Hattha top Banner

មហាយក្សចិនចាប់ផ្ដើមដំណើរការវាលខួងប្រេងជ្រៅបំផុត ដែលផ្ទុកកំណប់ប្រេង និងឧស្ម័នមហាសាល

0

ដោយៈ តែម សុខុម

ប៉េកាំងៈ មហាយក្សចិន កាលពីថ្ងៃអាទិត្យ ចុងសប្តាហ៍កន្លងទៅបានចាប់ផ្ដើមដំណើរការ ជាផ្លូវការនូវវាលខួងយករ៉ែប្រេង មានជម្រៅជ្រៅបំផុត និងធំបំផុតរបស់ខ្លួន។

យោងតាមកាសែត China Daily ចុះផ្សាយនៅថ្ងៃពុធ ទី៨ ខែវិច្ឆិកា នេះបានឱ្យដឹងថា វាលខួងប្រេង Fuman Oilfield ដែលមានជម្រៅជ្រៅបំផុត និងធំបំផុតប្រចាំប្រទេសចិន មានផ្ទុកកំណប់ប្រេង និងឧស្ម័នដ៏ច្រើនមហាសាល។

ទីវាលខួងប្រេងនេះ មានភូមិសាស្ត្រស្ថិតនៅវាលខ្សាច់ Taklamakan Desert ក្នុងតំបន់ស្វយ័តស៊ីនជាំង (Xinjiang) ទីដែលជនជាតិដើមភាគតិចវីហ្គួ (Uyghur) កាន់សាសនាអ៊ីស្លាម រស់នៅ។សាខានៃក្រុមហ៊ុន PetroChina ដែលជាក្រុមហ៊ុនផលិតប្រេង និងឧស្ម័នឈានមុខគេរបស់ប្រទេសចិន បានទម្លាយឱ្យដឹងថា ទីវាលខួងប្រេងនេះ ត្រូវគេជឿថាមានផ្ទុកកំណប់រ៉ែប្រេង និងឧស្ម័នជាង១ពាន់លានតោន ដែលភាគច្រើនត្រូវបានរកឃើញក្រោមដី ក្នុងជម្រៅចន្លោះពី៧.៥០០ ទៅ១០.០០០ម៉ែត្រ។

ទីវាលខួងប្រេង Fuman Oilfield ត្រូវបានរំពឹងថា នឹងអាចផលិតប្រេង និងឧស្ម័នបានប្រមាណ៥លានតោន ក្នុងមួយឆ្នាំៗនៅឆ្នាំ២០២៥៕ China Daily ៕

LEAVE A REPLY

Please enter your comment!
Please enter your name here