ដោយ វុត្ថា
ភ្នំពេញ៖ មជ្ឈមណ្ឌលបច្ចេកវិទ្យាចេនទ្បាថ្មី ដែលមានទីតាំងនៅជាប់សាលមហោស្រពចេនទ្បា នឹងមានវត្តមានឆាប់ៗខាងមុខនេះ សម្រាប់ បោះដុំគ្រឿងបន្លាស់ ផ្គត់ផ្គង់គ្រឿងបរិក្ខារបច្ចេកវិទ្យាទូរស័ព្ទដៃ និងគ្រឿងអេឡិចត្រូនិកទូទៅ ដែលមានផាសុកភាព និងទំនើបទាន់សម័យដ៏ធំក្នុងទីក្រុងភ្នំពេញ។
បើតាមការឱ្យសារព័ត៌មាននានា បានឱ្យដឹងថា មជ្ឈមណ្ឌលបច្ចេកវិទ្យាចេនទ្បាថ្មី នឹងបើកដំណើការនៅក្នុងខែកក្កដា ឆ្នាំ២០២០ខាងមុខនេះ ក្នុងការផ្តល់ សេវាកម្មពាក់ព័ន្ធនឹងបច្ចេកវិទ្យាទូរស័ព្ទដៃ ព្រមទាំងគ្រឿងអេឡិចត្រូនិកទូទៅសម្រាប់ប្រជាជនកម្ពុជាគ្រប់ ស្រទាប់វណ្ណៈផងដែរ។
គម្រោងនេះរំពឹងថានឹងអាចចូលរួមចំណែកបន្តអភិវឌ្ឍ និងពង្រីកវិស័យទីផ្សារផ្នែកបច្ចេកវិទ្យានៅក្នុងប្រទេសកម្ពុជា ឱ្យកាន់តែមានភាពសម្បូរបែបដូចទៅនឹងបណ្តា ប្រទេសជិតខាងក្នុងតំបន់ផងដែរ។ មជ្ឈមណ្ឌលបច្ចេកវិទ្យាចេនទ្បាថ្មីនេះ នឹងរួមបញ្ចូលគ្នាជាមួយការលក់ដូរគ្រឿងបរិក្ខារបច្ចេកវិទ្យា និងផ្គត់ផ្គង់សេវាកម្មគ្រប់ប្រភេទ ទាំងអស់រាប់រយមុខពាក់ព័ន្ធនឹងបច្ចេកវិទ្យា និងគ្រឿងអេទ្បិចត្រូនិកផងដែរ៕
