ដោយៈ គង់ សូរិយា
ភ្នំពេញៈ គិតត្រឹមឆ្នាំ 2024រាជធានីភ្នំពេញ មានគំរោងបុរី និង ផ្ទះល្វែងសរុបចំនួន453 និងអគារខ្ពស់ចំនួន1,877គំរោង ដែលមានកម្ពស់ចាប់ពី5ជាន់ឡើងទៅ។
ទីក្រុងក៏មានខុនដូជាង41,000យូនីត ដែលប្រមូលផ្តុំច្រើនជាងគេ នៅចំការមន (22%) សែនសុខ (18%) មានជ័យ (18%) ទួលគោក (11%) និងបឹងកេងកង(9%)។
ប្រសិនជាសម្លឹងឆ្ពោះទៅមុខ ទីផ្សារអចលនទ្រព្យលំនៅដ្ឋានក្នុងទីក្រុងភ្នំពេញ ត្រូវបានគេរំពឹងថា នឹងនៅតែមានលំនឹងដដែលក្នុងឆ្នាំ 2025 ដែលជាចម្បងដោយសារ តែការផ្គត់ផ្គង់លើសតម្រូវការ។
ការផ្គត់ផ្គង់លើសនេះ នាំឱ្យអត្រាអ្នកកាន់កាប់ធ្លាក់ចុះ ដោយការិយាល័យមានចំនួន65.1% និងកន្លែងលក់រាយនៅ61.8% ដែលឆ្លុះបញ្ចាំងពីតម្រូវការធ្លាក់ចុះ។
ដោយសារនិន្នាការទាំងនេះ ចំនួនអាផាតម៉ិនសរុប នៅក្នុងទីក្រុងភ្នំពេញត្រូវបានគេរំពឹងថា នឹងនៅតែមានស្ថិរភាពនៅឆ្នាំ2025 ជាមួយនឹងការអភិវឌ្ឍន៍ថ្មីៗតិចតួចនៅក្នុងវិស័យលំនៅដ្ឋាន៕
