មហាយក្សចិនបាញ់បង្ហោះផ្កាយរណបថ្មីចំនួន១៦បន្ថែមទៀតដោយជោគជ័យនៅថ្ងៃពុធ នេះ

ដោយ៖ សុខុម

ប៉េកាំង: មហាយក្សចិន នៅថ្ងៃពុធ ទី១០ ខែសីហា នេះបានបាញ់បង្ហោះផ្កាយរណបថ្មីៗចំនួន១៦បន្ថែមទៀតចូលទៅក្នុងលំហអាកាសពីមជ្ឈមណ្ឌលបាញ់បង្ហោះផ្កាយរណបក្រុងថៃយ័ន (Taiyuan Satellite Launch Center) ក្នុងខេត្តភាគខាងជើងសានស៊ី (Shanxi)។

យោងតាមការចុះផ្សាយរបស់ទីភ្នាក់ងារព័ត៌មាន Xinhua ឱ្យដឹងថា ផ្កាយរណបទាំងនេះដែលរួមមានទាំងផ្កាយរណប Jilin-1 Gaofen 03D09 និងផ្កាយរណប Yunyao-1 04-08 ផងដែរត្រូវបានបាញ់បង្ហោះដោយយានរ៉ុក្កែត Long March-6 នៅវេលាម៉ោង ១២ និង ៥០ នាទីថ្ងៃត្រង់ ម៉ោងនៅប៉េកាំង។