ដោយៈ រ៉ាណេត
កណ្តាលៈ ស្ថិតនៅតំបន់ជាយក្រុង ដែលមានចម្ងាយប្រមាណ៣០គីឡូម៉ែត្រពីរាជធានីភ្នំពេញ តំបន់មួយចំនួនក្នុងស្រុកអង្គស្នួល ដែលនៅក្បែរផ្លូវជាតិលេខ៤ កំពុងតែមានភាពទាក់ទាញលើការវិនិយោគ វិស័យលំនៅដ្ឋានកម្រិតមធ្យម ស្របពេលដែលកំណើននៃចំនួនប្រជាជនមានការកើនឡើង ជាហេតុជំរុញឱ្យតម្លៃដីធ្លីនៅក្នុងតំបន់នេះមានការកើនឡើងគួរឱ្យកត់សម្គាល់។
នាយិកាក្រុមហ៊ុនអចលនទ្រព្យ AMATAK Property Service លោកស្រី តាំង ហួរ បានមានប្រសាសន៍ប្រាប់ឱ្យដឹងនារសៀលថ្ងៃទី១៧ មករាកន្លងមកថា តំបន់ជាយក្រុងដែលស្ថិតនៅតាមបណ្តោយផ្លូវជាតិលេខ៤ ក្នុងស្រុកអង្គស្នួល គឺមានភាពទាក់ទាញលើការវិនិយោគវិស័យលំនៅដ្ឋានកម្រិតមធ្យម និងក្រោមមធ្យមជាងតំបន់ជាយក្រុងផ្សេងទៀត ព្រោះកត្តាភូមិសាស្ត្រនៅតំបន់នេះមានភាពល្អប្រសើរច្រើន។
លោកស្រីបានបន្តថា “នៅតំបន់ខាងលើនេះ មានភាពល្អប្រសើរច្រើន ទាំងវិស័យហេដ្ឋារចនាសម្ព័ន្ធ ទាំងគម្រោងអភិវឌ្ឍ ក៏ដូចជាចំនួនប្រជាជនផងដែរ”។ លោកស្រីបានបន្តទៀតថា “គម្រោងអភិវឌ្ឍភាគច្រើន សុទ្ធតែបានសម្លឹងឆ្ពោះ ទៅកាន់តំបន់ជាយក្រុងដែលមានចម្ងាយប្រមាណ២០-៣០គីឡូម៉ែត្រពីរាជធានីភ្នំពេញ ជាពិសេសវិស័យរោងចក្រ សហគ្រាស និងឃ្លាំង ដែលស្របតាមគោលនយោបាយរបស់រដ្ឋាភិបាល។
នៅពេលដែលតំបន់ណាមួយមានសកម្មភាពអភិវឌ្ឍ កំណើនមនុស្សនឹងកើនឡើងដោយស្វ័យប្រវត្តិ ដែលជំរុញឱ្យមានតម្រូវការស្នាក់នៅច្រើន ដូច្នេះហើយបានជាអ្នកអភិវឌ្ឍចាប់អារម្មណ៍វិនិយោគ និងធ្វើការអភិវឌ្ឍន៍នៅតំបន់នេះច្រើន។
លោកស្រីតាំង ហួរបានបញ្ជាក់ថា ស្របពេលដែលសកម្មភាពនៃការអភិវឌ្ឍលើវិស័យលំនៅដ្ឋានកម្រិតមធ្យម តាមតំបន់ដែលស្ថិតនៅជាប់ផ្លូវជាតិលេខ៤នេះ នៅតំបន់ខាងក្នុងចេញពីផ្លូវជាតិក៏មានគម្រោងពុះដីឡូតិ៍ជាច្រើនគម្រោងផងដែរ។
លោក ឈិន សោភ័ណ្ឌ នាយកប្រតិបត្តិ និងគ្រប់គ្រងគម្រោងដីឡូតិ៍របស់ក្រុមហ៊ុន គន្ធាមអចលនទ្រព្យ ដែលមានទីតាំងស្ថិតនៅខាងក្រោយផ្សារបែកចាន ភូមិអណ្ដូង ឃុំបែកចាន ស្រុកអង្គស្នួល ខេត្តកណ្តាល បានទទួលស្គាល់នូវសន្ទុះ នៃការអភិវឌ្ឍវិស័យលំនៅដ្ឋានខាងលើនេះ ដោយលោកបានលើកឡើងថា សម្រាប់ទីតាំងដែលស្ថិតនៅជាប់ផ្លូវជាតិលេខ៤ គឺមានការវិនិយោគ និងអភិវឌ្ឍជាលំនៅដ្ឋានច្រើនជាងការពុះដីឡូតិ៍។
លោកបានបន្តទៀតថា “បច្ចុប្បន្ននេះ មិនថាចំពោះតែគម្រោងអភិវឌ្ឍន៍លំនៅដ្ឋាន ឬគម្រោងដីឡូតិ៍ គឺសុទ្ធតែមានតម្រូវការ និងទីផ្សារខ្ពស់ទាំងអស់ ជាក់ស្ដែងដូចជាគម្រោងដីឡូតិ៍ទី៤ របស់ក្រុមហ៊ុន គន្ធាម អចលនទ្រព្យនេះតែម្ដង ដែលត្រឹមរយៈពេលមិនដល់២ខែផង លក់បានជិត៤០ភាគរយរួចជាស្រេចទៅហើយ”។
គម្រោងទី៤នេះ បានបើកសម្ពោធប្រកាសលក់កាលពីព្រឹកថ្ងៃទី១៧ ខែវិច្ឆិកា ឆ្នាំ២០១៩កន្លងទៅនេះ ដែលជាគម្រោងមានភាពទាក់ទាញ និងល្អប្រសើរបំផុតសម្រាប់អ្នកដែលចង់ទិញសាងសង់លំនៅដ្ឋានកម្មសិទ្ធិ ជាពិសេសផ្តល់ឱកាសសម្រាប់អ្នកទិញទុកលក់បន្តយកចំណេញ ដោយសារស្ថិតនៅក្នុងតំបន់ទីប្រជុំជន បណ្តុំលំនៅដ្ឋាន និងជាតំបន់ដែលកំពុងតែមានការអភិវឌ្ឍ ស្ថិតនៅក្នុងគម្រោងប្លង់មេរបស់រាជរដ្ឋាភិបាលកម្ពុជា នាពេលបច្ចុប្បន្ន និងទៅថ្ងៃអនាគត”។
គម្រោងដីឡូតិ៍ទី៤ របស់ក្រុមហ៊ុន គន្ធាម អចលនទ្រព្យ ស្ថិតនៅលើផ្ទៃដីទំហំ២ហិកតា ត្រូវបានពុះបំបែកជាង៨០ឡូតិ៍។ អ្វីដែលជាលក្ខណៈពិសេសរបស់គម្រោងដីឡូតិ៍ទី៤នេះ គឺក្រៅពីស្ថិតនៅលើទីតាំងដ៏ល្អ ប្រមូលផ្តុំទៅដោយស្ថាប័ន គ្រឹះស្ថានរដ្ឋ និងឯកជនានា ដូចជាសាលារៀន មន្ទីរពេទ្យ ភោជនីយដ្ឋាន ធនាគារ ជាពិសេសបណ្តារោងចក្រ សហគ្រាសជាច្រើនស្ថិតនៅព័ទ្ធជុំវិញ និងជាតំបន់អភិវឌ្ឍន៍អាទិភាពនៃប្លង់មេរបស់រាជរដ្ឋាភិបាលផងដែរនោះ ថែមទាំងមានតម្លៃថោកសមរម្យ ផ្តល់លក្ខណៈងាយស្រួលក្នុងទិញដោយបង់រំលស់ ជាពិសេស មានការផ្តល់ជូននូវប្លង់រឹងស្របច្បាប់ (ប្លង់បំបែកក្បាលដី) ដល់អតិថិជនដើម្បីផ្តល់នូវទំនុកចិត្តខ្ពស់បំផុតទៀតផង។
ដោយឡែក ដើម្បីជាការអបអរសាទរពិធីបុណ្យចូលឆ្នាំថ្មីប្រពៃណីចិន នាពេលខាងមុខនេះ គ្រប់អតិថិជនទាំងអស់ដែលធ្វើការកក់ ឬទិញដីឡូតិ៍គម្រោងទី៤របស់ក្រុមហ៊ុន គន្ធាម អចលនទ្រព្យ ចាប់ពីពេលនេះរហូតដល់ដំណាច់ខែមីនា ឆ្នាំ២០២០ នឹងទទួលបានការបញ្ចុះតម្លៃយ៉ាងពិសេសចាប់ពី១០០០-២០០០ដុល្លារភ្លាមៗផងដែរ។
បច្ចុប្បន្ននេះ នៅក្នុងស្រុកអង្គស្នួល ខេត្តកណ្តាល មានឃុំចំនួន១០ និង២០០ភូមិ និងមានប្រជាពលរដ្ឋរស់នៅជាង៨ម៉ឺននាក់។ នៅក្នុងស្រុកមួយនេះមានរោងចក្រ សហគ្រាសខ្នាត មធ្យម និងខ្នាតធំ ដែលកំពុងដំណើរការមានសរុបចំនួន៧៧ និងមានបុរីលំនៅដ្ឋានចំនួន២ទីតាំង ស្ថិតនៅក្នុងឃុំបែកចាន ហើយក្រៅពីនេះមានគម្រោងអភិវឌ្ឍដោយ វិនិយោគលើការពុះដីឡូតិ៍ជាច្រើនទីតាំង៕
សម្រាប់ព័ត៌មានលម្អិតនៃការទិញ-លក់ដីឡូតិ៍ គម្រោងទី៤ ខាងលើនេះអាចទាក់ទងបានតាមរយៈទូរស័ព្ទលេខ ០១២ ៤០៧ ៤០៣ / ០៦៩ ៤៨០ ០០៩ / ០១៦ ៩៩២ ០០៨ / ០៩៦ ៤២២ ២២២២/ ០៨៦ ៥០០០ ៩៦ /០៧៨ ៨៨៨ ៥០៥៕
