ដោយ វុត្ថា
ភ្នំពេញ៖ អចលនទ្រព្យនៅក្នុងប្រទេសកម្ពុជា ក្នុងរយៈពេលប៉ុន្មានឆ្នាំចុងក្រោយនេះ បានមានសន្ទុះរីកចំរើនគួរអោយកត់សម្គាល់ទាំងនៅក្នុងរាជធានីភ្នំពេញ និងនៅតាមបណ្តាខេត្ត-ក្រុងនានានៅទូទាំងប្រទេសកម្ពុជា ប្រកបដោយស៊ីវិលយនិងកាន់តែមានភាពទំនើបទាន់សម័យ។
ដូចគ្នានេះដែរ ការបង់ពន្ធក៏ជាកាតព្វកិច្ច របស់ម្ចាស់អចលនទ្រព្យ ពីសំណាក់ម្ចាស់អចលនទ្រព្យ ពិតជាចូលរួមចំណែកយ៉ាងសំខាន់ ក្នុងការគាំពារនូវគោលនយោបាយអភិវឌ្ឍន៍ជាតិរបស់រដ្ឋាភិបាលនេះ តាមរយៈការប្រមូលព័ន្ធរបស់អគ្គនាយកដ្ឋាពន្ធដារកម្ពុជា។
ខាងក្រោមនេះ គឺជាសំនួរចម្លើយដ៏មានសារៈសំខាន់ពីការបង់ពន្ធលើវិស័យអចលនទ្រព្យ សម្រាប់អ្នកពន្ធ៖
១) តើការប្រកាសបង់ព័ន្ធអចលនទ្រព្យចាប់ផ្តើម និងបញ្ចប់នៅពេលណា?បើយោតាមអគ្គនាយកដ្ឋានពន្ធដារពន្ធដារនៃក្រសួងសេដ្ឋកិច្ច និងហិរញ្ញ បានឱ្យដឹងថា ការប្រកាសពន្ធអចលនព្រទ្យ គឺចាប់ផ្តើមពីដើមខែមករា រហូតដល់ចុងខែកញ្ញាក្នុងឆ្នាំនីមួយៗ។
ដូចនេះ ម្ចាស់អចលនទ្រព្យដែលមិនទាន់ បានធ្វើការប្រកាសបង់ពន្ធអចលនទ្រព្យ អាចទៅប្រកាសបង់ពន្ធនេះ នៅតាមសាខាពន្ធដារខេត្ត-ខណ្ឌ ឬនៅតាមសាខាធនាគារ អេស៊ីលីដា ឬសាខាធនាគារកាណាឌីយ៉ា ឬសាខាធនាគារវឌ្ឍនៈ ឬសាខាធនាគារអេអិនហ្សិតរ៉ូយ៉ាល់ ឬនៅសាខាធនាគារកម្ពុជាសាធារណៈទូទាំងប្រទេស។
២) តើអចលនទ្រព្យប្រភេទណាខ្លះត្រូវជាប់កាតព្វកិច្ចប្រកាសបង់ព័ន្ធប្រចាំឆ្នាំ?បើតាមអគ្គនាយដ្ឋានព័ន្ធដារបានឱ្យដឹងថា អលចនទ្រព្យប្រភេទសំណង់ ឬដីដែលស្ថិនៅក្នុងរដ្ឋាបាលក្រុង ឬខេត្តដែលមានតម្លៃចាប់ពី១០០លានរៀលឡើងទៅ ត្រូវមានកាតព្វកិច្ចប្រកាសបង់ព័ន្ធអចលនទ្រព្យ។
ម្ចាស់អចលនទ្រព្យដែលជាប់ពន្ធទាំងអស់ នឹងចូលរួមសហការបង់ពន្ធអោយបានគ្រប់គ្នា និងជាពិសេសអគ្គនាយដ្ឋានបង់ព័ន្ធ នឹងសម្រួលសេវាកម្មអោយកាន់តែងាយស្រួយជូនពលរដ្ឋ ឱ្យដល់ឃុំ ស្រុក ខណ្ឌ តាមរយៈការជូនដំណឹងតាមលេខទូរស័ព្ទ និង វិក័យបទ្រភ្លើងជាដើម។
ប្រជាពលរដ្ឋទាំងអស់ ត្រូវទៅធ្វើប័ណ្ណចុះបញ្ជីបង់ពន្ធអចលនទ្រព្យឱ្យបានគ្រប់គ្នា បើទោះបីអចលនទ្រព្យរបស់ខ្លួន មិនដល់តម្លៃបង់ពន្ធយ៉ាងណាក្តីដើម្បីងាយស្រួលក្នុងការប្រើប្រាស់បន្តបន្ទាប់ទៀត៕
