ដោយ: គង់ លាងហួរ
អន្តរជាតិ: ក្រុមហ៊ុនយក្សរបស់ប្រទេសម៉ាឡេសុី DXN Holdings គ្រោងទិញអាផាតមុិនចំនួន១យូនីតនៅក្នុងអគារខ្ពស់ជាងគេលើពិភពលោក Burj Khalifa នៅក្នុងទីក្រុងឌូបៃនៃប្រទេសអេមីរ៉ាត់អារ៉ាប់រួម(UAE)។
យោងតាមសារព័ត៌មាន The Edge Malaysia បានឱ្យដឹងថា អាផាតមុិននោះមានទំហំ១.៨៨៨ហ្វីតការ៉េស្ថិតនៅជាន់ទី៦០ នៃអគារ Burj Khalifa។
ក្រុមហ៊ុន DXN Holdings គ្រោងទិញអាផាតមុិននេះក្នុងតម្លៃ១,៧លានដុល្លារអាមេរិក ដោយទូទាត់ជាសាច់ប្រាក់ ខណៈលោក Lim Siow Jin ប្រធានប្រតិបត្តិ និងជាម្ចាស់ភាគហ៊ុនធំបំផុតរបស់ក្រុមហ៊ុននេះ។
អគារ Burj Khalifa ជាអគារខ្ពស់ជាងគេបំផុតនៅលើពិភពលោក ដែលមានកំពស់៨២៨ម៉ែត្រ ដែលស្មើនឹង១៦៣ជាន់។ អគារនេះមានទីតាំងនៅចំកណ្តាលទីក្រុងឌូបៃ ដោយរួមមានលំនៅដ្ឋានប្រណីត សណ្ឋាគារ ការិយាល័យ និងជានិមិត្តរូបនៃស្ថាបត្យកម្មសម័យទំនើប។
យោងតាមទិន្នន័យថ្មីចុងក្រោយបង្អស់បានបង្ហាញថា អាផាតមុិនប្រភេទ Studio នៃអគារ Burj Khalifa មានតម្លៃចន្លោះពី៤១០.០០០ដុល្លារទៅ៦៨០.០០០ដុល្លារ ខណៈ អាផាតមុិនដែលមានបន្ទប់គេងទោល មានតម្លៃចន្លោះពី៦៨០.០០០ដុល្លារទៅ១,០៩លានដុល្លារក្នុងមួយយូនីត។
ចំណែក អាផាតមុិនដែលមានបន្ទប់គេងចំនួន៣ មានតម្លៃចន្លោះពី១,៦លានដុល្លារទៅ៣,៣លានដុល្លារអាមេរិកក្នុងមួយយូនីត ខណៈផ្ទះ Penthouses មានតម្លៃចាប់ពី៥,៤លានដុល្លារអាមេរិក៕ប្រភព: JobXDubai & The Edge Malaysia៕
។){kind=link}