ដោយ វុត្ថា
ភ្នំពេញ៖ ប្រទេសជប៉ុនបានចាប់ផ្តើមដាក់ឱ្យដំណើរការសាកល្បងនូវរថភ្លើងល្បឿនលឿនបំផុតក្នុងពិភពលោក ដែលមានឈ្មោះថា Alfa-X ដែលមានសមត្ថភាពរត់បានប្រហែល ៤០០គីឡូម៉ែត្រ ក្នុងមួយម៉ោង ។
យោងតាមការចុះផ្សាយរបស់សារព័ត៌មាន Bloomberg បានឱ្យដឹងនៅថ្ងៃទី ១០ ខែឧសភា ឆ្នាំ ២០១៩ៗនេះថា រថភ្លើងល្បឿនលឿន Alfa-X នឹងដាក់ឱ្យដំណើរជាផ្លូវការនូវសេវារថភ្លើងនេះ នៅក្នុងឆ្នាំ ២០៣០ ខាងមុខនេះ។
បើតាមក្រុមហ៊ុន Rail Company JR East មានគម្រោងដាក់ឱ្យប្រតិបត្តិការល្បឿនរត់ ៣៦០គីឡូម៉ែត្រក្នុងមួយម៉ោង ដែលជាល្បឿនលឿនជាងរថភ្លើងនៅក្នុងប្រទសចិន Fuxing Hao ប្រមាណ ១០គីឡូម៉ែត្រែក្នុងមួយម៉ោង ដែលរត់តភ្ជាប់ពីទីក្រុងប៉េកាំង និងទីក្រុងសៀហៃ។
រថភ្លើងនៅក្នុងប្រទេសជប៉ុនគឺជាមិត្តរូបនៃប្រទេសដែលផ្តោតសំខាន់លើប្រសិទ្ធិសភាព និងជឿទុកចិត្តក្នុងកម្រិតខ្ពស់បំផុត ។ ឧទាហរណ៍ រថភ្លើង Shinkansens កម្រយឺតណាស់បើទោះបីជាចេញពីស្ថានីយ៍រថភ្លើងនៅក្នុងទីក្រុងតូក្យូ យឺត ២ ទៅ ៥នាទីក៏ដោយ ទៅស្ថានីយ៍ Osaka ឬ ក្យូតូក៏ដោយ។
សម្រាប់រថភ្លើង Alfa-X គឺជាផ្នែកមួយដ៏សំខាន់ នៃគម្រោងផ្តល់សេវាល្បឿនលឿន ទៅទីក្រុង Sapporo ដែលជាទីក្រុងធំបំផុងនៅភាគខាងជើងនៃកោះ Hokkaido។ អ្នកតំណាងក្រុមហ៊ុន East Japan Railway បានឱ្យដឹងថាការអភិវឌ្ឍន៍រថភ្លើង ជំនាន់ថ្មីនេះ គឺឈរលើមូលដ្ឋានគន្លឹះដ៏សំខាន់នៃការដាក់ឱ្យដំណើរល្អគ្មានគូប្រៀប កម្រិតផាសុកភាពមានកម្រិតខ្ពស់ បរិស្ថានប្រតិបត្តិការល្អឥតខ្ចោះនិងការថែទាំប្រកបដោយភាពច្នៃប្រឌិត។ទោះបីជារថភ្លើង Alfa-X ទទួលបានងារជារថភ្លើងល្បឿនលឿនបំផុតនៅលើពិភពលោកនាពេលបច្ចុប្បន្នក៏ដោយ ក៏ត្រូវបានផ្លាស់ប្តូរដោយពេលវេលាក្នុងការបំរើការសេវាខ្លះដែរ៕
