ដោយៈ ជេស៊ីកា
ភ្នំពេញៈ ក្រុមហ៊ុនអចលនទ្រព្យដ៏ធំមានមូលដ្ឋាន នៅទីក្រុងហុងកុង បាននិងកំពុងឈានជើងចូលទីផ្សារកម្ពុជា ដោយបាននិងកំពុងបោះទុនរាប់រយលានដុល្លារ ដើម្បីសាងសង់បុរីដ៏ធំមួយនៅកម្ពុជា។
ក្រុមហ៊ុននេះមានឈ្មោះJOVAN ដែលបាននិងកំពុងរៀបចំផែនការ និងសាងសង់បុរីថ្មីមួយ ដែលមានឈ្មោះJOVAN CITY ស្ថិតនៅតំបន់ពហុកីឡដ្ឋានមរតកតេជោ ស្ថិតនៅតាមបណ្តោយផ្លូវជាតិលេខ៦អា។
បុរីនេះ នឹងសាងសង់លើផ្ទៃដីទំហំ១៣១ហិកតា ដែលនឹងផ្តល់នូវទស្សនទាននៃការអភិវឌ្ឍន៍ថ្មី និងទំនើបមួយនៅកម្ពុជា ពិសេសគំរោងវិនិយោគនេះ ផ្តោតលើផ្ទះវីឡាចំនួន៤ប្រភេទប៉ុណ្ណោះ។
តាមប្រភពព៌តមានច្បាស់ការណ៍មួយបានឲ្យដឹងថា ក្រុមហ៊ុនJOVAN ជាក្រុមហ៊ុនអភិវឌ្ឍន៍ដ៏ធំ និងជាក្រុមហ៊ុនដែលបានចុះបញ្ជីរ នៅផ្សារហ៊ុនទីក្រុងហុងកុង៕
