ដោយ ម៉ាណេត
កំពត៖ កំពតមានឆ្នេរដ៏វែងស្រាស់ស្អាតដែលត្រូវបានទទួលស្គាល់ជាទូទៅថាមានទេសភាពដ៏ស្រស់ស្អាតបំផុតរបស់ពិភពលោក។ ទោះជាយ៉ាងណាក៏ដោយ វិស័យទេសចរណ៍ត្រូវបានផ្តោតយ៉ាងខ្លាំងលើតំបន់ប្រសាទអង្គរ។ ដើម្បីពង្រីកអត្ថប្រយោជន៍សេដ្ឋកិច្ចនៃវិស័យទេសចរណ៍ រដ្ឋាភិបាលកំពុងផ្តល់អាទិភាពលើតំបន់ឆ្នេរ។
លោក សុខ សុគន្ធ អគ្គនាយករងនៃក្រសួងទេសចរណ៍កម្ពុជា បានមានប្រសាសន៍ក្នុងសេចក្តីថ្លែងមួយដែលចេញផ្សាយនៅថ្ងៃនេះ ថា “រដ្ឋាភិបាលកំពុងធ្វើការលើគោលនយោបាយថ្មីៗដើម្បីធ្វើពិពិធកម្មផលិតផលទេសចរណ៍ និងទាក់ទាញភ្ញៀវទេសចរទៅកាន់គោលដៅផ្សេងៗទៀតជាពិសេសតំបន់ឆ្នេរ និងតំបន់ភាគឦសាន”។ លោក បន្តថា “ខ្ញុំគិតថា តំបន់ឆ្នេរសមុទ្រមានសក្តានុពលដ៏ធំធេងសម្រាប់កំណើនទេសចរណ៍”។
-->
ធនាគារអភិវឌ្ឍន៍អាស៊ីគឺជាអ្នកគាំទ្រសំខាន់នៃគោលនយោបាយពិពិធកម្មនេះ។ ហេដ្ឋារចនាសម្ព័ន្ធទេសចរណ៍នៅតាមមហាអនុតំបន់មេគង្គសម្រាប់គម្រោងប្រកបដោយបរិយាប័ននេះគឺនឹងជួយក្រសួងទេសចរណ៍លើកកម្ពស់វិស័យទេសចរណ៍ប្រកបដោយនិរន្តរភាពនៅក្នុងខេត្ដកំពត ខេត្ដកែប និងកោះកុង។
ការសាងសង់កំពង់ផែដឹកអ្នកដំណើរតាមសមុទ្រនៅកំពតកំពុងដំណើរការសាងសង់។វាត្រូវបានគេរំពឹងថានឹងបម្រើភ្ញៀវទេសចរអន្ដរជាតិ ៣៦០,០០០ នាក់រាប់បញ្ចូលទាំង វៀតណាម និងថៃ នៅពេលវាបើកដំណើរការនៅឆ្នាំ ២០២០។
លោកសយ ស៊ីណុល ប្រធានមន្ទីទេសចរណ៍កំពត បានមានប្រសាសន៍ថា “ការអភិវឌ្ឍកំពង់ផែសមុទ្រនឹងលើកកម្ពស់វិស័យទេសចរណ៍តាមផ្លូវទឹកដែលភ្ជាប់អ្នកទេសចរមកពីប្រទេសជិតខាង”។ លោគ បន្តថា “ខ្ញុំគិតថា ចំនួនភ្ញៀវទេសចរដែលមកទស្សនាខេត្តកំពតនឹងកើនឡើងដោយនឹងជំរុញសកម្មភាពសេដ្ឋកិច្ចក្នុងតំបន់នេះ។
ការអភិវឌ្ឍនេះលើកកម្ពស់សេដ្ឋកិច្ចក្នុងតំបន់ និងផ្តល់ឱកាសរកប្រាក់ចំណូលសម្រាប់ប្រជាជនក្នុងស្រុករួមទាំងស្ត្រី។កែបគឺជាតំបន់ឆ្នេរខ្សាច់តូចបំផុតរបស់កម្ពុជា។ ទីផ្សារក្តាមដែលមានប្រជាប្រិយភាពមានអ្នកលក់ ៣០០ នាក់និងចំនួនអ្នកទេសចរ ១,៨ លាននាក់ជារៀងរាល់ឆ្នាំ។
ទឹកកខ្វក់ប្រមាណ ១០០ ម៉ែត្រគុបបានហូរចូលដោយផ្ទាល់ជារៀងរាល់ថ្ងៃដោយធ្វើឲ្យបរិយាកាសឆ្នេរសមុទ្រខូចខាត។ដើម្បីដោះស្រាយបញ្ហានេះ គម្រោងខាងលើបានសាងសង់រោងចក្រប្រព្រឹត្តកម្មទឹកស្អាតដែលតភ្ជាប់ភោជនីយដ្ឋានទៅកាន់ប្រព័ន្ធលូទឹក។
លោកលួង គឹមគួន ម្ចាស់ភោជនីយដ្ឋានកែប បានថ្លែងថា “មុនពេលដែលអាជ្ញាធរបានដំឡើងប្រព័ន្ធលូទឹក ខ្ញុំមិនមានអតិថិជនទេ ដោយសារតែទឹកកខ្វក់”។លោក បន្តថា “បន្ទាប់ពីប្រព័ន្ធអនាម័យត្រូវបានតម្លើង គ្មានកាកសំណល់ហូរចូលទៅក្នុងសមុទ្រ ហើយគ្មានក្លិនទេ។ ឥឡូវនេះខ្ញុំមានអតិថិជនយ៉ាងតិច ២០ នាក់ជារៀងរាល់ថ្ងៃ”។ វាក៏បានធ្វើឲ្យប្រសើរឡើងនូវរចនាសម្ព័ន្ធទីផ្សារក្តាម បានកសាងមជ្ឈមណ្ឌលព័ត៌មានទេសចរណ៍និ ងបង្គន់និងបានធ្វើឱ្យប្រសើរនូវផ្លូវថ្មើជើង។
មន្ត្រីគម្រោងជាន់ខ្ពស់ម្នាក់នៅ ADB បានបញ្ជាក់ថា ធនាគារអភិវឌ្ឍន៍អាស៊ីចង់ធ្វើឲ្យប្រាកដថា មានហេដ្ឋារចនាសម្ព័ន្ធគ្រប់គ្រាន់នៅក្នុងតំបន់ទេសចរណ៍នេះ និងដើម្បីធានាថា ភាគីពាក់ព័ន្ធទាំងអស់ក្នុងវិស័យទេសចរណ៍មានសមត្ថភាពដោះស្រាយផលប៉ះពាល់អវិជ្ជមានដែលអាចមានដូចជាការរិចរិលនៃបរិស្ថាន និងបេតិកភណ្ឌវប្បធម៌ដែលអាចបណ្តាលមកពីវិស័យទេសចរណ៍ដែលមិនមានការគ្រប់គ្រងមិនត្រឹមត្រូវ។
មនុស្សជាង ២៧០០ នាក់រួមទាំងស្រ្តីបានទទួលប្រយោជន៍ពីការបណ្តុះបណ្តាលស្តីពីការផ្តល់សេវាការលើកកម្ពស់ទីផ្សារ និងបដិសណ្ឋារកិច្ច។ ពួកគេភាគច្រើនមានការងារ និងចំណូលល្អ។គម្រោងនេះគាំទ្រដល់យុទ្ធសាស្រ្តរបស់ធនាគារអភិវឌ្ឍន៍អាស៊ីក្នុងការជួយប្រទេសកម្ពុជាឲ្យផ្លាស់ប្តូរទីប្រជុំជនមិនសូវមានប្រជាជនរស់ ទៅជាគោលដៅទេសចរណ៍ដែលមានលក្ខណៈប្រកួតប្រជែង និងប្រកបដោយបរិយាប័ន៕
