ដោយ វុត្ថា
ទីក្រុងហូជីមីញៈ ក្រុមហ៊ុនជាច្រើននៅតែបន្តផ្លាស់ប្តូររោងចក្ររបស់ខ្លួន ទៅបោះទីតាំងនៅក្នុងប្រទេសវៀតណាម បានធ្វើឱ្យដីធ្លីនៅក្នុងប្រទេសនេះ មានតម្រូវការកាន់តែខ្ពស់ និងខ្លាំងជាងមុនដោសារតែមានការអភិវឌ្ឍន៍លើអចលនទ្រព្យឧស្សាហកម្ម។
យោងតាមរបាយការណ៍របស់ការរបស់ក្រុមហ៊ុន Savills Vietnam ចេញផ្សាយកាលចុងសប្តាហ៍កន្លងមកនេះបានបង្ហាញថា វិស័យអចលនទ្រព្យឧស្សាហកម្មរបស់ប្រទេសវៀតណាមរហូតមកដល់ពេលនេះ នៅតែមានតម្រូវការខ្ពស់ ខណៈក្រុមហ៊ុនជាច្រើនមកពីប្រទសចិន ដែលប្រតិបត្តិការលើវិស័យជាច្រើនរួមមានកាត់ដេរ ដេរស្បែកជើង និងផលិតផលគ្រឿងបំលាស់ជាដើម។
លោកJohn Campbell ទីប្រឹក្សាជាន់ខ្ពស់នៃ ក្រុមហ៊ុន Savills Vietnam Services បានឱ្យដឹងថា “ទោះបីដីនៅក្នុងខេត្តសំខាន់ៗ ត្រូវបានគេកាន់កាប់ពីមួយឆ្នាំទៅមួយឆ្នាំក៏ដោយ ក៏ដីដែលទំនេរមានទាំងគម្រោងជាច្រើនទៀត មានទាំងក្រុមហ៊ុនបរទេសបានបង្កើនការវិនិយោគនៅក្នុងប្រទេសវៀតណាម”។
លោកបន្តថា ក្រុមហ៊ុនបរទេសជាច្រើនបាន នឹងកំពុងបង្ហាញចំណាប់អារម្មណ៍នៅក្នុងតំបន់ Central Regions ខណៈ ខណៈពេលដែលអ្នកអភិវឌ្ឍន៍កំពុងបំលែងដីកសិកម្មទៅជាការប្រើប្រាស់ឧស្សាហកម្មដោយធានានូវការផ្គត់ផ្គង់បន្ថែម។
វិស័យឧស្សាហកម្មនៅក្នុងប្រទេសវៀតណាម កំពុងរីកលូតលាស់យ៉ាងខ្លាំងជាមួយនឹងកំណើន១០ដង នៃលំហូរវិនិយោគផ្ទាល់ពីបរទេស (FDI) ក្នុងរយៈពេលមួយទសវត្សរ៍ចុងក្រោយនេះ។ ការផ្គត់ផ្គង់ដីល្អ គឺជួយសម្រួលដល់គម្រោងផលិតកម្ម ដែលនឹងចូលមកដល់ និងការកើនឡើងនៃជម្រើសជួលជាមួយរោងចក្រ ដែលត្រៀមរួចរាល់ (RBF) និង(BTS)។ ប្រទេសវៀតណាម ត្រូវតែមានការជ្រើសរើសអោយបានច្រើនជាមួយគំរោងដើម្បីជំរុញខ្សែសង្វាក់តម្លៃធ្វើឱ្យប្រសើរឡើង នូវការប្រកួតប្រជែងនិងធានាកំណើនប្រកបដោយចីរភាព។
នៅក្នុងត្រីមាសទីមួយនៃឆ្នាំនេះ តំបន់ឧស្សាហកម្មរបស់ប្រទេសវៀតណាមប្រមាណ៣២៦ ត្រូវបានបង្កើតឡើងដែលមានផ្ទៃដីសរុប៩៥.៥០០ ហិកតា។ ក្នុងនោះតំបន់ឧស្សាហកម្មចំនួន២៥១ កំពុងដំណើរការជាមួយផ្ទៃដី៦០.៩០០ហិកតា ដែលស្មើនឹង ៧៤ភាគរយនៃចំនួនសរុប ខណៈសួនឧស្សាហកម្មចំនួន ៧៥ កំពុងសាងសង់សំណងនិងការឈូសឆាយទីតាំងនៅលើផ្ទៃដីសរុបចំនួន២៩.៣០០ហិកតា៕
