ដោយ Donald Lee
ក្រុងបាងកក៖ រដ្ឋមន្ត្រីទេសចរណ៍ថៃនឹងជួបជាមួយធនាគារកណ្តាលថៃអំពីការកើនឡើងតម្លៃប្រាក់បាតដែលកំពុងធ្វើឱ្យឧស្សាហកម្មទេសចរណ៍ធ្លាក់ចុះ។
ប្រាក់បាតបានឡើងថ្លៃដល់កម្រិតខ្ពស់ក្នុងរយៈពេល ៦ឆ្នាំ ពោលគឺកើនឡើងដល់ ៣១,០៥ បាតធៀបនឹងប្រាក់ដុល្លារអាមេរិក។ ក្រុមអ្នកវិភាគរំពឹងថា ប្រាក់បាតអាចឡើងដល់ ៣១,២៥ ក្នុងឆ្នាំនេះ។
ភាពរឹងមាំនៃប្រាក់បាតត្រូវបានរារាំងភ្ញៀវទេសចរដែលមានថវិកាតិចតូចមួយចំនួនងាកចេញពីប្រទេសថៃ ដោយសារតែអំណាចនៃការចំណាយរបស់ពួកគេមានការថយចុះទាក់ទងនឹងការពង្រឹងរូបិយប័ណ្ណថៃ។
លោក Piphat Ratchakitprakarn រដ្ឋមន្ត្រីក្រសួងទេសចរណ៍និងកីឡា បាននិយាយទៅកាន់អ្នកសារព័ត៌មាននៅទីក្រុងបាងកកថា “កម្លាំងប្រាក់បាតថៃគឺជាផ្នែកមួយនៃហេតុផលដែលចំនួនអ្នកទេសចរបានធ្លាក់ចុះ ដោយសារអ្នកដែលមកទីនេះនឹងទទួលបានប្រាក់បាតតិចដោយសារការដូរពីរូបិយប័ណ្ណរបស់ពួកគេ”។
លោកបន្តថា “វិស័យទេសចរណ៍ត្រូវបានគេចាត់ទុកថាជាផ្នែកមួយនៃប្រាក់ចំណូលដ៏សំខាន់របស់ប្រទេសយើង ហើយខ្ញុំនឹងធ្វើអ្វីគ្រប់យ៉ាងដែលខ្ញុំអាចធ្វើបានដើម្បីធ្វើឱ្យប្រាកដថា ទេសចរណ៍មានការកើនឡើង ហើយប្រាក់ចំណូលកាន់តែច្រើនជាងមុន”។រូបិយប័ណ្ណថៃស្ថិតក្នុងចំណោមតម្លៃខ្ពស់បំផុតនៅលើពិភពលោកក្នុងឆ្នាំកន្លងមក។
ប្រាក់បាតបានកើនឡើងជាង ៥ ភាគរយធៀបនឹងប្រាក់ដុល្លារអាមេរិកនៅឆមាសទី ១ ក្នុងឆ្នាំនេះ។ ជាក់ស្តែង ប្រាក់បាតមានតម្លៃខ្ពស់ជាងរូបិយប័ណ្ណផ្សេងទៀតនៅក្នុងទ្វីបអាស៊ី។
វិស័យទេសចរណ៍គឺជាផ្នែកសំខាន់មួយនៃសេដ្ឋកិច្ចរបស់ប្រទេសថៃដែលមានចំនួនរហូតដល់ទៅមួយភាគប្រាំនៃផលិតផលក្នុងស្រុកសរុបរបស់ប្រទេស។រដ្ឋមន្ដ្រីទេសចរណ៍ថៃបានបន្ថែមថាថ្មី ៗនេះប្រទេសនេះបានទម្លាក់ភ្ញៀវទេសចរមកគោលដៅប្រហែល ៤០ លាននាក់សម្រាប់ឆ្នាំនេះ។
