ដោយ វុត្ថា
ភ្នំពេញ៖ សួនឧស្សាហកម្មដ៏ធំមួយ ស្ថិតនៅលើផ្ទៃដីជិត២៤៦ហិកតា បានចាប់ផ្តើមសាងសង់នៅកម្ពុជា ដែលជាផ្នែកមួយយ៉ាងសំខាន់ក្នុងការជំរុញវិស័យឧស្សាហកម្មកម្ពុជា ឲ្យរីកចម្រើនមួយកម្រិតទៀត។
សួនឧស្សាហកម្មខេម អិម ជេ បានចាប់ផ្តើមសាងសង់នៅដើមសប្តាហ៍នេះ។ សួនឧស្សាហកម្មដ៏ធំនេះ មានទីតាំងស្ថិតនៅតាមបណ្តោយផ្លូវជាតិលេខ៣ ដែលមានចម្ងាយ៣២គីឡូម៉ែត្រពីរាជធានីភ្នំពេញ។ គម្រោងសួនឧស្សាហកម្មនេះ ជាគម្រោងអភិវឌ្ឍន៍លើវិស័យកសិកម្ម ដឹកជញ្ជូន និងការអភិវឌ្ឍប្រព័ន្ធ ”O2O” ទន្ទឹមនឹងនេះផងដែរវាមានរួមបញ្ចូលគម្រោងផ្សេងៗទៀត ដូចជា កសិកម្មអេកូឡូស៊ី រោងចក្រ ឃ្លាំងស្តុកទំនេញ បន្ទប់ស្នាក់នៅសម្រាប់បុគ្គលិក ខុនដូសម្រាប់រស់នៅ អាហារដ្ឋាន ផ្សារទំនើប គ្លីនិក ការិយាល័យ មជ្ឈមណ្ឌលសន្និបាតនិងតាំងពិព័រណ៍ជាដើម។
មិនអាចទាក់ទងសុំការអត្ថាធិប្បាយពីក្រុមហ៊ុនវិនិយោគ សាងសង់សួនឧស្សាហកម្មនេះនោះទេ៕
