ដោយ ៖ រ៉ាណេត
ព្រះសីហនុៈ តំបន់ឆ្នេររាម នៃខេត្តព្រះសីហនុ កំពុងបង្ហាញសក្តានុពលកាន់តែខ្លាំង ដោយគំរោងវិនិយោគថ្មីមួយ Crystalville Ream Beach ដែលមានទុនវិនិយោគសរុបរហូតដល់១០០០លានដុល្លារ គ្រោងនឹងចាប់ផ្ដើមបើកការដ្ឋានសាងសង់ក្នុងជំហានដំបូងនៅពេលឆាប់ៗខាងនេះ។
គម្រោងអភិវឌ្ឍន៍ទីក្រុងរាមCRYSTAL VILLE REAM BEACH តម្លៃ១០០០លានដុល្លារ នឹងចាប់បើកការដ្ឋានក្នុងពេលដ៏ខ្លីខាងមុខនេះ
គម្រោងអភិវឌ្ឍន៍ទីក្រុងរាម CRYSTAL VILLE REAM BEACH ដែលមានទំហំទឹកប្រាក់វិនិយោគយ៉ាងសន្ធឹកសន្ធាប់ ដែលនឹងធ្វើឱ្យតំបន់រាម ខេត្តព្រះសីហនុ ក្លាយជាទីឋានដ៏អស្ចារ្យដែលមានការអភិវឌ្ឍចំរុះ ដូចជាបណ្តុំលំនៅដ្ឋានប្រភេទវីឡា កម្រិតអភិជន មជ្ឈមណ្ឌលពាណិជ្ជកម្ម ផ្សារទំនើប និងសណ្ឋាគារផ្កាយ៥ រួមនឹងតំបន់កម្សាន្តជាច្រើនទៀត ក្រោមការវិនិយោគរួមគ្នារវាងក្រុមហ៊ុនក្នុងស្រុក និងក្រុមហ៊ុនដ៏ធំមកពីសឹង្ហបូរី។
នាយិកាគ្រប់គ្រងផ្នែកលក់គម្រោងអភិវឌ្ឍន៍ទីក្រុងរាម CRYSTAL VILLE REAM BEACH កញ្ញាលីម សុខដាវីន បានបង្ហើបប្រាប់តាមទូរស័ព្ទកាលពីល្ងាចថ្ងៃទី១៨ ខែមីនា ឆ្នាំ២០២០កន្លងមកថា “នៅក្នុងគម្រោងអភិវឌ្ឍន៍ទីក្រុងស៊ីវិល័យដ៏ធំមួយនេះ នឹងត្រូវបានបែងចែកជាដំណាក់កាល និងតំបន់ផ្សេងគ្នាជាច្រើន ដែលក្នុងនោះរួមមានដូចជា លំនៅដ្ឋានលំហែរកាយបែបវីឡាកម្រិតអភិជន (៣ប្រភេទផ្សេងគ្នា) សណ្ឋាគារអន្តរជាតិលំដាប់ផ្កាយ៥ ផ្សារទំនើប ក្លឹបលើឆ្នេរសមុទ្រ រួមជាមួយនឹងអាងហែលទឹកសមុទ្រសិប្បនិម្មិត CRYSTAL LAGOON ដ៏ធំនៅចំកណ្តាលគម្រោងអភិវឌ្ឍន៍ ដែលមានទំហំរហូតដល់៦ហិកតា”។
លំនៅដ្ឋានបែបវីឡាទាំង៣ប្រភេទ ដែលស្ថិតនៅក្នុងគម្រោងអភិវឌ្ឍន៍ដ៏ធំ និងើកដំបូងនៅក្រុងរាមមួយនេះ គឺសុទ្ធតែមានលក្ខណៈខុសប្លែកពីគម្រោងទូទៅ ដោយសារតែក្រុមហ៊ុនវិនិយោគ និងអភិវឌ្ឍន៍ផ្តោតសំខាន់ទៅលើភាពច្នៃប្រឌិត បង្កើតសោភ័ណភាពស្រស់ស្អាត និងប្រណីតភាព ស័ក្ដិសមទៅនឹងប្រភេទវីឡាស្នាក់នៅ បែបលំហែរកាយនៅតំបន់ឆ្នេរសមុទ្រជិតឧទ្យានជាតិរាម ខេត្តព្រះសីហនុ។
កញ្ញាបានបន្តទៀតថា “អ្វីដែលរឹតតែអស្ចារ្យ និងជាភាពទាក់ទាញនៅក្នុងគម្រោងមួយនេះ ក្រៅតែពីជាវីឡាសម្រាប់ស្នាក់នៅលំហែរកាយ គឺនៅមានភាពអស្ចារ្យជាច្រើនទៀត ក្រោមគំនិតច្នៃប្រឌិតរបស់អ្នកជំនាញមកពីសាំងហ្គាពួរ”។កញ្ញាបន្តថា “គ្រប់វីឡាទាំងអស់សុទ្ធតែមានអាងហែកទឹកនៅពីមុខ ត្រូវតាមក្បួនហុងស៊ុយជនជាតិចិន មានកន្លែងអង្គុយសម្រាកលេង ឬដេកហាលកំដៅថ្ងៃនាតំបន់សមុទ្រ មានតំបន់ម្លប់ឈើបៃតងនៅព័ទ្ធជុំវិញ ហើយនៅលើដំបូលក៏មានកន្លែងអង្គុយលេង ឬទទួលទានអាហារលក្ខណៈគ្រួសារផងដែរ”។
កញ្ញាបន្តថា សម្រាប់ការចាប់ផ្ដើមអភិវឌ្ឍន៍ ក្នុងដំណាក់កាលដំបូង ដែលមានការសាងសង់លំនៅដ្ឋានបែបវីឡាដូចបានបញ្ជាក់ខាងលើនេះ ក្រុមហ៊ុនក៏មានការអភិវឌ្ឍទៅលើគម្រោងអគារខុនដូលំដាប់អន្តរជាតិCITADINES ដែលមានកម្ពស់១០ជាន់ ស្មើនឹងប្រមាណ៦០០យូនីតផងដែរ។
ជាមួយគ្នា ជាការអបអរសាទរជាមួយ នឹងគម្រោងនៃការបើកការដ្ឋានសាងសង់នៅពេលឆាប់ៗខាងមុខ ក្រុមហ៊ុនបានរៀបចំកម្មវិធីយ៉ាងពិសេសជាច្រើន សម្រាប់អតិថិជន ដែលក្រៅពីទទួលបានការបញចុះតម្លៃថោកជាងទីផ្សារ ថែមទាំងទទួលបានអត្ថប្រយោជន៍បន្ថែមជាច្រើនទៀតដូចជា ទទួលបានកម្មវិធីដំណើរកម្សាន្ត ទៅកាន់ប្រទេសបណ្តាប្រទេសនានារយៈពេល១៤ថ្ងៃក្នុង១ឆ្នាំ ដោយស្នាក់សណ្ឋាគារ ឬអាផាតដ៏ល្បីឈ្មោះ CITADINES ដែលស្ថិតនៅក្នុង ASCOTT GROUP ហើយអ្វីដែលរឹតតែពិសេសជាងនេះ គឺការទទួលបានការធានា ពីក្រុមហ៊ុនក្នុងជួលត្រឡប់មកវិញ ក្នុងរយៈពេលរហូតដល់១០ឆ្នាំ។
គម្រោងអភិវឌ្ឍន៍ទីក្រុងរាម CRYSTAL VILLE REAM BEACH ក្នុងដំណាក់ដំបូងនេះ ស្ថិតនៅតំបន់ដែលពោរពេញ ទៅដោយសម្រស់ធម្មជាតោយ៉ាងត្រកាល ដោយនៅពីក្រោយគម្រោងមានជួរភ្នំដ៏ខ្ពស់ និងវែងអន្លាយ នៅពីគម្រោងជាប់ជាមួយនឹងបឹងកោងកាង នៅចំពីមុខគម្រោងជាឆ្នេរសមុទ្រដ៏ស្រស់ស្អាត ភ្ជាប់ជាមួយនឹងមហាវិថីឆ្នេររាម ដែលមានទំហំ៥០ម៉ែត្រ តភ្ជាប់ទៅកាន់ឆ្នេរអូរត្រេះ៕
https://www.facebook.com/101737261223131/videos/976848716000960/
