ដោយ: សហសេវិក
អន្តរជាតិ: តម្លៃហាងឆេងមាសបានងើបឡើងថ្លៃបន្តិចក្នុងការជួញដូរនៅព្រឹកថ្ងៃចន្ទដើមសប្តាហ៍នេះ ខណៈភាពតានតឹងពាណិជ្ជកម្មរវាងសហរដ្ឋអាមេរិក និងប្រទេសចិនបានថមថយចុះ បន្ទាប់ពីជំនួបនាពេលថ្មីៗនេះរវាងប្រធានាធិបតីអាមេរិកលោក ដូណាល់ ត្រាំ និងប្រធានាធិបតីចិនលោក សុី ជីនពីង នៅក្នុងប្រទេសកូរ៉េខាងត្បូង។
តួយ៉ាង តម្លៃមាស Spot Gold បានងើបឡើង០,០៥ភាគរយដល់៤០០៣,៧៣ដុល្លារក្នុងមួយអោន គិតត្រឹមម៉ោង១០:០១នាទីព្រឹកថ្ងៃចន្ទនេះ បន្ទាប់ពីបានធ្លាក់ចុះដល់៤០០១,៧៨ដុល្លារក្នុងមួយអោនពេលបិទការជួញដូរត្រឹមកាលពីថ្ងៃសុក្រសប្តាហ៍មុន បើធៀបនឹងតម្លៃបិទការជួញដូរត្រឹម៤០២៣,២២ដុល្លារក្នុងមួយអោនកាលពីថ្ងៃព្រហស្បតិ៍។
ជាមួយគ្នានេះ តម្លៃមាស U.S. gold futures បានងើបឡើង០,៣៣ភាគរយដល់៤០០៩,៧ដុល្លារក្នុងមួយអោនគិតត្រឹមម៉ោង១០:០១នាទីព្រឹកដូចគ្នា បន្ទាប់ពីបានបិទការជួញដូរត្រឹមទំហំទឹកប្រាក់ចំនួន៤០១៣,៤០កាលពីថ្ងៃសុក្រសប្តាហ៍មុន និងចំនួន៤០១៥,៩ដុល្លារក្នុងមួយអោនកាលពីថ្ងៃព្រហស្បតិ៍៕
