ដោយ: សហសេវិក
អន្តរជាតិ: តម្លៃផ្ទះនៅសហរដ្ឋអាមេរិកសម្រេចបានអត្រាកំណើនទាបបំផុតមិនធ្លាប់មានក្នុងរយៈពេលជាង២ឆ្នាំកន្លងមក ដោយសារអ្នកទិញទទួលបានប្រៀបក្នុងការចរចាលើតម្លៃផ្ទះ ស្របពេលតម្រូវការថយចុះ។ក្នុងនោះ តម្លៃផ្ទះនៅទីក្រុងញូវយ៉កបានកើនឡើងខ្ពស់ជាងទីក្រុងផ្សេងៗទៀត។
យោងតាមទិន្នន័យពីក្រុមហ៊ុន S&P Cotality Case-Shiller បានឱ្យដឹងថា តម្លៃផ្ទះនៅសហរដ្ឋអាមេរិកបានកើនឡើង១,៥ភាគរយកាលពីសីហា បើធៀបនឹងឆ្នាំមុន។ តួលេខនេះជាអត្រាកំណើនទាបបំផុតចាប់តាំងពីពាក់កណ្តាលឆ្នាំ២០២៦ បន្ទាប់ពីកើនឡើង១,៦ភាគរយនៅក្នុងខែកក្កដា។
ការថយចុះនៃកំណើនតម្លៃផ្ទះនៅសហរដ្ឋអាមេរិក ជាដំណឹងល្អសម្រាប់អ្នកទិញផ្ទះ បន្ទាប់ពីមានភាពតានតឹងជាយូរទាក់ទងនឹងកង្វះលទ្ធភាពទិញផ្ទះ ដែលបណ្តាលមកពីការកើនឡើងនៃតម្លៃផ្ទះ និងអត្រាការប្រាក់លើកម្ចីទិញផ្ទះមានកម្រិតខ្ពស់។
