បច្ចេកវិទ្យា 5G នឹងជួយជំរុញសេដ្ឋកិច្ចឌីជីថលរបស់ចិនកើនដល់ ២,១ ទ្រីលានដុល្លារចាប់ពីឆ្នាំ២០២០

September 2, 2019

ដោយ វុត្ថា

ប្រទេសចិនៈ បច្ចេកវិទ្យា 5G ត្រូវបានគេព្យាករណ៍ថា នឹងជួយជំរុញកំណើនសេដ្ឋកិច្ចឌីជីថលរបស់ប្រទេសចិន ក្នុងទំហំទឹកប្រាក់រហូតដល់ ១៥,២ ទ្រីលានយ័ន ស្មើនឹង ២,១ ទ្រីលានដុល្លារ ដោយចាប់ពីឆ្នាំ២០២០ ដល់២០២៥ខាងមុខ។

លោក Wang Zhiqin នាយករងបណ្ឌិត្យសភាបច្ចេកវិទ្យាព័ត៌មាន និងគមនាគមន៍ចិន (CAICT) បានឱ្យដឹងនៅក្នុងសន្និសីទសិប្បនិម្មិតពិភពលោកឆ្នាំ ២០១៩ (2019 World Artificial Intelligence Conference ) នៅទីក្រុងសៀងហៃ កាលពីចុងសប្តាហ៍កន្លងមកនេះថា បច្ចេកវិទ្យា5G ត្រូវបានគេរំពឹងថា នឹងជួយបង្កើនតម្លៃបន្ថែមនៃឧស្សាហកម្មព័ត៌មានរបស់ប្រទេសចិនចំនួន៣,៣ទ្រីលានយ័ន ក្នុងរយៈពេល៥ឆ្នាំខាងមុខទៀត។

ចុចទីនេះដើម្បី Subscribe Telegram Channel «Property Area Asia» សម្រាប់ទទួលបានព័ត៌មានថ្មីៗ

-->

លោកបន្តថា ទន្ទឹមនឹងនេះដែរវានឹងរួមចំណែក ដល់កំណើនសេដ្ឋកិច្ចចំនួន ១១,៩ទ្រីលានយ័ន នៅក្នុងតម្លៃបន្ថែមនៃឧស្សាហកម្មរួមមានអ៊ិនធើណេត យានយន្ត ផលិតកម្ម និងថែទាំសុខភាព។ បច្ចេកវិទ្យា 5G នឹងផ្តល់ហេដ្ឋារចនាសម្ព័ន្ធសំខាន់ៗ សម្រាប់ការអភិវឌ្ឍសេដ្ឋកិច្ចឌីជីថលរបស់ប្រទេសចិន ហើយការរួមបញ្ចូលគ្នានៃបច្ចេកវិទ្យា 5G ជាមួយនឹងបច្ចេកវិទ្យាផ្សេងទៀត នឹងធ្វើបដិវត្តនូវទម្រង់ឌីជីថលនៃសេដ្ឋកិច្ចឌីជីថល។

ប្រទេសចិនចាប់ផ្តើមដាក់ឱ្យដំណើរការ 5G ថ្នាក់ជាតិ នៅក្នុងខែតុលា ឆ្នាំ២០១៨ កន្លងមកនេះ នៅក្នុងទីក្រុងសៀងហៃ ដែលបានក្លាយជាទីក្រុងដំបូងគេ ដែលមានបណ្តាញពាណិជ្ជកម្ម 5G៕