ដោយៈ គង់ ម៉ាលីនណា
ភ្នំពេញៈ ក្រសួងសាធារណៈការ និងដឹកជញ្ជូនបានបង្ហាពីទិដ្ឋភាព និងស្ថានភាពកំណាត់ផ្លូវជាតិលេខ៧ ឆ្នាំ១៩៩៥ និង ឆ្នាំ២០២៤(ត្បូងឃ្មុំ-ស្ទឹងត្រែង)។
តាមរយៈផេកផ្លូវការរបស់ក្រសួងសាធារណៈការ បានបង្ហាញឲ្យដឹងថា កំណាត់ផ្លូវជាតិលេខ៧ មានប្រវែង១៩៨,១០គីឡូម៉ែត្រ ដែលមានចំណុចចាប់ផ្ដើមពី ព្រំប្រទល់ខេត្តត្បូងឃ្មុំ-ក្រចេះ (ស្ពានជ្រីវ) និងចំណុចបញ្ចប់ ព្រំប្រទល់ខេត្តក្រចេះ-ស្ទឹងត្រែង (អូរច្រឡង់)។
កំណាត់នេះនេះជាប្រភេទផ្លូវ កម្រាលកៅស៊ូAC ត្រូវបានចាប់ផ្ដើមស្ដារឡើងវិញនៅ ថ្ងៃទី១ ខែមិថុនា ឆ្នាំ២០១៨។
តើផ្លូវនេះមានអត្ថប្រយោជន៍បែបណា? ផ្លូវជាតិលេខ៧ បាននិងកំពុង ផ្តល់អត្ថប្រយោជន៍យ៉ាងធំធេង ដល់សេដ្ឋកិច្ចជាតិ និងសេដ្ឋកិច្ចគ្រួសារ តាមរយៈការសម្រួល ដល់ការធ្វើដំណើររបស់បងប្អូនប្រជាពលរដ្ឋ ភ្ញៀវទេសចរ និងការដឹកជញ្ជូនទំនិញ ឬកសិផលគ្រប់ប្រភេទ៕
