ដោយ: សហសេវិក
អន្តរជាតិ: យោងតាមក្រុមហ៊ុនប្រឹក្សាអចលនទ្រព្យ Colliers Philippines បានឱ្យដឹងថា តម្រូវការខុនដូនៅទីក្រុងម៉ានីលរបស់ប្រទេសហ្វីលីពីនត្រូវបានគេរំពឹងថា នឹងកើនឡើងជាលំដាប់ចាប់ពីឆ្នាំ២០២៦ រហូតដល់ឆ្នាំ២០២៧ ដែលជំរុញដោយភាពប្រសើរឡើងនៃតម្រូវការខុនដូសម្រាប់អ្នកទិញដែលមានប្រាក់ចំណូលមធ្យម។
នៅក្នុងរបាយការណ៍ទីផ្សារអចលនទ្រព្យប្រចាំត្រីមាសទី៣ ក្រុមហ៊ុនColliers រំពឹងថា អត្រាខុនដូទំនេរ(Residential vacancy rate) នឹងកើនឡើងដល់២៦,៥ភាគរយនៅឆ្នាំនេះ មុនពេលធ្លាក់ចុះមកនៅត្រឹម២៦ភាគរយនៅឆ្នាំ២០២៦ និងមកត្រឹម២៤,៩ភាគរយនៅឆ្នាំ២០២៧។
លោក Joey Roi Bondoc នាយក និងជាប្រធានផ្នែកស្រាវជ្រាវរបស់ក្រុមហ៊ុន Colliers Philippines បានលើកឡើងថា អ្វីដែលលេចធ្លោនោះស្ថិតនៅត្រង់ថា ផ្នែកខុនដូសម្រាប់អ្នកទិញដែលមានប្រាក់ចំណូលមធ្យមនៅតែបន្តមានដំណើរការល្អប្រសើរ។
