ក្រសួងចាប់ផ្តើមស្តារ និងលើកកំពស់សោភណភាពស្ទឹងសៀមរាប

ដោយៈ ម៉ាណា

    សៀមរាបៈ មន្រ្តីជាន់ខ្ពស់ក្រសួងសាធារណៈការ និងដឹកជញ្ជូន​បានចុះត្រួតពិនិត្យប្រគល់-ទទួលបច្ចេកទេស គម្រោងស្តារស្ទឹងសៀ​ម​រាប ជំហាន២ (KHM-18) ក្រោមឥណទានសម្បទានរបស់ធនាគារអាហរ័ណ នីហរ័ណ សាធារណរដ្ឋកូរ៉េ (EDCF)។

លោករស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំគណ:ប្រតិភូក្រសួង ចុះត្រួតពិនិត្យប្រគល់-ទទួលបច្ចេកទេស គម្រោងស្តារស្ទឹងសៀមរាប ជំហាន២ (KHM-18) ក្រោមឥណទាន សម្បទានរបស់ធនាគារអាហរ័ណ នីហរ័ណសាធារ​ណរដ្ឋកូរ៉េ (EDCF) ដោយមានការអញ្ជើញចូលរួមពីមន្រ្តីពាក់ព័ន្ឋ។

ដំណើរបំពេញបេសកកម្មនេះ ធ្វើឡើងដើម្បីចុះត្រួតពិនិត្យប្រគ​ល់-ទទួលបច្ចេកទេស គម្រោងស្តារស្ទឹងសៀមរាប ជំហាន២ (KHM-18) ក្រោមឥណទានសម្បទានរបស់ធនាគារអាហរ័ណ នីហរ័ណ សា​ធារណរដ្ឋកូរ៉េ (EDCF) ដែលនឹងគ្រោងត្រៀមដាក់ជូនថ្នាក់ដឹកនាំក្រសួ​ងពិនិត្យសម្រេច ក្នុងការប្រគល់ជូនមន្ទីរសាធារណការ និងដឹកជញ្ជូនខេត្តសៀមរាប នាពេលខាងមុខ ដើម្បីប្រតិបត្តិការ គ្រប់គ្រង និងថែទាំបន្តឱ្យមាននិរន្តភាព។

គម្រោងស្តារស្ទឹងសៀមរាបជំហាន២ (KHM-18)នេះ ប្រើរយ:ពេលក្នុងការសាងសង់ចំនួន៣៧ខែ ដែលចាប់ផ្តើមសាងសង់នាខែឧសភា ឆ្នាំ២០២២ និងបញ្ចប់ខែមិថុនា ឆ្នាំ២០២៥ ដែលគម្រោងទាំងមូលគ្របដណ្ដប់លើផ្ទៃដីសរុបចំនួន ៣១ហិកតា ដែលស្ថិតនៅក្នុងសង្កាត់ចំនួន០១ គឺសង្កាត់សៀមរាប ក្រុងសៀមរាប ខេត្តសៀមរាប ដែលហេដ្ឋារចនាសម្ព័ន្ធគម្រោងនេះរួមមាន៖១)ផ្លូវបេតុងមេ មានទទឹង ៦ម៉ែត្រ ប្រវែង៤,៥៣ម៉ែត្រ ២)ផ្លូវបេតុងតភ្ជាប់ ស្ថិតនៅខាងកើតស្ទឹងមានចំនួន១៦កន្លែង និងខាងលិចស្ទឹងមានចំនួន១កន្លែង ស្ពានទី១មា​ន​ប្រវែង ៣៦ម៉ែត្រ។

ស្ពានទី២ មានប្រវែង៤៤ម៉ែត្រ, ស្ពានទី៣ មានប្រវែង៣០ម៉ែត្រ,សំណង់ស្ទាក់ទឹក មានចំនួន១កន្លែង ប្រវែង៨០ម៉ែត្រ,ប្រព័ន្ធធារាសាស្រ្ត មានចំនួន៨កន្លែង,ជើងទេរស្ទឹង ប្រវែងសរុប៨,៣១ម៉ែត្រ និងផ្លូវថ្មើរជើង មានប្រវែង៣,៧០ម៉ែត្រ៕