ដោយ ហ្សូលី
ភ្នំពេញ៖ ផ្លូវជាតិលេខ ៥១ មានចម្ងាយប្រមាណជាង១៨គីឡូម៉ែត្រពីទីក្រុងភ្នំពេញ (គិតពីចោមចៅ ទៅផ្សារថ្នល់ទទឹង) បានក្លាយជាផ្លូវក្រវ៉ាត់ក្រុងដែលបណ្តុំដោយរោងចក្រ និងសហគ្រាសខ្នាតធំជាច្រើននាំគ្នាទៅវិនិយោគ។
ផ្លូវជាតិលេខ ៥១ ក្លាយជាផ្លូវក្រវ៉ាត់ក្រុងបណ្តុំដោយរោងចក្រ និងសហគ្រាសខ្នាតធំ
ផ្លូវជាតិលេខ៥១នេះតភ្ជាប់ពីផ្លូវជាតិលេខ៤ ត្រង់ចំណុចថ្នល់ទទឹងទៅផ្លូវជាតិលេខ៥ចំណុចផ្សារឧដុង្គ ដែលមានប្រវែង៣៧.៩៥គីឡូម៉ែត្រ ដែលបច្ចុប្បន្នកំពុងបង្ហាញពីសក្ដានុពលអភិវឌ្ឍ និងភាពទាក់ទាញយ៉ាងខ្លាំងជាមួយនឹងកត្តាប្រជាសាស្រ្ត ភូមិសាស្រ្ត រួមទាំងគម្រោងអភិវឌ្ឍន៍នានាជាច្រើន។ ដោយសារវិស័យឧស្សាហកម្មជម្រុញឱ្យតំបន់នេះប្រែក្លាយជា តំបន់សេដ្ឋកិច្ចពាណិជ្ជកម្ម អាស្រ័យលើការដឹកជញ្ជូន ដែលអំណោយផលដល់ប្រជាពលរដ្ឋក្នុងតំបន់ប្រកបមុខរបរ ជូញដូរជាដើម។
ផ្លូវ៥១ជាផ្លូវតំបន់ឧស្សាហកម្ម ដោយសារហេដ្ឋារចនាសម្ព័ន្ធផ្លូវ៥១ ជាផ្លូវក្រវ៉ាត់ក្រុងមានទំនាក់ទំនង ជាមួយផ្លូវជាតិលេខ៥តទៅផ្លូវជាតិលេខ៤ ធ្លុះទៅដល់ផ្លូវជាតិលេខ៣ ដែលនៅជិតកំពង់ផែរ ប្រសិនបើដាក់ទីតាំងធ្វើរោងចក្រ និងកន្លែងផលិតអ្វីផ្សេងៗ ងាយស្រួលចេញចូល និងដឹកទំនិញទៅផែរអន្តរជាតិ ដែលមាននៅកំពត់ ក្រុងព្រះសីហនុ និងខេត្តកោះកុង បានន័យថា តំបន់ផ្លូវ៥១ កៀកនឹងក្រុងផង ហើយងាយស្រួលក្នុងការដឹកជញ្ជូនវត្ថុធាតុដើម ផលិតផលសម្រេចចេញទៅផែរអន្តរជាតិផងដែរ ។
ហេតុនេះទើបបណ្តាលឱ្យក្រុមហ៊ុនអភិវឌ្ឍលំនៅដ្ឋានជាច្រើន ក្នុងនោះក៏មានបុរីអូរ៉ូរ៉ាស៊ីធី បានកំពុងវិនិយោគលំនៅដ្ឋាននៅតាមបណ្តោយផ្លូវជាតិដ៏សំខាន់និងមានសក្តានុពលនេះផងដែរ។ គម្រោង បុរី អូរ៉ូរ៉ា ស៊ីធី ផ្លូវជាតិលេខ៥១ (ឧដុង្គ) ក៏បានគិតគូរយ៉ាងឥតខ្ចោះ ទៅលើប្រព័ន្ធធារាសាស្ត្រ ផ្លូវថ្នល់ ខ្វែងខ្វាត់ធំទូលាយ ប្រព័ន្ធលូបង្ហូរទឹកស្អុយមានទំហំធំ មិនកកស្ទះ ពោរពេញដោយអំពូលភ្លើងអគ្គិសនីអមពេញដងផ្លូវ ដែលជាកត្តាមួយជម្រុញអោយតំបន់នេះកាន់តែមានសក្តានុពលសេដ្ឋកិច្ចទ្វេរដង។
ទាំងនេះជាកត្តាសំខាន់ៗសម្រាប់អតិថិជនដែលចង់ស្វែងរកលំនៅឋាន រស់នៅសមប្រកប ក្នុងទីប្រជុំជន បណ្តុំដោយសំណង់សហគ្រាសតូចធំនានា ក្បែរគម្រោង ជាពិសេសសាកសមសម្រាប់ការប្រកបអាជីវកម្ម បង្កើតមុខជំនួញ ដែលអាចរកនូវប្រាក់ចំណេញខ្ពស់ ចំពោះការទិញ-លក់ ឬដាក់ជួល ជាអគារការិយាល័យផ្សេងៗ ខណៈដែលតំបន់នេះ ជាតំបន់គោលដៅអភិវឌ្ឍបន្ថែមឱ្យក្លាយជាតំបន់រណបដែលទាក់ទាញបំផុត ។
បុរី អ៊ូរ៉ូរ៉ា ស៊ីធី គម្រោងឧត្តុង្គ ស្ថិតនៅលើផ្លូវជាតិលេខ៥១ ភូមិក្បាលអូរ ឃុំព្រះស្រែ ស្រុកឧដុង្គ ខេត្តកំពង់ស្ពឺ ដើម្បីទទួលបានព័ត៌មានលម្អិត អាចធ្វើការអញ្ជើញទៅដល់ទីតាំងការដ្ឋានផ្ទាល់ ឬទំនាក់ទំនងមកកាន់លេខទូរស័ព្ទ៖ 017 222 099 / 086 666 375 ៕
