្ត្រ​របស់ ADB ឆ្នាំ ២០៣០​ ទាក់ទង​នឹង​ការដោះស្រាយ​ភាពក្រីក្រ​ ដែល​នៅ​សេសសល់ កាត់បន្ថយ​វិសមភាព និង​កា​រព​ន្លឿ​ន​វឌ្ឍនភាព​។​

ប្រែក្លាយ​គំនិត​ទៅជា​ការពិត​​

លោកថុល ចាន់ថន ជា​គ្រូបង្រៀន​ផ្នែក STEM និង​គណិតវិទ្យា​ថ្នាក់​ទី​១២ នៅ​វិទ្យាល័យហ៊ុន សែន សេរី​ភាព បាន​ដើរតួនាទី​យ៉ាងសំខាន់ ​ក្នុងការ​ណែនាំ​សិស្ស​តាមរយៈ​គម្រោង​នេះ​។

លោក​បាន​សង្កត់ធ្ងន់​លើ​សារៈសំខាន់​ នៃ​សិស្ស​ក្នុង​ការកំណត់​បញ្ហា​ និង​ការដោះស្រាយ​បញ្ហា​ប្រឈម​ ដែល​ពួកគេ​រកឃើញថា​ពាក់ព័ន្ធ​ផ្ទាល់ខ្លួន​។​

លោកបញ្ជាក់ថា “ពួកគេ​ផ្តួច​ផ្តើមគំនិត ​ដើម្បី​ដោះស្រាយ​បញ្ហា​ផ្ទាល់ខ្លួន​។ យើង​ជួយ​ពួកគេ​នូវ​អ្វី ដែល​ពួកគេ​កំពុង​ជួប​បញ្ហា​ ដូច​ជាការ​ផ្សារ​ដែក​ដែល​អាចមាន​គ្រោះថ្នាក់​”។​

ការ​រចនាម៉ាស៊ីន​ ECM-1 ប្រហាក់ប្រហែល​នឹង​រថយន្ត​អគ្គិសនី​តូច​មួយ ជាមួយនឹង​ការបន្ថែម​ប្រព័ន្ធបោស​សម្អាត​ ស្រដៀង​ទៅនឹង​ភ្ជួរ​រាស់​។​

សមត្ថភាព​បោសសម្អាត​របស់​វា​លើសពី​ធូលី​ដី ព្រោះ​វា​អាច​ប្រមូល​ស្លឹកឈើ​ជ្រុះ និង​ទម្រង់​ផ្សេងៗ​នៃ​ការ​ទុកដាក់​សំរាម ​ប្រកប​ដោយ​ប្រសិទ្ធភាព ធ្វើឱ្យ​វា​ក្លាយជា​ដំណោះស្រាយ​ដ៏​សម្បូរបែប និង​ជាក់ស្តែង​ សម្រាប់​ការថែរក្សា​កន្លែង​សាធារណៈ​ឱ្យ​ស្អាត ដូចជា​ច្រករបៀង និង​ផ្លូវ​។​

លោកបានបង្ហាញអំពី​អត្ថប្រយោជន៍​ នៃ​គម្រោង​សម្រេច​លទ្ធផល​ដែល​ចំណាយ​ពេល៣ខែ​​ថា “​ផលិតផល​ខ្លះ​ យើង​ធ្វើ​រួច​ហើយ តែមិន​អាច​ប្រើ​ប្រាស់​ក្នុង​ជីវភាព​ប្រចាំ​ថ្ងៃ​បាន ប៉ុន្ដែ​ម៉ាស៊ីន​បោស​សម្អាត​ដី​នេះ យើង​អាច​ប្រើ​វា​រាល់​ថ្ងៃ​បាន”៕

បំផុសគំនិត​អ្នក​ច្នៃប្រឌិត​នាពេល​អនាគត​​
គម្រោងម៉ាស៊ីន​បោស​ធូលី​ECM-1 ដើរតួ​ជាការ​បំផុសគំនិត​សម្រាប់​និស្សិត STEM ជំនាន់​ក្រោយ​។

យុវតី ថន ស្រី​និ​ច សមាជិក​ម្នាក់ទៀត​ នៃ​ក្រុម​បាន​លើកទឹកចិត្ត​អ្នក​ច្នៃប្រឌិត ​ដែលមាន​សេចក្តីប្រាថ្នា​ កុំ​បោះបង់​គំនិត​របស់​ពួកគេ និង​ស្វែងរក​កិច្ចសហការ​នៅពេល​ចាំបាច់​។​

កញ្ញាស្រី​និ​ច បាន​និយាយថា “នៅពេល​យើង​ចង់​ធ្វើ​អ្វីមួយ​ យើង​ត្រូវ​តែ​ធ្វើ​វា ទោះបីជា​វា​លំបាក​យ៉ាង​ណា​ក៏​ដោយ។ ធ្វើ​វា​ឱ្យ​បាន ហើយ​ពេល​បាន​លទ្ធផល យើង​ចង់​ធ្វើ​វា​ទៀត”៕

ដោយៈ ស៊ីវ ម៉េង

        ភ្នំពេញៈ លោកឧកញ៉ាបណ្ឌិតគីម ហ៊ាងប្រធានKW Cambodiaនិងជាអ្នកអភិវឌ្ឍន៍បុរីវិមានសំណាង បានរៀបចំអាហារថ្ងៃត្រង់ជាមួ​យថ្នាក់ដឹកនាំក្រុមហ៊ុន ភ្នាក់ងារអចលនវត្ថុនានា ដើម្បីរំលឹកពីចំណងមិត្តភាព ភាតរភាព និងកិច្ចសហប្រតិបត្តិការនានា។

លោកឧកញ៉ាបណ្ឌិតគីម ហ៊ាងបានចាប់ផ្តើមអាជីពពីភ្នាក់ងារលក់អចលនវត្ថុសាមញ្ញមួយរូប និង​បានក្លាយជាអ្នកអភិវឌ្ឍន៍ដ៏ជោគ​ជ័យមួយរូបលើវិស័យលំនៅដ្ឋាន។
លោកឧកញ៉ាបានមានប្រសាសន៍ឲ្យដឹង បន្ទាប់ពីទទួលទានអាហារថ្ងៃត្រង់រួមគ្នា កាលពីថ្ងៃម្សិលម៉ិញថា លោកបានអភិវឌ្ឍន៍បុរីKS Residence និងបុរីវិមានសំណាង ដើម្បីរួមចំណែកអភិវឌ្ឍន៍វិស័យនេះ ក៏ដូចជាចូលរួមចំណែក ក្នុងការលើកកំពស់សេដ្ឋកិច្ចសង្គម។លោកបន្តថា ជាមួយមិត្តភ័ក្កក្នុងវិស័យនេះ ដែលជាសមាជិកសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា យើងអាចសហការគ្នាបានក្នុងការលក់គំរោងបុរីKS Residence និងបុរីវិមានសំណាងដោយឈរលើគោលការណ៍ឈ្នះ ឈ្នះទាំងអស់គ្នា។

លោកឧកញ៉ាបណ្ឌិតបានបន្តថា “ក្នុងការអភិវឌ្ឍវិស័យនេះទាម​ទារឲ្យយើងធ្វើការរួមគ្នា និងសហការគ្នា ដើម្បីជម្រុញការរីកចម្រើនវិស័យនេះប្រកបដោយទំនុកចិត្ត និងមាននិរន្តរភាព”៕

ដោយ: គង់ លាងហួរ

ប៉េកាំង: ប្រទេសចិនបានជំរុញឱ្យភាគីជប៉ុន ពង្រឹងការសន្ទនា និងរួមគ្នា ជំរុញទំនាក់ទំនងប្រកបដោយភាពស្ថាបនា និងស្ថិរភាពរវាងប្រទេសទាំង២ បន្ទាប់ពីនាយករដ្ឋមន្រ្តីជប៉ុន លោក Fumio Kishida បានរុះរើគណៈរដ្ឋមន្ត្រីចាស់របស់លោក។

សមាជិកសភាស្ត្រីជើងចាស់ គឺលោកស្រីYoko Kamikawa ត្រូវបានតែងតាំងជារដ្ឋមន្ត្រី ការបរទេសថ្មីរបស់ប្រទេសជប៉ុន ជំនួសឱ្យលោកYoshimasa Hayashi។

ទាក់ទិននឹងរឿងនេះ អ្នកនាំពាក្យក្រសួងការបរទេសចិន លោកស្រី Mao Ning បានលើកឡើងថា “ការរក្សាបាននូវការអភិវឌ្ឍប្រកបដោយសុខភាពល្អ និងស្ថិរភាពនៃទំនាក់ទំនងទ្វេរភាគី គឺជាផលប្រយោជន៍រួមរបស់ប្រទេសទាំងពីរ និងសម្រាប់តំបន់”។

ជាមួយគ្នានេះ លោកស្រី Mao Ning ក៏បានសង្កត់ធ្ងន់លើសារៈសំខាន់ ក្នុងការការគ្រប់គ្រងឱ្យបាននូវជម្លោះ និងការខ្វែងគំនិតគ្នារវាងប្រទេសទាំង២ផងដែរ។

ទំនាក់ទំនងទ្វេរភាគី រវាងប្រទេសមហាអំណាចទាំង២ នៅតែមានភាពតានតឹងនឹងគ្នា ដោយនាពេលថ្មីៗនេះ ប្រទេសជប៉ុនបានបញ្ចេញទឹកវិទ្យុសកម្ម ពីរោងចក្រនុយក្លេអ៊ែរ Fukushima ចូលទៅក្នុងសមុទ្រ។

លើសពីនេះ ទីក្រុងប៉េកាំងក៏បង្ហាញក្តីព្រួយបារម្ភផងដែរ ជុំវិញការគាំទ្ររបស់ទីក្រុងតូក្យូ ចំពោះកោះតៃវ៉ាន់ ដែលជាដែនកោះគ្រប់គ្រងដោយរបបប្រជាធិបតេយ្យ ខណៈទីក្រុងប៉េកាំងបន្តចាត់ទុកដែនកោះនេះ ជាទឹកដីអធិបតេយ្យភាពរបស់ខ្លួន។ទោះជាយ៉ាងនេះក្តី លោក Minoru Kihara ដែលទើបត្រូវបានតែងតាំងជារដ្ឋមន្ត្រីការពារជាតិថ្មី របស់ប្រទេសជប៉ុន មានគោលបំណងលើកកម្ពស់ទំនាក់ទំនងជាមួយដែនកោះតៃវ៉ាន់៕