ដោយៈ គង់ សូរិយា
ព្រះសីហនុៈ រាជរដ្ឋាភិបាលបានដាក់ចេញយន្តការ លើកទឹកចិត្តជាកញ្ចប់រួចហើយ លើម្ចាស់គំរោងអគារ ឬសំណង់លំនៅដ្ឋាននៅ ក្រុងព្រះសីហនុ។
យោងតាមលិខិតលេខ៣៥៦ ស ជ ណ ហ ធចុះថ្ងៃទី២៩ មិនាឆ្នាំ២០២៣របស់ទីស្តីការគណៈរដ្ឋមន្រ្តី បោះត្រានិងស៊ីញ៉េដោយបណ្ឌិតហ៊ីង ថូរ៉ាក់ស៊ីបានឲ្យដឹងថា រដ្ឋាភិបាលបានបែងចែកគំរោង១ គំរោង២ គំរោង៣ និងគំរោង៤ សម្រាប់អាគារឬសំណង់លំនៅដ្ឋានជាប់គាំងនៅខេត្តព្រះសីហនុ។
ឯកសារនេះបានបង្ហាញថា គំរោង១ និងគំរោង២ ដែលបានសាងសង់ចន្លោះឆ្នាំ២០១៦ ដល់ឆ្នាំ២០២០ មិនទាន់បានសាងសង់បញ្ចប់ នឹងទទួលបានបញ្ចប់រហូតដល់បច្ចុប្បន្ន នៅក្នុងខេត្តព្រះសីហនុ។ អាគារឬគំរោងដែលមានទុនវិនិយោគ ចាប់ពី១លានដុល្លារអាមេរិក។ ម្ចាស់គំរោងបង្ហាញពីធនធានគ្រប់គ្រាន់ ក្នុងការសាងសង់បញ្ចប់ និងអនុវត្តន៍គំរោងវិនិយោគ និងត្រូវមានប្លង់មេ និងផែនការវិនិយោគច្បាស់លាស់ នឹងទទួលបានការលើកលែងពន្ឋប្រថាប់ត្រា ចំពោះការផ្ទេរកម្មសិទ្ឋ សិទ្ឋកាន់កាប់អចលនទ្រព្យ ក្នុងចន្លោះឆ្នាំ២០២៣ ទៅឆ្នាំ ២០២៥។
ទទួលបានការលើកទឹកចិត្តៈ ពន្ឋអចលនទ្រព្យប្រចាំឆ្នាំ ជាបន្ទុករបស់រដ្ឋ ចាប់ពីឆ្នាំ២០២០ ដល់ឆ្នាំ២០២៥ សម្រួលលើការផ្តល់លិខិតអនុញ្ញាត្តសាងសង់ ឲ្យស្របតាមនិតិវិធីជាធរមាន៕
