ដោយ ប៊ី
ភ្នំពេញ៖ ប្រតិបត្តិករកាស៊ីណូចុះបញ្ជីនៅហុងកុង NagaCorp Ltd ឱ្យដឹងថា ខ្លួនដែលទទួលបានអាជ្ញាប័ណ្ណកាស៊ីណូផ្តាច់មុខនៅរាជធានីភ្នំពេញនិងក្នុងចម្ងាយ ២០០ គីឡូម៉ែត្រ (១២៤ ម៉ែល) មានសិទ្ធិផ្តាច់មុខដែលមានការយល់ព្រមដោយរដ្ឋាភិបាលសម្រាប់ការបន្ត ១០ ឆ្នាំដល់ថ្ងៃទី ៣១ ខែ ធ្នូ ឆ្នាំ ២០៤៥ ។
សិទ្ធិផ្តាច់មុខមុនបានដំណើរការរហូតដល់ថ្ងៃទី ១ ខែ មករា ឆ្នាំ ២០៣៦ ។អ្នកវិភាគលោក Grant Govertsen ក្រុមហ៊ុន Union Gaming Securities Asia Ltd បានថ្លែងថា “វាជាការសំខាន់ដែលត្រូវចងចាំថា គម្រោងបន្ទាប់របស់ក្រុមហ៊ុនដែលមានទឹកប្រាក់ប្រមាណ ៣,៥ ពាន់លានដុល្លារអាមេរិកណាហ្គា ៣ ត្រូវបានរំពឹងថានឹងបើកដំណើរការនៅចុងឆ្នាំ ២០២៥ នៅពេលដែលក្រុមហ៊ុននេះមាននៅសល់ប្រហែល ១០ ឆ្នាំ។
លោកបាននិយាយសំដៅទៅដំណាក់កាលទី ៣ នៃអគារកាស៊ីណូណាហ្គាវើលរបស់ក្រុមកាស៊ីណូក្នុងរាជធានីភ្នំពេញ។លោក Govertsen បានបន្ថែមថា “កិច្ចព្រមព្រៀងថ្មីនេះនឹងពង្រីកការធ្វើអាជីវកម្មសម្រាប់ណាហ្គា ៣ និងធ្វើឱ្យមានល្អប្រសើរជាងមុន និងមើលឃើញកាន់តែប្រសើរ”។
ក្រុមហ៊ុន NagaCorp បាននិយាយនៅក្នុងឯកសាររបស់ខ្លួនកាលពីថ្ងៃ អង្គារ ថា “ក្រុមហ៊ុនជឿជាក់ថា ការចុះហត្ថលេខាលើកិច្ចព្រមព្រៀង និងការពង្រីកវិសាលភាពរហូតដល់ឆ្នាំ ២០៤៥ អាចត្រូវបានមើលឃើញថា ជាគម្រោងហេដ្ឋារចនា សម្ព័ន្ធទេសចរណ៍រយៈពេលវែងដែលអាចបង្កើតប្រាក់ចំណូលជាបន្តបន្ទាប់ដល់ក្រុមហ៊ុន និងម្ចាស់ភាគហ៊ុន”។
លោក Tim McNally ប្រធានក្រុមហ៊ុន NagaCorp បានប្រាប់គេហទំព័រ GGRAsia នៅក្នុងសេចក្តីអត្ថាធិប្បាយ មុនការប្រកាសកាលពីថ្ងៃ អង្គារ ថា “អាជីវកម្មនៅភ្នំពេញកំពុងរីកចម្រើន ដោយសារតែការពង្រីកវិស័យទេសចរណ៍នៅតាមទីផ្សារធំៗ និងការធ្វើចំណាកស្រុករបស់ប្រជាជនពីទូទាំងទ្វីបអាស៊ីមកភ្នំពេញក្នុងគោលបំណងនៃការវិនិយោគអាជីវកម្ម ក៏ដូចជាវិស័យទេសចរណ៍”។
លោកបានបន្ថែមថា ក្រុមហ៊ុនមានគំរូអាជីវកម្ម និងការគ្រប់គ្រងប្រកបដោយវិជ្ជាជីវៈខ្ពស់មានន័យថា អតិថិជនមានទំនុកចិត្តក្នុងការធ្វើជំនួញនៅទីតាំងរបស់យើង។យោងតាមអ្នកវិភាគការវិនិយោគបានឲ្យដឹងថា មណ្ឌលកម្សាន្តកាស៊ីណូកម្ពុជាដែលមិនមានសិទ្ធិផ្តាច់មុខមួយចំនួនក្រៅពីរាជធានីភ្នំពេញគឺខេត្តព្រះសីហនុ និងប៉ោយប៉ែតបានប្រមូលសាធារណៈជនអន្តរជាតិ។
ការពន្យាពេលផ្តាច់មុខរយៈពេល ១០ ឆ្នាំគឺជាផ្នែកមួយនៃកិច្ចព្រមព្រៀងដែលបានចុះហត្ថលេខាកាលពីថ្ងៃ អង្គារ រវាងរាជរដ្ឋាភិបាលកម្ពុជា និងក្រុមហ៊ុន Ariston Sdn Bhd ដែលជាក្រុមហ៊ុនម៉ាឡេស៊ីដែលគ្រប់គ្រងដោយក្រុមហ៊ុនណាហ្គាខប។
កិច្ចព្រមព្រៀងកាលពីថ្ងៃ អង្គារ អនុញ្ញាតឱ្យក្រុមហ៊ុន NagaCorp ត្រូវបានផ្តល់សិទ្ធិប្រតិបត្តិការកាស៊ីណូនៅ កម្ពុជា – លើសពីរយៈពេលផ្តាច់មុខរហូតដល់ចុងឆ្នាំ ២០៤៥ សម្រាប់រយៈពេល ៧០ ឆ្នាំដោយផុតកំណត់នៅឆ្នាំ ២០៦៥។
ក្រុមហ៊ុន NagaCorp បានឱ្យដឹងថា កត្តាដែលត្រូវបានផ្តល់ការពង្រីកនេះរួមមាន៖ ការប្តេជ្ញាចិត្តវិនិយោគរបស់ខ្លួនប្រមាណ ៣,៥ ពាន់លានដុល្លារដើម្បីកសាងនិងបើកណាហ្គា ៣ ដែលខ្លួនបាននិយាយថានឹងបង្កើតការងាររាប់ពាន់និងជំរុញទេសចរណ៍ ការបង់ប្រាក់ចំនួន ១០ លានដុល្លារអាមេរិកដោយក្រុមហ៊ុន Ariston ទៅក្រសួងសេដ្ឋកិច្ចនិងហិរញ្ញវត្ថុ“ នៅពេលចុះហត្ថលេខាលើកិច្ចព្រមព្រៀង” និងកិច្ចព្រមព្រៀងសម្រាប់ក្រុមហ៊ុន Ariston បង់ ៣ លានដុល្លារជារៀងរាល់ឆ្នាំដល់រដ្ឋាភិបាលកម្ពុជាតាមរយៈក្រសួងរយៈពេល ១០ ឆ្នាំដោយចាប់ផ្តើមពីថ្ងៃទី ១ ខែមករាឆ្នាំ ២០៣៦ រហូតដល់ចុងខែធ្នូឆ្នាំ ២០៤៥៕
