ដោយ រ៉ាណេត
ភ្នំពេញៈ ស្របទៅនឹងការអំពាវនាវរបស់ក្រសួងសេដ្ឋកិច្ច និងហិរញ្ញវត្ថុ ដែលស្នើសុំដល់បណ្តាក្រុមហ៊ុនវិនិយោគ និងអភិវឌ្ឍន៍លំនៅដ្ឋាននានា ជួយបញ្ចុះតម្លៃផ្ទះ៧ភាគរយជូនដល់កម្មករ សមាគមអ្នកអភិវឌ្ឍន៍លំនៅឋានកម្ពុជា បានចេញសារលិខិតគាំទ្រ។
លោកឧកញ៉ា លី ហួរ ប្រធានសមាគមអ្នកអភិវឌ្ឍន៍លំនៅឋានកម្ពុជា កាលពីព្រឹកថ្ងៃទី១០ខែមីនា ឆ្នាំ២០២០នេះ បានចេញសារលិខិតគាំទ្រនូវសេចក្តីអំពាវនាវ របស់ក្រសួងសេដ្ឋកិច្ច និងហិរញ្ញវត្ថុទៅលើការស្នើសុំក្រុមហ៊ុនអភិវឌ្ឍន៍ និងលក់លំនៅឋាននានាក្នុងបញ្ចុះតម្លៃជូនបងប្អូនកម្មករ ដែលកំពុងប្រឈមនឹងការព្យួរការងារកាត់បន្ថយដល់ប្រាក់ចំណូលប្រចាំខែ។
