ដោយគង់ សូរិយា
ភ្នំពេញ: សម្តេចអគ្គមហាសេនាបតីតេជោហ៊ុន សែននាយករដ្ឋមន្រ្តីកម្ពុជាបានប្រកាសដាក់ចេញនូវគោលនយោបាយលើកកំពស់ធុរកិច្ច តាមរយៈការដកចេញមន្រ្តីនៅតាមព្រំដែនលើកលែកតែមន្រ្តីគយ និងអន្តោប្រវេសន៍។
ក្នុងជំនួបជាមួយអ្នកសារព៌តមានជាង៥០០០នាក់ នៅទីក្រុងកោះពេជ្រនាល្ងាចថ្ងៃទី១១ មករានេះសម្តេចតេជោបានថ្លែងថា សម្តេចបានឲ្យលោកឧបនាយករដ្ឋមន្រ្តីអូនព័ន្ឋមុនីរ័ត្ន រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ឲ្យដាក់ចេញគោលនយោបាយពង្រឹងឯករា ជ្យរបស់កម្ពុជា។សម្តេចបន្តថា បើទោះបីជាគ្មានភាពអនុគ្រោះពន្ឋដល់កម្ពុជា (ពីសហគមន៍អឺរ៉ុប)ក៏កម្ពុជាអាចរស់បានដែរ។
សម្តេចបានបន្តថា “ខ្ញុំបានសម្រេចអំបាញ់ម៉ិញ នៅតាមមាត់ច្រកតាមព្រំដែន ក្នុងការនាំចេញនាំចូល អត់មានស្ថាប័នណាក្រៅពីគយ និងមន្រ្តីអន្តោប្រវេសន៍នោះទេ”។លោកបន្តថា “ឲ្យតែពីរហ្នឹងទេ ក្រៅពីនោះដកចេញទាំងអស់ ទាំងកាំកុងត្រូលត្រូវដកចេញទាំងអស់ ដែលស្ថាប័ននានាវាបង្កើតទៅជាឧបសគ្គ នៃការរារាំងការធ្វើពាណិជ្ជកម្មទៅវិញទេ”។
