ដោយ គង់ សូរិយា
ភ្នំពេញៈ អគ្គនាយកក្រុមហ៊ុន VTRUST GROUP ដែលមានក្រុមហ៊ុនក្នុងដៃជាង១០ លោកគុយ វ៉ាតបានប្រាប់យុវជនកុំគិតពីផលប្រយោជន៍រយៈពេលខ្លី តែត្រូវប្រកាន់យកភាពស្មោះត្រង់ ដើម្បីទទួលបានផលប្រយោជន៍រយៈពេលវែង។
លោកបានមានប្រសាសន៍ឲ្យដឹងកាលពីពេលថ្មីៗនេះថា ក្នុងវិស័យអចលនទ្រព្យ ត្រូវការយុវជនដែលមានឆន្ទះ មានភាពស្មោះត្រង់ និងផ្តោតលើការងាររបស់ពួកគេដែលត្រូវធ្វើ ដើម្បីទទួលបានជោគជ័យរយៈពេលវែង។លោកបន្តថា យុវជន ឬអ្នកធ្វើការងារក្នុងវិស័យអចលនទ្រព្យ ត្រូវតែស្វាហាប់ ពិសេសត្រូវយកភាពស្មោះត្រង់មកធ្វើជាស្នូល ទើបអាចទទួលបានជោគជ័យក្នុងវិស័យនេះ។
