ដោយៈ រ៉ាណេត
ភ្នំពេញៈ គម្រោងដីឡូតិ៍ថ្មីមួយ ស្ថិតនៅស្រុករលាប្អៀរ ខេត្តកំពង់ឆ្នាំងបានចាប់ផ្តើមបើកលក់ក្នុងតម្លៃទាបត្រឹមតែ២៥០០ដុល្លារ ជាគំរោងដែលមានភាពសមស្របទៅនឹងការសាងសង់លំនៅដ្ឋាន ស្ថិតក្នុងតំបន់មានសក្ដានុពល ដែលផ្តល់ជូនដោយក្រុមហ៊ុនអចលនទ្រព្យ និងអភិវឌ្ឍន៍SHOW UP REAL ESTATE Co,.Ltd ។
នាយកក្រុមហ៊ុនSHOW UP REAL ESTATE Co,.Ltd លោក អ៊ិន ណាង បានមានប្រសាសន៍ប្រាប់ឱ្យដឹងតាមទូរស័ព្ទកាលពីថ្ងៃទី១៥ មិនាកន្លងមកថា នេះគឺជាការផ្ដល់ឱកាសសម្រាប់បងប្អូនដែលមានថវិកាតិច ចំណូលទាប ប៉ុន្តែចង់បានដីឡូតិ៍ទុកសម្រាប់សាងសង់លំនៅដ្ឋានស្នាក់នៅជាកម្មសិទ្ធិ ស្ថិនៅភូមិខ្នាយកកោះចាស់ ឃុំជើងគ្រាវ ស្រុករលាប្អៀរ ខេត្តកំពង់ឆ្នាំង ចុះពីផ្លូវជាតិលេខ៥ប្រមាណ២គីឡូម៉ែត្រតែប៉ុណ្ណោះ ដែលមានទំហំផ្ទៃដីរហូតដល់ជាង១៣ហិកតា។
លោកបន្តទៀតថា “វាជាឱកាសដ៏ល្អ និងកម្រមានណាស់ សម្រាប់គម្រោងដីឡូតិ៍លំនៅដ្ឋាន ដែលមានតម្លៃទាបនៅពេលបច្ចុប្បន្ននេះ រួមជាមួយនឹងការផ្ដល់ជូននូវជម្រើសកាន់តែងាយស្រួល ក្នុងការទិញដោយការបង់ផ្ដាច់ និងការរំលោះក្នុងរយៈពេលវែងផងដែរ”។ លោកបានបន្តទៀតថា “សម្រាប់អតិថិជនដែលទិញដីឡូតិ៍ នៅក្នុងគម្រោងថ្មីមួយនេះ នឹងទទួលបានផលចំណេញយ៉ាងច្រើន ដែលក្រៅពីមានតម្លៃទាបមិនធ្លាប់មាន ថែមទាំងអាចអាស្រ័យផលពីការរស់នៅ ក្នុងតំបន់ខាងលើនេះ តាមរយៈការបើកអាជីវកម្មលក្ខណៈគ្រួសារបានយ៉ាងប្រសើរថែមទាំងផង ជាពិសេសផ្តល់ឱកាសចំណេញក្នុងអត្រាខ្ពស់សម្រាប់អ្នកដែលទិញទុកលក់បន្ត”។
ពាក់ព័ន្ធទៅនឹងការរៀបចំ និងអភិវឌ្ឍន៍នៅក្នុងគម្រោងដីឡូតិ៍ថ្មី របស់ក្រុមហ៊ុនអចលនទ្រព្យShow Up Real Estate Co, Lttd ដែលស្ថិតនៅជាប់ផ្លូវរដ្ឋទំហំ៣០ម៉ែត្រ សុទ្ធតែត្រូវបានសិក្សាយ៉ាងលម្អិត រួមជាមួយការអនុវត្តទៅតាមដំណាក់កាល ដូចជាការរៀបចំហេដ្ឋារចនាសម្ព័ន្ធ នៅក្នុងគម្រោងរួមមានការកសាងផ្លូវថ្នល់ជាច្រើនខ្សែ ដែលមានទំហំ១០ម៉ែត្រ ងាយស្រួលក្នុងការធ្វើចរាចរណ៍ រួមជាមួយនឹងការបង្កើតតំបន់បៃតងអមនៅសងខាងផ្លូវ។ ក្រៅពីនេះនៅមានការបំពាក់អំពូលអគ្គិសនីសូឡា សម្រាប់បំភ្លឺតាមផ្លូវពេលយប់ មានបង្កប់បណ្តាញទឹកស្អាត មានប្រព័ន្ធបង្ហូរទឹកផងដែរ។
លោក អ៊ិន ណាង បានមានប្រសាសន៍បន្តទៀតថា “នៅក្នុងគម្រោងមួយនេះ ក្រុមហ៊ុននឹងធ្វើការអភិវឌ្ឍបន្ថែមជាច្រើនទៀត ដែលសុទ្ធតែផ្តល់នូវភាពល្អប្រសើរដល់សហគមន៍ និងផ្តល់ភាពងាយស្រួលដល់ការរស់នៅផងដែរ ដូចជា ការបង្កើតផ្សារសហគមន៍ តំបន់រមណីយដ្ឋាន ទីលានកីឡាបាល់ទាត់ សួនច្បារសាធារណៈ និងទីធ្លាសម្រាប់ហាត់ប្រាណ គម្រោងបង្កើតសាលារៀនឯកជនបន្ថែម លើគម្រោងអភិវឌ្ឍន៍វិស័យឧស្សាហកម្មរបស់ឯកជនជាច្រើនគម្រោងទៀត”។
ជាមួយនឹងការផ្តល់ជូននូវគម្រោងថ្មី ដីឡូតិ៍តម្លៃទាបដែលមានទីតាំង ដូចបានជម្រាបជូនខាងលើនេះ ក្រុមហ៊ុននឹងចាប់ផ្ដើមបើកលក់ជាផ្លូវការនៅថ្ងៃអាទិត្យទី២២ ខែមីនា ឆ្នាំ២០២០ឆាប់ៗខាងមុខ ដោយអតិថិជនដែលមានចំណាប់អារម្មណ៍ អាចធ្វើការទាក់ទងកក់ប្រាក់មុនបានចាប់ពីពេលជូនដំណឹងនេះតទៅ។ រួសរាន់ឡើង អ្នកមកមុន មានឱកាសទទួលបានទីតាំងល្អមុនគេ។
សម្រាប់ព័ត៌មានលម្អិតអាចសាកសួរបន្ថែមបាន តាមរយៈទូរស័ព្ទលេខ ៖ ០១២ ៥៥៥ ២៦៥ / ០១០ ៧៨៤ ១៧៧
