ដោយ: សហសេវិក
អន្តរជាតិ: នៅឆមាសទី២ ឆ្នាំ២០២៥ ទីផ្សារអចលនទ្រព្យនៅតំបន់អាសុីកំពុងឈានចូលដំណាក់កាលមួយដ៏សំខាន់ ស្របពេលទីផ្សារបានបង្ហាញសញ្ញានៃការស្ទុះងើបឡើងវិញកាន់តែច្បាស់ឡើងៗ ដោយសារការបន្ធូរបន្ថយលក្ខខណ្ឌហិរញ្ញវត្ថុ។
ជាមួយគ្នានេះ ទំនុកចិត្តរបស់បណ្តាវិនិយោគិន និងភាពធន់នៃតម្រូវការអចលនទ្រព្យនៅក្នុងផ្នែកមួយចំនួន ដូចជា ភស្តុភារកម្ម មជ្ឈមណ្ឌលទិន្នន័យ និងការិយាល័យលំដាប់ខ្ពស់ បានជួយជំរុញសន្ទុះទីផ្សារអចលនទ្រព្យក្នុងតំបន់។
ក្រុមអ្នកវិភាគរំពឹងថា បរិយាកាសម៉ាក្រូសេដ្ឋកិច្ចនឹងកាន់តែមានភាពល្អប្រសើរនៅឆមាសទី២ ឆ្នាំនេះ ខណៈធនាគារកណ្តាលនានានៅទូទាំងតំបន់អាស៊ីកំពុងចាប់ផ្តើមកាត់បន្ថយអត្រាការប្រាក់សន្សឹមៗ បន្ទាប់ពីសម្ពាធអតិផរណាថយចុះ។
