ដោយ៖ សហការី
ភ្នំពេញ៖ ដើម្បីពង្រឹងគុណភាពនៃការបម្រើសេវាកម្មដល់អតិថិជនឱ្យកាន់តែល្អប្រសើរជាងមុន ក៏ដូចជាត្រៀមខ្លួនប្រកួតប្រជែងនៅលើទីផ្សារ ស្របពេលវិស័យសំណង់នៅកម្ពុជាមានការងើបឡើងខ្លាំងនោះ បានជំរុញឲ្យក្រុមហ៊ុន ខេអេច លែន បោះទុនទិញគ្រឿងចក្រ ក្នុងគោលបំណងបម្រើដល់ការអភិវឌ្ឍក្នុងគម្រោងទីក្រុងពាណិជ្ជកម្មភ្នំតូច គម្រោងក្រុងថ្មីដីមាសសំរោងលើ និងគម្រោងបន្តបន្ទាប់ទៀតរបស់ខ្លួន។
គ្រឿងចក្រទាំង៣គ្រឿង ដែលក្រុមហ៊ុនបានទិញរួមមាន ប៊ុល ឡានទឹក ឡានប៊ែន២៥តោន ជាគ្រឿងចក្រដែលមានសម្ថភាពខ្ពស់ម៉ាក CAT ដែលជាម៉ាកល្បី និងឈានមុខគេផ្នែកគ្រឿងចក្រទូទាំងពិភពលោក។
ការបោះទុនវិនិយោគនៅពាក់កណ្តាលឆ្នាំ២០២២នេះ ធ្វើឡើងក្នុងគោលបំណង ដើម្បីបំពេញតម្រូវការក្នុងការពង្រឹងគុណភាព នៃការសាងសង់ និងការអភិវឌ្ឍក្នុងគម្រោងទាំងមូល ប្រកបដោយគុណភាពខ្ពស់ និងបង្កើនទំនុកចិត្តជូនអតិថិជនរបស់ខ្លួន។
ក្រុមហ៊ុន ខេអេច លែន បានទទួលជោគជ័យក្នុងការអភិវឌ្ឍគម្រោងអចលទ្រព្យរបស់ខ្លួនជាច្រើនគម្រោងរួចមកហើយ ដែលសព្វថ្ងៃនេះគម្រោងទីក្រុងពាណិជ្ជកម្មភ្នំតូចរបស់ក្រុមក្រុមហ៊ុន ខេអេច លែន ស្ថិតនៅឃុំភ្នំតូច ស្រុកឧដុង្គ ខេត្តកំពង់ស្ពឺ មានសន្ទុះការអភិវឌ្ឍយ៉ាងសន្ធឹកសន្ធាប់ដែលគម្រោងទាំងមូលមានទំហំរហូតទៅដល់១០០ហិកតា ដែលជាប្រភេទគម្រោងអភិវឌ្ឍន៍បែបកូនកាត់ រួមមាន ដីឡូតិ៏ ផ្ទះអាជីវកម្ម វីឡាទោល វីឡាភ្លោះ និងវីឡាកូនកាត់។ ហើយក្នុងគម្រោង ក៏មានការរៀបចំតំបន់ពាណិជ្ជកម្មទាំង១០ និងមានផ្សារភ្នំតូចនៅក្នុងគម្រោងផ្ទាល់តែម្តង៕
