ប្រធានសមាគមអ្នកជំនាញអចលនទ្រព្យកម្ពុជា (CREA) លោក ឃាង ពុទ្ធី។ រូបថត៖ សហការី
ដោយ គង់ សូរិយា
ភ្នំពេញៈ ប្រធានសមាគមអ្នកជំនាញអចលនទ្រព្យកម្ពុជា (CREA) បានជំរុញឲ្យអ្នករកស៊ីក្នុងវិស័យនេះ ដែលគ្មានអាជ្ញាប័ណ្ណ សូមដាក់ពាក្យស្នើយកអាជ្ញាប័ណ្ណពីក្រសួងពាក់ព័ន្ធ ដើម្បីជំរុញការអភិវឌ្ឍក្នុងវិស័យនេះ និងជួយបង្កើនចំណូលដល់រដ្ឋាភិបាល។
លោក ឃាង ពុទ្ធី ប្រធានសមាគមអ្នកជំនាញអចលនទ្រព្យកម្ពុជាបានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី៥ មិថុនាកន្លងមកថា តាមបទពិសោធន៍ពីបណ្តាប្រទេសក្នុងតំបន់ គឺបណ្តាប្រទេសនានាធ្លាប់ឆ្លងកាត់បទពិសោធន៍ស្រដៀងគ្នានឹងកម្ពុជា ដោយអ្នក រកស៊ីក្នុងវិស័យនេះ ភាគច្រើនមិនសូវមានអាជ្ញាប័ណ្ណនោះទេ ប៉ុន្តែបន្ទាប់មកដោយសារមានការរឹតបន្តឹងពីរដ្ឋាភិបាលប្រទេសនិមួយៗ បានធ្វើឲ្យអ្នករកស៊ីទាំងនោះរត់់រកច្បាប់ ដើម្បីជំរុញការអភិវឌ្ឍដោយរលូន។
-->
លោកបន្តថា “ក្រសួងសេដ្ឋកិច្ច និងហិរញ្ញវត្ថុគួរមានការផ្សព្វផ្សាយពីលក្ខខ័ណ្ឌ និងនិតិវិធីនានា ដើម្បីឲ្យក្រុមហ៊ុនចង់ស្នើសុំអាជ្ញាប័ណ្ណមានភាពងាយស្រួល ក្នុងការស្នើសុំអាជ្ញាប័ណ្ណ”។ លោកបន្តថា “អ្វីសំខាន់និតិវិធីសុំអាជ្ញាប័ណ្ណគួរកាត់បន្ថយពេលវេលា ព្រោះកន្លងមកការស្នើសុំអាជ្ញាប័ណ្ណផ្សេងៗបានចំណាយពេល និងអូសបន្លាយពេលវេលាយ៉ាងយូរ”។
លោកឃាង ពុទ្ធី បានបន្តថា ការជួយពន្លឿននិតិវិធីការងារ ជាលើកទឹកចិត្តដល់អ្នករកស៊ីគ្មានអាជ្ញាប័ណ្ណឲ្យរត់រកអាជ្ញាប័ណ្ណ ហើយវាជួយជំរុញការអភិវឌ្ឍ និងផ្តល់ទំនុកចិត្តក្នុងវិស័យនេះ ពិសេសជាការរួមចំណែកធ្វើឲ្យរដ្ឋាភិបាល អាចរកចំណូលផ្នែកពន្ឋកើនឡើងផងដែរ។
កាលពីពេលថ្មីៗនេះ លោកឃាង ពុទ្ឋីបានស្នើឲ្យមន្រ្តីក្រសួងរៀបចំដែនដី នគរូបនីយកម្ម និងសំណង់ជួយពន្លឿននិតិវិធីលើច្បាប់សាងសង់ ព្រោះការពន្យាពេលយូរធ្វើឲ្យអ្នកលក់គំរោងមួយចំនួនបានលក់គំរោងពួកគេមិនស្របច្បាប់ ម្ចាស់ដីឡូត៍មួយចំនួនលក់ដីមិនស្របច្បាប់ ដែលបង្កហានិភ័យដល់ប្រជាពលរដ្ឋ។
លោកបន្តថា “ប្រជាពលរដ្ឋមុនទិញលំនៅដ្ឋាន ដីឡូត៍នៅតំបន់ណាមួយគួរសិក្សាពីលិខិតបទដ្ឋាគតិយុត្តិនានា ដើម្បីការ ពារពីហានិភ័យនានា”៕
 បានជំរុញឲ្យអ្នករកស៊ីក្នុងវិស័យនេះ ដែលគ្មានអាជ្ញាប័ណ្ណ សូមដាក់ពាក្យស្នើយកអាជ្ញាប័ណ្ណ){kind=link}