ដោយ រ៉ាណេត
ភ្នំពេញ ៖ ក្រុមហ៊ុន Century21 ដែលជាសមាជិកនៃក្រុមគ្រួសារ Century21 Cambodia បាទទួលពានរង្វាន់ចំនួន៨ពីសហរដ្ឋអាមេរិកទៅលើស្នាដៃខុសៗគ្នាដែលពួកគេសម្រេចបាន។
យោងតាមសេចក្ដីប្រកាសព័ត៌មានរបស់ក្រុមហ៊ុន Century21 Cambodia កាលពីថ្ងៃទី៣០ ខែមីនា ព្រឹកមិញនេះថា ក្រុមហ៊ុន Century21 ដែលទទួលបានពានរង្វាន់ចំនួន៨នោះរួមមាន ៖
1. Century21 Imperial Realty
2. Century21 Mekong
3. Century21 Dream Property
4. Century21 Golden Realty
5. Century21 Land Station
6. Century21 Advanced Property
7. Century21 Regent Realty
8. Century21 Fuji Realty
សមិទ្ធផល និងការជោគជ័យនេះត្រូវបានទទួលស្គាល់ដោយ CENTURY 21 Real Estate LLC HQ (សម្រាប់ពានរង្វាន់ International Award 2018) ការិយាល័យទាំងនេះ បានរក្សា និងប្តេជ្ញាចិត្តបម្រើសេវាកម្មដ៏ល្អជាកញ្ចប់ដល់អតិថិជនចាស់ និងអតិថិជនថ្មីជានិច្ច។
មន្ត្រីតំណាងក្រុមហ៊ុន Century21 Cambodia បានលើកឡើងថា ស្របពេលដែលសេដ្ឋកិច្ចកម្ពុជា កំពុងតែមានការរីកចម្រើន បានធ្វើឱ្យក្រុមហ៊ុនអន្តរជាតិធំៗជាច្រើនងាកមកចាប់អារម្មណ៍ធ្វើការវិនិយោគនៅក្នុងប្រទេសមួយនេះ ជា ពិសេសនៅក្នុងឆ្នាំ២០១៩នេះ នឹងរីកលូតលាស់កាន់តែប្រសើរ ដោយមានលំហូរចូលនូវក្រុមហ៊ុនជប៉ុនចំនួន៥ធំៗទៀត ។
ក្នុងនាមជាក្រុមហ៊ុន និងជាស្ថាប័នឯកជន CENTURY 21 Cambodia នឹងនៅតែបន្តការគាំទ្រយុទ្ធសាស្រ្ត និងគោលនយោបាយរបស់រដ្ធាភិបាលឱ្យមានលំហូរចូលការវិនិយោគបរទេសកាន់តែច្រើនដល់ប្រទេសកម្ពុជា ដោយបានផ្ដល់ឱកាសការងារធ្វើកាន់តែច្រើនដល់យុវជនកម្ពុជាបន្ថែមទៀត៕
