ដោយ ប៊ី
ភ្នំពេញៈ ចំនួនអ្នកទិញលំនៅដ្ឋាន ដែលមានទ្រព្យស្តុកស្តម្ភនៅលើពិភពលោកបានធ្លាក់ចុះទាបក្នុងឆ្នាំ២០១៩ ដោយសារភាពមិនប្រាកដប្រជា ផ្នែកសេដ្ឋកិច្ចបានបង្វែរទីក្រុងពិភពលោកទៅជាកន្លែងប្រថុយប្រថាន។
ប៉ុន្តែកុំមានការភ្ញាក់ផ្អើលនៅឆ្នាំក្រោយ នឹងមើលឃើញការចាប់ផ្តើមសម្បូរបែបក្នុងការបោះទុនវិនិយោគឡើងវិញម្តងទៀត ខណៈតម្លៃលំនៅដ្ឋាននៅក្នុងតំបន់សេដ្ឋកិច្ចមានស្ថេរភាពបន្តធ្លាក់ចុះទៅក្នុងតំបន់ដែលតម្លៃអាចចរចាបាន។
យោងតាមអ្នកពិគ្រោះយោបល់ ផ្នែកអចលនទ្រព្យពិភពលោក Knight Frank បានឲ្យដឹងថា តម្លៃលំនៅដ្ឋាននៅតាមទីក្រុងមួយចំនួនតម្លៃនៅតែមានការឡើងថ្លៃ។
ទីក្រុងប៉ារីស តាមរយៈការព្យាករណ៍របស់ទីភ្នាក់ងារនេះ នៅឆ្នាំ២០២០ នឹងឡើងថ្លៃ៧ភាគរយ បន្ទាប់មកគឺទីក្រុងម៉ៃអាមី និងប៊ែរឡាំង ដែលមានលំនៅដ្ឋានតម្លៃសមរម្យ និងខ្វះខាតក្នុងការផ្គត់ផ្គង់។
សញ្ញាសំណួរផ្នែកនយោបាយ និងសេដ្ឋកិច្ច នៅតែមានច្រើនរាប់ចាប់តាំងពីសង្គ្រាមពាណិជ្ជកម្ម រហូតដល់ការបោះឆ្នោតប្រធានាធិបតីអាមេរិក នៅខែវិច្ឆិកា ខាងមុខ។
លោកស្រី Kate Everett-Allen ដែលជាដៃគូរបស់ក្រុមហ៊ុន Knight Frank នៅទីក្រុងឡុងដ៏បាននិយាយថា ការយកពន្ធលើតម្លៃលំនៅដ្ឋាន លើក្រុមអ្នកមាន ដែលបានបង្កើតឡើងដោយទីក្រុងនានា ដូចជា ទីក្រុង Vancouver ទីក្រុងឡុងដ៍ និងញូវយ៉ក នឹងបន្តទាញទម្លាក់លើការលក់។
លោកស្រីបន្តថា “ទីផ្សារភាគច្រើន នៅតែមើលឃើញថាតម្លៃទំនិញឡើងថ្លៃ ប៉ុន្តែនៅតែមានកម្រិតតូចជាងពេលមុន”៕ (Bloomberg)៕
