ស្វែងយល់ពីអាស៊ី! មហាយក្សចិនត្រៀមបង្អួតអាគារកំពស់ជិត៦០០ម៉ែត្រមួយទៀត

ដោយវុត្ថា

ភ្នំពេញ៖ មហាយក្សចិនមិនត្រឹមតែមានមនុស្សច្រើនជាងគេ នៅលើពិភពលោក តែប្រទេសនេះ ត្រូវបានគេចាត់ទុកថា ជាប្រទេសដែលមានសេដ្ឋកិច្ចលូតលាសលំដាប់ទី២ នៅក្នុងពិភពលោកបន្ទាប់ពីសហរដ្ឋអាមេរិក ។ មហាយក្សចិនក៏មានអគារខ្ពស់ៗកប់ពពកជាច្រើនផងដែរ ដើម្បីបង្ហាញដល់ពិភពលោក។

គេហទំព័រ propertyarea.asia នឹងបន្តបង្ហាញអគារមួយទៀតរបស់ចិន ដែលគ្រោងនឹងសម្ភោធដាក់ឲ្យដំណើរការជាផ្លូវការ នៅដើមឆ្នាំ២០១៩ ខាងមុខនេះ គឺ អាគារ Goldin Finance 117។

ចុចទីនេះដើម្បី Subscribe Telegram Channel «Property Area Asia» សម្រាប់ទទួលបានព័ត៌មានថ្មីៗ

-->

អាគារ Goldin Finance 117 ត្រូវបានគេស្គាល់ជាទូទៅថា ជាអាគារ China 117 Tower ដែលមានចំនួន១១៧ជាន់ ស្មើនឹងកម្ពស់៥៩៧ ម៉ែត្រ ដែលបានចាប់ផ្តើមសាងសង់នៅក្នុងឆ្នាំ២០០៨កន្លងទៅនេះ។ វាជាអាគារខ្ពស់លំដាប់ទី២ ក្នុងប្រទេសចិន ដោយខ្ពស់ជាអគារ Shanghai World Financial Center។

វាត្រូវបានពន្យាពេលសាងសង់នៅក្នុងឆ្នាំ ២០១០ រហូតដល់ឆ្នាំ ២០១១ ទើបចាប់ផ្តើមសាងសង់ឡើងវិញ ដោយគ្រោងនឹងបញ្ចប់នៅក្នុងឆ្នាំ២០១៨នេះ។ អាគារនេះមានជណ្តើរយន្តទាំងអស់ចំនួន៨៩។

អាគារនេះនឹងត្រូវប្រើប្រាស់ជាមជ្ឈមណ្ឌលពាណិជ្ជកម្មចម្រុះ ដែលរួមមានទាំងសណ្ឋាគារទំនើប លំនៅដ្ឋាន រោងភាពយន្ត និងការិល័យពាណិជ្ជកម្មជាដើម។

ស្ថាបត្យកម្មដ៏អស្ចារ្យនេះ បានសាងសង់នៅក្នុងសង្កាត់ Xiqing ខេត្តTianjin នៅក្នុងប្រទេសចិន។ អគារនេះសាងសង់នៅលំហំដី ៣៧០,០០០ ម៉ែត្រការ៉េ។

តាមគម្រោង អាគារនេះនឹងត្រូវចំណាយថវិកាសាងសង់កើនឡើង រហូតដល់ចំនួន១២០០លានដុល្លារសហរដ្ឋអាមេរិក ខណៈការគណនាតំបូងគំរោងនេះគ្រោងចំណាយត្រឹម៨២០លានដុល្លារសហរដ្ឋអាមេរិកប៉ុណ្ណោះ។

អាគារនេះផងដែរ ត្រូវបានគូប្លង់ដោយក្រុមហ៊ុនP&T Group  និងអភិវឌ្ឍន៍ដោយក្រុមហ៊ុនGoldin Properties Holdings Limited៕