ដោយ វុត្ថា
រវៀតណាម៖ ដ្ឋាភិបាលតាមរយៈក្រសួងរៀបចំសំណង់វៀតណាម បានបញ្ជាឱ្យអជ្ញាធរគ្រប់ខេត្តក្រុងធ្វើរបាយការណ៍ឱ្យបានពិស្តារជុំវិញទំហំលំនៅដ្ឋានកម្មសិទ្ធរបស់ជនបរទេសដែលកំពុងរស់នៅក្នុងប្រទេសរបស់ខ្លួន។
សារព័ត៌មានវៀតណាមបានចុះផ្សាយកាលពីពេលថ្មីៗនេះ បានឱ្យដឹងថា ក្រសួងធ្វើបែបនេះ គឺ ដើម្បីទទួលបានព័ត៌មានជាក់លាក់សម្រាប់ធ្វើការវាយតម្លៃ និងអនុវត្តគោលនយោបាយជនបរទេសលើបុគ្គលម្នាក់ៗ និងជនជាតិវៀតសញ្ជាតិបរទេស (ជនជាតិវៀតណាមនៅក្រៅប្រទេស) ទិញនិងធ្វើជាម្ចាស់ផ្ទះនៅក្នុងប្រទេស។
-->
សារព័ត៌មានវៀតណាមដដែលបានកត់សម្គាល់ថា បច្ចុប្បន្នក្រសួងកំពុងអភិវឌ្ឍគម្រោងមួយដែលទាក់ទងទៅនឹងការធ្វើឱ្យប្រសើរឡើងនៃសន្តិសុខសេដ្ឋកិច្ចនៅក្នុងវិស័យលំនៅដ្ឋាន និងវិស័យអចលនទ្រព្យនៅក្នុងប្រទេស។ របាយការណ៍ដែលត្រូវស្នើឡើនេះ នឹងគ្របដណ្តប់ព័ត៌មានស្តីពីចំនួនជនបរទេសដែលរួមទាំងជនជាតិវៀតណាមសញ្ជាតិបរទេសដែលជាម្ចាស់លំនៅឋាននៅក្នុងខេត្ដឬទីក្រុងនានា។
ជាមួយគ្នានោះ ក៏កំណត់ទីតាំងជាក់លាក់និងប្រភេទអចលនទ្រព្យដែលត្រូវបានទទួលដោយជនបរទេសមុននិងក្រោយច្បាប់លំនៅដ្ឋានត្រូវបានប្រកាសឱ្យប្រើ។របាយការណ៍នេះក៏នឹងកំណត់អត្តសញ្ញាណគម្រោងលំនៅដ្ឋានដែលមិនអនុញ្ញាតឱ្យជនបរទេសធ្វើជាកម្មសិទ្ធិផងដែរ។
ច្បាប់លំនៅឋានបានបន្ធូរបន្ថយច្បាប់កម្មសិទ្ធលើលំនៅឋានដែលត្រូវបាអនុវត្តក្នុងឆ្នាំ ២០១៤ ដែលអនុញ្ញាតឱ្យជនបរទេសដែលមានទិដ្ឋាការចូលដើម្បីទិញលំនៅឋាសន និងវិនិយោគលើវិស័យអចលនទ្រព្យនៅក្នុងប្រទេសវៀតណាម។
សារព័ត៌មានវៀតណាមបានចុះផ្សាយទៀតថា ជនបរទេសជាង ៨០០ នាក់បានទទួលវិញ្ញាបនបត្រធ្វើជាម្ចាស់ផ្ទះនៅឆ្នាំ ២០១៧ ដោយដកស្រង់ពីតួលេខពីនាយកដ្ឋានគ្រប់គ្រងលំនៅដ្ឋាននិងអចលនទ្រព្យ។
យោងតាមរបាយការណ៍របស់ក្រុមហ៊ុន CBRE ប្រចាំនៅវៀតណាមបានបង្ហាញថា ជនជាតិចិនមានចំនួន ៣១ ភាគរយបានទិញលំនៅដ្ឋាននៅទីក្រុងហូជីមិញក្នុងរយៈពេលប្រាំបួនខែដំបូងនៃឆ្នាំ ២០១៨ ដោយជនជាតិកូរ៉េខាងត្បូងមានចំនួន ១៩ ភាគរយ ហុងកុង ១០ ភាគរយ និងជនជាតិអាមេរិក ៣ ភាគរយ ៕
