ដោយៈ ម៉ាណេត
ភ្នំពេញៈ កម្ពុជាស្ថិតក្នុងចំណោមប្រទេស ដែលមានការរីកចម្រើនលឿនបំផុតរបស់ពិភពលោក ហើយក៏ជាទីផ្សារឈានមុខគេមួយ ដែលងាយស្រួលវិនិយោគសម្រាប់វិនិយោគិនបរទេស។
វិនិយោគិនអន្តរជាតិៈ កម្ពុជានៅតែជាទិសដៅវិនិយោគលើអចលនទ្រព្យដ៏ប្រសើរ ធៀបនឹងប្រទេសក្នុងតំបន់
ដោយសារប្រទេសកម្ពុជា មិនទាន់មានការវិនិយោគគ្រប់គ្រាន់ និងមានតម្លៃទាប សម្រាប់ការវិនិយោគ ក្រុមហ៊ុនពហុជាតិសាសន៍រួមទាំងSamsung និង Nike ទើបតែចាប់ផ្តើមវិនិយោគនៅប្រទេសកម្ពុជានាពេលថ្មីៗនេះ។ នេះបើយោងតាមការចេញផ្សាយរបស់គេទំព័រ Investasian នៅថ្ងៃទី៤ ខែសីហា ឆ្នាំ២០២១។
ដូចគ្នានេះដែរ វិនិយោគិនបរទេសកំពុងចូលមក ទីផ្សារអចលនទ្រព្យនៅកម្ពុជា ដែលអាផាតមិន (លំនៅដ្ឋានក្នុងការអាគារខ្ពស់) មួយចំនួននៅកណ្តាលទីក្រុងនៃរាជធានីភ្នំពេញពេលខ្លះ មានតម្លៃត្រឹមតែ១០០០ដុល្លារអាមេរិកក្នុងមួយម៉ែត្រការ៉េ។ ជនបរទេសអាចកាន់កាប់អចលនទ្រព្យនៅកម្ពុជាបាន។
វិនិយោគិនអន្តរជាតិជាច្រើនកំពុងទិញភាគហ៊ុន និងអចលនទ្រព្យនៅក្នុងទិសដៅលេចធ្លោ ដូចជា ប្រទេសថៃដោយគិតថា ពួកគេបានធ្វើពិពិធកម្មវិនិយោគនៅបរទេសដោយជោគជ័យ។ ទោះយ៉ាងណា វិនិយោគទាំងនេះកំពុងបាត់បង់ឱកាសល្អប្រសើរនៅកម្ពុជា។
លោក Reid Kirchenbauer ជាស្ថាបនិកនៃក្រុមហ៊ុន InvestAsian បានថ្លែងថា “ខ្ញុំរីករាយជាមួយប្រទេសថៃ ហើយចំណាយពេលវេលាសមរម្យ របស់ខ្ញុំនៅទីនោះជារៀងរាល់ឆ្នាំ។ ប៉ុន្តែអត្រាកំណើនផលិតផល ក្នុងស្រុកសរុបប្រចាំឆ្នាំរបស់ពួកគេមានត្រឹមតែ៣.៧%ប៉ុណ្ណោះ។ យើងកំពុងនិយាយអំពីល្បឿន ដែលស្ទើរតែខ្ពស់ជាងនៅសហរដ្ឋអាមេរិក និងយឺតជាងម៉ាឡេស៊ី ដែលជាប្រទេសជិតខាង ដែលមានការអភិវឌ្ឍន៍ខ្ពស់ជាងគេបន្តិច។
សេដ្ឋកិច្ចរបស់ប្រទេសថៃ ពឹងផ្អែកយ៉ាងខ្លាំងទៅលើទុនបរទេសមិនថា តាមរយៈ វិស័យទេសចរណ៍ ឬការវិនិយោគផ្ទាល់ពីបរទេស។ ជាធម្មតា យើងអាចសន្មត់ថា ទីផ្សារអាស៊ី ដែលកំពុងរីកចម្រើន នឹងមានភាពធន់នឹងវិបត្តិហិរញ្ញវត្ថុ ដែលមានដើមកំណើតនៅអឺរ៉ុប ឬអាមេរិក។ ទោះយ៉ាងណា វានឹងមិនត្រឹមត្រូវទេ។
លោកបានថ្លែងថា ជាការប្រៀបធៀប ប្រទេសកម្ពុជាមានកំណើនសេដ្ឋកិច្ចជាង៧%ជារៀងរាល់ឆ្នាំ។ ខណៈពេលដែលស្ទើរតែគ្រប់ប្រទេសផ្សេងទៀត តែងតែធ្វើការព្យាករណ៍ ពីផលិតផលក្នុងស្រុកសរុបរបស់ពួកគេថានឹង ធ្លាក់ចុះ ប៉ុន្តែប្រទេសកម្ពុជាតែងតែមានកំណើនសេដ្ឋកិច្ច ហើយកើនលើសពីការរំពឹងទុកខ្ពស់។
លោកបន្តថា “អ្នកនឹងយល់ពីមូលហេតុដែលខ្ញុំណែនាំប្រទេសកម្ពុជា។ ឥឡូវនេះ ដល់ពេលត្រូវរៀនពីវិធីផ្សេងៗ ដែលអ្នកអាចវិនិយោគនៅទីនេះក្នុងនាមជាជនបរទេស”។
អ្នកខ្លះគិតថា ប្រទេសកម្ពុជាគ្មានផ្សារហ៊ុន។ តាមពិត មានក្រុមហ៊ុនចំនួន៧ ដែលបានចុះបញ្ជីនៅផ្សារហ៊ុនរបស់ខ្លួននាពេលបច្ចុប្បន្ននេះ។
ភាគច្រើននៃពួកគេគឺជាសាជីវកម្ម ដែលអ្នកផ្តល់សេវាកម្មទឹកស្អាត និងប្រតិបត្តិករកំពង់ផែជាដើម ហើយក៏មានធនាគារ អ្នកអភិវឌ្ឍន៍អចលនទ្រព្យ និងក្រុមហ៊ុនផ្សេងទៀតផងដែរ។
លោក Reid Kirchenbauer អចលនទ្រព្យនៅកម្ពុជា គឺជាការវិនិយោគមួយល្អប្រសើរ ប្រសិនបើអ្នកដឹងថា អ្នកកំពុងធ្វើអ្វីទាក់ទងនឹងការវិនិយោគនៅទីនេះ។ គម្រោងខុនដូថ្មីភាគច្រើនមានតម្លៃថ្លៃ ប៉ុន្តែអាផាតមិនឬShophouse គឺជាវិនិយោគមួយ ដែលមិនគួរឱ្យជឿនៅក្នុងតំបន់ជាក់លាក់។
លោកបានឱ្យដឹងទៀតថា “ភ្នំពេញក៏ជារាជធានីមួយ ក្នុងចំណោមរាជធានីនៅលើពិភពលោក ដែលអ្នកអាចទិញអចលនទ្រព្យ ក្នុងតម្លៃក្រោម១០០០ដុល្លារអាមេរិកក្នុងមួយម៉ែត្រការ៉េ។ ជំនឿរបស់ខ្ញុំគឺថាតម្លៃនឹងកើនឡើងពីទីនេះ”៕
