ដោយៈសុខ ហេង
ភ្នំពេញៈ បុរីប្រណីតលំដាប់អន្តរជាតិ ដែលឌីសាញដោយស្ថាបត្យករល្បីឈ្មោះGB Residence បានប្រកាសលក់ជាផ្លូវការហើយនាព្រឹកថ្ងៃទី៦ កញ្ញានេះ ដោយមានការចូលរួមពីអ្នកអភិវឌ្ឍន៍ ភ្នាក់ងារអចលនទ្រព្យ និងតារាល្បីៗជាច្រើននៅកម្ពុជា។
បុរីស្ថិតនៅជាប់ផ្លូវក្រវ៉ាត់ក្រុងទី៣ ដែលមានចម្ងាយប្រមាណ៧គីឡូម៉ែត្រពីផ្លូវ៦០ម៉ែត្រ និងពីព្រលានយន្តហោះអន្តរជាតិភ្នំពេញថ្មីនេះ បាននិងកំពុងទាក់ទាញការចាប់អារម្មណ៍ច្រើនពីសាធារណៈជន ដោយសារបុរីនេះមានទីតាំងល្អ អាចប្រកបអាជីវកម្មបាន។
ចូលរួមក្នុងពិធីសម្ភោធបើកលក់ជាផ្លូវការនេះ ធ្វើឡើងក្រោមវត្តមានលោកឧកញ៉ាតាំង គួងហាវអគ្គនាយកបុរីGB Residence និងអ្នកនាងគ្រុយ ស្រីខួចនាយិកាក្រុមហ៊ុនCMC Real Estate ដែលបានទទួលសិទ្ឋលក់ផ្តាច់មុខលើគំរោងដែលស្ថិតនៅលើផ្ទៃដីប្រមាណ៩ហិកតានេះ។
អ្នកនាងគ្រុយ ស្រីខួច នាយិកាក្រុមហ៊ុន CMC Real Estate បានអោយដឹងថា បុរីជីប៊ីរេស៊ីដិន មាន ដូចជា Shop house ,ថ្វីនវីឡា មានជាប្រភេទផ្ទះអាជីវកម្មខ្នាតតូច និងមធ្យម ដែលផ្តល់នូវបរិយាកាសរស់នៅមនោរម្យ ពិសេសជាទីតាំងអាចប្រកបអាជីវកម្មបាន ព្រោះអ្នកដំណើរជាតិ អន្តរជាតិនឹងធ្វើដំណើរតាមផ្លួវនេះ ដើម្បីចូលមកកាន់រាជធានីភ្នំពេញ និងអាចសម្រាកលំហែរនៅទីនេះ នៅពេលពួកកេរង់ចាំការឡើងយន្តហោះទៅកាន់ប្រទេសនានា។
អ្នកនាងបន្តថា ក្នុងថ្ងៃសម្ភោធន៍បើកលក់ជាផ្លូវការនេះ មានប្រូម៉ូសិនពេសគឺ អតិថិជនមានត្រឹមតែ៥០០ដុល្លារប៉ុណ្ណោះ អាចទិញផ្ទះរបស់គម្រោងបុរីជីប៊ីរេស៊ីឌិនបានហើយអតិថិជនចំណាយមួយឆ្នាំតែ៦០០០ដុល្លារ ដោយបង់ប្រចាំខែតែ៥០០ដុល្លាររ បង់ថេរ ដោយគ្មានការប្រាក់ ពិសេសបើសម្រាប់អតិថិជនកក់ប្រាក់នៅថ្ងៃនេះ មានន័យថាគាត់កក់សម្រាប់រយះពេល១ឆ្នាំ។
ចូលរួមក្នុងពិធីនេះដែរ អ្នកនាង ស្វែង សុជា តាសម្តែងជើងចាស់ដ៏មានប្រជាប្រិយភាពប្រចាំប្រទេសកម្ពុជា បង្ហាញចំណាប់អារម្មណ៍ផងដែរថា នៅពេលដែលជិះមកតាមរង្វង់មូលកួរស្រូវឃើញថា ទីតាំងបុរីជីប៊ីរេស៊ីដិន ពោពេញដោយសក្តានុពលខ្លាំង ព្រោះបុរីនេះនៅជិតផ្សារទំនើបអីអនម៉ល៣ ក្បែរព្រលានយន្តហោះអន្តរជាតិភ្នំពេញថ្មី ជិតសាលាអន្តរជាតិ ហើយអ្នកនាងពិតជាស្រលាញ់ទីតាំងនេះខ្លាំងមែនទែន។
អ្នកនាងរំពឹងថា រយះពេលមួយឆ្នាំទៀតតំបន់នេះ នឹងមានការរីកចម្រើនលឿនហួសពីការរំពឹងទុក ចំណែកគ្រឹះនៃសំណង់បុរីនេះក៏ល្អ រឹងមាំ សាងសង់តាមស្តង់ដាតែម្តង ងាយស្រួលក្នុងរស់នៅ ឬទុកចំណេញបន្តនៅពេលក្រោយ។
ចំណែកលោក អិន សុធា តារាសម្តែងប្រុសដ៏មានប្រជាប្រិយភាពដែរនោះបានបង្ហាញចំណាប់អារម្មណ៍ថា លោកកំពុងស្វែងរកផ្ទះ ហើយគ្រាន់តែឃើញគម្រោងបុរីនេះភ្លាម លោកពេញចិត្តតែម្តង ព្រោះនៅជុំវិញពោពេញដោយសក្តានុពលជាច្រើន។
លោកបន្តថា គម្រោងនេះល្អ សំណង់មានភាពរ៉ឹងមាំ ទាំងបរិក្ខាខាងក្នុងសុទ្ធតែប្រណីត ឃើញហើយចង់នៅតែម្តង។ ចំណែកទីតាំងក៏ស្រួលរក ដោយគ្រាន់តែជិះចុះពីផ្លូវ៦០ម៉ែត្រ ជាប់និងផ្លូវក្រវ៉ាត់ក្រុងទី៣ ផ្លូវ៥០ម៉ែត្រចូលបុរី និងជិះតែ១៥នាទីប៉ុណ្ណោះពីផ្លូវសម្តេចតេជោឬផ្លូវ៦០ម៉ែត្រ និងមកដល់បុរីតែម្តង៕
