ទីផ្សារជួលលំនៅដ្ឋាននៅទីក្រុងហុងកុងមានស្ថានភាពរឹងមាំ ស្របពេលមានកំណើនអតិថិជនមកពីចិនដីគោក

ដោយ: គង់ លាងហួរ
អន្តរជាតិ: ទីផ្សារជួលលំនៅដ្ឋានរបស់តំបន់រដ្ឋបាលពិសេសក្រុងហុងកុងនៃប្រទេសចិនត្រូវបានគេរំពឹងថា នឹងកើនឡើងដល់កម្រិតខ្ពស់បំផុតនៅខែតុលា ឆ្នាំ២០២៥ ដោយសារលំហូរនិស្សិត និងក្រុមអ្នកជំនាញមកពីតំបន់ចិនដីគោកហូរចូលកោះមួយនេះ។

យោងតាមសារព័ត៌មាន Bloomberg បានរាយការណ៍ថា តម្លៃជួលលំនៅដ្ឋានជាមធ្យមនៅទូទាំងទីក្រុងហុងកុងបានកើនឡើង១,១ភាគរយក្នុងខែកក្កដា ឆ្នាំ២០២៥ បើធៀបនឹងខែមិថុនា។នេះបើយោងតាមវេទិកាថ្នាលចុះបញ្ជីអចលនទ្រព្យSpacious.hk ។

តម្លៃជួលលំនៅដ្ឋាននៅតំបន់ North Point បានកើនឡើងក្នុងរង្វង់៨,៨ភាគរយ។ បច្ចុប្បន្ន តម្លៃជួលលំនៅដ្ឋាននៅទីក្រុងហុងកុងមានកម្រិតទាបជាងឆ្នាំ២០១៩ ក្នុងរង្វង់ត្រឹមតែ២,២ភាគរយប៉ុណ្ណោះ។នេះបើយោងតាមការចុះផ្សាយដោយសារព័ត៌មាន Bloomberg។