ដោយៈ ចំណាន
ភ្នំពេញៈ សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA)ត្រៀមរៀបចំសិក្ខាសាលាស្តីពី “យុទ្ធសាស្រ្តឆ្លាតវៃ សម្រាប់អ្នកជំនាញអចលនទ្រព្យ ក្នុងអំឡុងពេលទីផ្សារកំពុងប្រឈម”។
សិក្ខាសាលានេះ នឹងមានការចូលរួមដោយអ្នកជំនាញជាតិ អន្តរជាតិជាច្រើន។
យោងតាមសមាគមនេះបានឲ្យដឹងថា ក្នុងស្ថានភាពទីផ្សារអចលនទ្រព្យ ដែលកំពុងប្រឈមនឹងបញ្ហាប្រឈមជាច្រើន ការមានចំណេះដឹង ទស្សនវិស័យ និងយុទ្ធសាស្រ្តត្រឹមត្រូវ គឺជាគន្លឹះដ៏សំខាន់ក្នុងការបន្តរក្សាភាពប្រកួតប្រជែង និងសម្រេចបានជោគជ័យក្នុងអាជីព។
វគ្គសិក្ខាសាលានេះ នឹងផ្តល់ជូននូវមូលមូលដ្ឋានគន្លឹះៗជាច្រើនដូចជា ទី១ យុទ្ធសាស្រ្តបង្កើនការលក់ក្នុងទីផ្សារ ដែលកំពុងប្រែប្រួល ទី២ គន្លឹះស្វែងរកអតិថិជន និងបិទការលក់ប្រកបដោយប្រសិទ្ធភាព ទី៣ ការយល់ដឹងអំពីនិន្នាការ និងទិសដៅទីផ្សារអចលនទ្រព្យបច្ចុប្បន្ន និងអនាគត ទី៤ ការវិភាគស្ថានភាពទីផ្សារ និងឱកាសវិនិយោគ។
ទី៥ យុទ្ធសាស្រ្តទីផ្សារ (Marketing) និងការលក់ (Sales) ដើម្បីបង្កើនលទ្ធផលអាជីវកម្ម ទី៦ វិធីសាស្រ្តកសាង និងពង្រឹងទំនាក់ទំនងជាមួយអតិថិជនឲ្យបានយូរអង្វែង ទី៧ ឱកាសក្នុងការបង្កើតបណ្តាញទំនាក់ទំនង (Networking) ជាមួយអ្នកជំនាញអចលនទ្រព្យ ភ្នាក់ងារអចលនទ្រព្យ អ្នកវាយតម្លៃអចលនទ្រព្យ អ្នកអភិវឌ្ឍន៍គម្រោង និងអ្នកវិនិយោគ និងទី៨ បទពិសោធន៍ និងគន្លឹះជាក់ស្តែងពីអ្នកជំនាញឆ្នើមក្នុងវិស័យអចលនទ្រព្យ៕
