តម្រូវការលំនៅដ្ឋានទូទាំងប្រទេសអារ៉ាប៊ីសាអូឌីតចាប់ផ្តើមបង្ហាញសន្ទុះយ៉ាងលឿនរហ័ស ខណៈជនបរទេសអាចចូលវិនិយោគចាប់ពីឆ្នាំ២០២៦

ដោយ: គង់ លាងហួរ
អន្តរជាតិ: ការលក់លំនៅដ្ឋាននៅទីក្រុង Madinah សម្រេចបានកំណើនខ្ពស់ជាងគេបំផុតនៅទូទាំងប្រទេសអារ៉ាប៊ីសាអូឌីតក្នុងរយៈពេល៦ខែដំបូងនៃឆ្នាំ២០២៥ ដោយបានហក់ឡើង៤៩ភាគរយដល់ទំហំទឹកប្រាក់ប្រមាណ៩០៦លានដុល្លារអាមេរិក។

ការលក់លំនៅដ្ឋាននៅទីក្រុងផ្សេងទៀតក្នុងប្រទេសនេះក៏បានកើនឡើងផងដែរ ស្របពេលក្រុមអ្នកវិនិយោគមានភាពសុទិដ្ឋិនិយមចំពោះទីផ្សារអចលនទ្រព្យ ខណៈច្បាប់អនុញ្ញាតឱ្យបណ្តាអ្នកវិនិយោគបរទេសអាចទិញអចលនទ្រព្យ នឹងចូលជាធរមានចាប់ពីឆ្នាំ២០២៦។

លោក Faisal Durrani ប្រធានផ្នែកស្រាវជ្រាវនៅក្រុមហ៊ុនប្រឹក្សាអចលនទ្រព្យ Knight Frank បានអះអាងថា “វាលឿនពេកក្នុងការវាយតម្លៃអំពីទំហំឥទ្ធិពលលើទីផ្សារលំនៅដ្ឋាន។ ទោះជាយ៉ាងណា យើងសង្ឃឹមថា វត្តមានជនបរទេសនឹងជំរុញឱ្យតម្រូវការកើនឡើង”។