ដោយ វុត្ថា
អាស៊ីៈ ក្រុមហ៊ុនអចលនទ្រព្យ M&G Real Estate ដែលមានទីស្នាក់ការនៅទីក្រុងឡុងបានទិញ មជ្ឈមណ្ឌលដឹកជញ្ជូនទំនើបមួយ នៅជិតទីក្រុងសេអ៊ូលក្នុងតម្លៃ ១៥៥.៥ កោដិវ៉ុន ស្មើនឹង១៣១លានដុល្លារអាមេរិក ខណៈក្រុមហ៊ុននេះទទួលបានអត្ថប្រយោជន៍ពីទីផ្សារដឹកជញ្ចូនច្រើននៅទូទាំងតំបន់អាស៊ីប៉ាស៊ីហ្វិក។
យោងតាមការចុះផ្សាយរបស់គេហទំព័រ APAC កាលពីចុងសប្តាហ៍កន្លងមកនេះ បានឱ្យដឹងថា មជ្ឈណ្ឌលដឹកជញ្ចូនរបស់កូរ៉េនេះ Yongin Baegam Logistic Centre មានទំហំ១០០,០០០ម៉ែត្រការ៉េ និងកំពស់៤ជាន់ ដែលមានទីតាំងស្ថិតនៅក្នុងតំបន់ភស្តុភារនៅភាគខាងត្បូងនៃទីក្រុងសេអ៊ូល។
ក្រុមអ្នកវិនិយោអចលនទ្រព្យ បានដាក់ទុនយ៉ាងច្រើន លើកាធ្វើពាណិជ្ជកម្មតាមអ៊ីនធឺណេត នៅទូទាំងតំបន់អាស៊ីប៉ាស៊ីហ្វិក ក្នុងរយៈពេលប៉ុន្មានឆ្នាំចុងក្រោយនេះ ដោយការទិញទំនិញតាមអ៊ិនធឺរណែត នឹងកើនឡើងនៅក្នុងទីផ្សារអាស៊ីប៉ាស៊ីហ្វិកចន្លោះពី១៤% ទៅ ២៣% នៅឆ្នាំ ២០២៣ ។
លោក Richard van den Berg អ្នកគ្រប់គ្រងយុទ្ធសាស្រ្តអចលនទ្រព្យអាស៊ីបានថ្លែងថា “យើងមានភាពវិជ្ជមាន អំពីមូលដ្ឋានគ្រឹះក្នុងវិស័យដឹកជញ្ជូន របស់អាស៊ីប៉ាស៊ីហ្វិក ជាពិសេសនៅប្រទេសកូរ៉េដែលការផ្គត់ផ្គង់ និងតម្រូវការខ្លាំង”។
លោកបន្តថា តម្រូវការឥតឈប់ឈរ សម្រាប់ការដឹកជញ្ជូនលឿនជាងមុន នឹងជំរុញឱ្យក្រុមហ៊ុនដឹកជញ្ចូនភាគីទីបី ទៅកាន់មជ្ឈមណ្ឌលចែកចាយ ដែលមានលក្ខណៈកណ្តាលកាន់តែធំ ; និងលឿនជាដើម។
ក្រុមហ៊ុន M&G Asia Property Fund បានទិញយកមជ្ឈមណ្ឌលភ័ស្តុភាររបស់កូរ៉េនេះជាលើកទី២ របស់ក្រុមហ៊ុន បន្ទាប់ពីការទិញមជ្ឈមណ្ឌលភ័ស្តុភារ Homeplus Hub Logistics Centre នៅឆ្នាំ២០១៧ ដែលមានទំហំ ៦៤,២៥០ ម៉ែត្រក្រឡា។
ក្រុមហ៊ុន M&G Real Estate បានកត់សម្គាល់ថា ការរីករាលដាលរវាងភ័ស្តុភារ និងអចលនទ្រព្យផ្សេងទៀត នៅក្នុងទីផ្សារអភិវឌ្ឍន៍បានរួមតូចទៅៗ ខណៈដែលវិស័យភស្តុភារមានភាពចាស់ទុំ និងទាក់ទាញចំណាប់អារម្មណ៍ វិនិយោគិនកាន់តែច្រើនដោយទាមទាអោយមានការកែលម្អ និងធ្វើទំនើកម្មទីតាំងដឹកជញ្ជូន៕
