ដោយ ៖ រ៉ាណេត
កែប ៖ តាមប្រភពព័ត៌មានបឋមដែលទើបតែទទួលបានមុននេះបន្តិចឱ្យដឹងថា នៅក្នុងខេត្តកែប មានករណីបាក់អគារកម្ពស់៧ជាន់មួយកន្លែង សង្កត់មនុស្សមួយចំនួននៅខាងក្រោមដោយមិនទាន់ដឹងពីសុវត្ថិភាពនៅឡើយ។
អភិបាលរងខេត្តកែប លោក អ៊ុង ឆាយ បានប្រាប់ឱ្យដឹងថា ករណីនៃការបាក់អគារនេះនៅមិនទាន់ដឹងច្បាស់ពីមូលហេតុនៅឡើយនោះទេ ហើយចំនួនមនុស្សដែលជាកម្មករ ស្ថិតនៅខាងក្រោមគំនរអគារមួយនេះមានប៉ុន្មាននាក់នោះដែរ។
អគារមានកម្ពស់៧ជាន់ ដែលបាក់រលំមួយនេះមានទីតាំងស្ថិតក្បែរវត្តសុមាធិ។
សម្រាប់ព័ត៌មានលម្អិត គេហទំព័រ propertyarea.asia នឹងធ្វើការផ្សាយបន្ថែមទៀតនៅពេលក្រោយ។
ពាក់ព័ន្ធទៅនឹងករណីបាក់អគារកាលពីពេលកន្លងទៅនេះ នៅក្រុងព្រះសីហនុ ស្ថិតក្នុងសង្កាត់លេខ៤ បានកើតមានម្ដងរួចមកហើយ ដោយបានបណ្តាលឱ្យមនុស្សបាត់បង់ជីវិតចំនួន២៨នាក់ និងរបួសចំនួន២៦នាក់។ ជាមួយនឹងព្រឹត្តិការណ៍ការបាក់អគារកម្ពស់៧ជាន់នេះ រដ្ឋាភិបាលបានជំរុញ និងយកចិត្តទុកដាក់យ៉ាងខ្លាំងទៅលើការត្រួតពិនិត្យគុណភាពសំណង់គ្រប់ប្រភេទនៅទូទាំងប្រទេសក្រោមការគ្រប់គ្រងដោយក្រសួងរៀបចំដែនដីនគរូបនីយកម្ម និងសំណង់ ៕
