មហាសេដ្ឋីនីអចលនទ្រព្យចិនមួយរូបទិញដីនៅតំបន់លំនៅដ្ឋានដ៏ល្បីល្បាញមួយក្នុងទីក្រុងញូវយ៉កដើម្បីសាងសង់ខុនដូប្រណីត

ដោយ: គង់ លាងហួរ
អន្តរជាតិ: លោកស្រី Zhang Xin មហាសេដ្ឋីនីអចលនទ្រព្យចិន និងជាស្ថាបនិកក្រុមហ៊ុន Closer Properties បានទិញដីនៅក្នុងតំបន់លំនៅដ្ឋានដ៏ល្បីល្បាញមួយក្នុងទីក្រុងញូវយ៉ករបស់សហរដ្ឋអាមេរិកដើម្បីអភិវឌ្ឍន៍ខុនដូប្រណីត។

ក្រុមហ៊ុន Closer Properties របស់លោកស្រី Zhang បានទិញក្បាលដីចំនួន៥នៅជាប់គ្នានៅតំបន់ Upper East Side របស់ទីក្រុងញូវយ៉ក ដោយទូទាត់ជាសាច់ប្រាក់សរុបចំនួន៦២,៥លានដុល្លារអាមេរិក។នេះបើយោងតាមការចុះផ្សាយដោយកាសែត South China Morning Post។

ក្រុមហ៊ុន Closer Properties មានផលបត្រនៅទីក្រុង Boston និងទីក្រុងញូវយ៉ក។ ក្រុមហ៊ុននេះគ្រោងនឹងទិញក្បាលដីចំនួនមួយទៀតនៅតំបន់ជិតនោះនៅខែមិថុនា ឆ្នាំ២០២៦ ដោយបង្កើនការវិនិយោគសរុបដល់ទំហំទឹកប្រាក់ចំនួន៧៦លានដុល្លារអាមេរិក។