តម្លៃហាងឆេងមាសបានបន្តងើបឡើងថ្លៃនៅថ្ងៃសុក្រនេះ បន្ទាប់ពីស្ទុះងើបឡើងថ្លៃលើស៤.៣០០ដុល្លារក្នុងមួយអោន

ដោយ: គង់ លាងហួរ
អន្តរជាតិ: តម្លៃហាងឆេងមាសបានបន្តងើបឡើងថ្លៃក្នុងការជួញដូរនៅព្រឹកថ្ងៃសុក្រនេះ បន្ទាប់ពីតម្លៃមាសបានស្ទុះងើបឡើងថ្លៃលើស៤.៣០០ដុល្លារក្នុងមួយអោនជាលើកដំបូងកាលពីថ្ងៃព្រហស្បតិ៍ម្សិលមិញ។

តួយ៉ាង តម្លៃមាស Spot Gold បានងើបឡើង០,៤៣ភាគរយដល់ត្រឹម៤.៣៤៤ដុល្លារអាមេរិកក្នុងមួយអោន បន្ទាប់ពីបានបិទការជួញដូរត្រឹមទំហំទឹកប្រាក់ចំនួន៤៣២៥,៣៤ដុល្លារអាមេរិកក្នុងមួយអោនកាលពីថ្ងៃព្រហស្បតិ៍ម្សិលមិញ។

ជាមួយគ្នានេះ តម្លៃហាងឆេងមាសរបស់សហរដ្ឋអាមេរិក U.S. gold futures បានកើនឡើង១,០៧ភាគរយដល់៤៣៥០,៨ដុល្លារក្នុងមួយអោនគិតត្រឹមម៉ោង៩:៥១នាទីព្រឹកដូចគ្នា បន្ទាប់ពីបានបិទការជួញដូរត្រឹមទំហំទឹកប្រាក់ចំនួន៤៣០៤,៦ដុល្លារក្នុងមួយអោនកាលពីថ្ងៃព្រហស្បតិ៍ម្សិលមិញ៕