ស្វែងយល់ពីអាគារពាណិជ្ជកម្មថ្មីពិភពលោកនៅបុរីNew York

0
  • ដោយ : វុត្ថា
    ភ្នំពេញ : ក្រោយការដួលរំលំនៃការបើកយន្តហោះបុក អាគារមជ្ឈមណ្ឌលពាណិជ្ជកម្មពិភពលោក នៅទីក្រុង New York កាលពីថ្ងៃទី១១ កញ្ញា ឆ្នាំ២០០១ វត្តមានអាគារពាណិជ្ជកម្មពិភពលោកទី១ថ្មីនៅទីក្រុងនេះ បានលេចឡើងក្នុងឧត្តមភាព។
    តើអាគារពាណិជ្ជកម្មពិភពលោកថ្មី ដែលមានឈ្មោះថា One World Trade Center មានលក្ខណៈសាងសង់ ពិសេសយ៉ាងដូចម្តេច ? គេហទំព័រPropertyarea.asia សូមនាំលោកអ្នកទៅស្វែងយល់ពីអាគារដ៏អស្ចារ្យមួយនេះដូចតទៅ :
    មជ្ឈមណ្ឌលពាណិជ្ជកម្មពិភពលោកទី១, 1 WTC ឬអគារសេរីភាព គឺជាអគារដ៏សំខាន់ បន្ទាប់ពីបានសាងសង់ឡើងវិញ ជំនួសអគារមជ្ឈមណ្ឌលពាណិជ្ជកម្មពិភពលោក (World Trade Center) នៅក្នុងតំបន់Lower Manhattan ក្នុងបុរីញូវយ៉ក សហរដ្ឋអាមេរិក។ វាជាអគារខ្ពស់ជាងគេបំផុតនៅអឌ្ឍគោលខាងលិច និងជាអគារខ្ពស់លំដាប់ទី៦ នៅលើពិភពលោក។

រចនាសម្ពន្ធនៃអគារនេះ មានឈ្មោះដូចគ្នាទៅនឹងអគារ North Tower នៃមជ្ឈមណ្ឌលពាណិជ្ជកម្មពិភពលោកដើម ដែលត្រូវបានបំផ្លាញនៅក្នុងការវាយប្រហារភេរវកម្មកាលពីថ្ងៃទី១១ ខែកញ្ញា ឆ្នាំ២០០១ ។
ស្ថាបត្យករអគារនេះ គឺលោក David Childs ដែលជាម្ចាស់ក្រុមហ៊ុន Skidmore Owings & Merrill (SOM) លោក David Childs ក៏បានរចនាគូរប្លងស្ថាប ត្យកម្មអគារ Burj Khalifa និងអគារWillis ផងដែរ។
អគារនេះបានក្លាយជាអគារខ្ពស់បំផុត នៅទីក្រុងញូវយ៉កនៅថ្ងៃទី៣០ ខែមេសា ឆ្នាំ២០១២ ដោយវ៉ាដាច់អគារខ្ពស់ជាងរបស់អង់គ្លេសក្នុងចក្រភពអង់គ្លេស (Empire State Building)។ អគារនេះបានសាងសង់បញ្ចប់នូវរចនាសម្ពន្ធនៅថ្ងៃទី៣០ ខែសីហាឆ្នាំ២០១២ ហើយកំពូលរបស់វាបញ្ចប់នៅថ្ងៃទី១០ ខែឧសភាឆ្នាំ២០១៣។ អាគារកប់ពពកនេះត្រូវបានដំឡើងកំពស់ ដែលធ្វើឱ្យអគារនេះរួមទាំងកំពស់របស់វាឡើងដល់កម្ពស់សរុប1.776 ហ្វីត (541 ម៉ែត្រ) ។
អគារមជ្ឈមណ្ឌលពាណិជ្ជកម្មពិភពលោក ដ៏មានឥទ្ធិពលនេះបានបើកដំណើរការជាផ្លូវការនៅថ្ងៃទី៣ ខែវិច្ឆិកា ឆ្នាំ ២០១៤។

នៅថ្ងៃទី២៦ ខែមីនា ឆ្នាំ២០០៩ អាជ្ញាធរកំពង់ផែញូវយ៉ក និងញ៉ូវជឺស៊ី (PANYNJ)បានបញ្ជាក់ថា អាគារដ៏ខ្ពស់នេះ នឹងដាក់ឈ្មោះជាផ្លូវការរបស់ខ្លួនគឺ “មជ្ឈមណ្ឌលពាណិជ្ជកម្មពិភពលោកមួយ” “One World Trade Center”ជាជាងឈ្មោះ “អគារសេរីភាព” “Freedom Tower”។
អគារនេះមាន១០៤ជាន់ ជាអគារស្តង់ដារខ្ពស់បំផុតរាប់ទាំងកំពូល ប៉ុន្ដែតាមពិតអគារនេះមានត្រឹមតែ៩៤ជាន់ប៉ុណ្ណោះ។

អគារមជ្ឈមណ្ឌលពាណិជ្ជកម្មពិភពលោកថ្មីនេះនឹងរួមបញ្ចូលអគារការិយាល័យអាគារខ្ពស់ចំនួនប្រាំនៅតាមបណ្តោយផ្លូវ Greenwich Street ព្រមទាំងមានសារមន្ទីរជាតិអនុស្សាវរីយ៍ទី ១១កញ្ញា (National September 11 Memorial & Museum) ដែលស្ថិតនៅភាគខាងត្បូងនៃ អគារ One World Trade Center ។ ការសាងសង់អគារថ្មីនេះគឺជាផ្នែកមួយនៃកិច្ចខិតខំប្រឹងប្រែងដើម្បីរំលឹក និងកសាងឡើងវិញបន្ទាប់ពីការបំផ្លិចបំផ្លាញនៃមជ្ឈមណ្ឌលពាណិជ្ជកម្មពិភពលោកដើម៕

LEAVE A REPLY

Please enter your comment!
Please enter your name here