ដោយៈ រ៉ាណេត
ភ្នំពេញៈ អាគារបែបសហកម្មសិទ្ធិ និងជាមណ្ឌលពាណិជ្ជកម្មចំរុះដ៏ទំនើប កម្ពស់ ៥១ជាន់ ស្មើនឹង ១៥០ម៉ែត្រចំនួន៤ នឹងត្រូវបង្ហាញខ្លួននៅមហាវិថីសម្ដេចតេជោហ៊ុន សែន ស្ថិតនៅលើផ្ទៃដីទំហំសរុបប្រមាណ ៧៦,០០០ម៉ែត្រការ៉េ។
ខុនដូ និងមជ្ឈមណ្ឌលពាណិជ្ជកម្មកប់ពពកចំនួន៤អាគារ នឹងបង្ហាញវត្តមានលើមហាវិថីសម្តេចតេជោ
បន្ទាប់ពីការលក់គំរោងដំណាក់កាលទី១ បានបញ្ចប់ប្រកបដោយភាពជោគជ័យ គម្រោងអភិវឌ្ឍអគារខុនដូ Urban Village បានបើកការសម្ពោធដំណាក់កាលទី២ របស់ខ្លួន កាលពីថ្ងៃទី២ ខែតុលា ឆ្នាំ២០១៩កន្លងទៅនេះ ដើម្បីផ្តល់ជូនអតិថិជនក្នុងនាមជាអគារលំនៅឋាន មានតំលៃសមរម្យ គុណភាពខ្ពស់ និងជាអគារពាណិជ្ជកម្មដ៏ទំនើប ស្ថិតនៅទីតាំងភូមិសាស្ត្រដ៏ល្អឥតខ្ចោះ នៅកណ្តាលទីក្រុង ដែលកំពុងមានសការអភិវឌ្ឍខ្លាំង។
គម្រោងទីនៃ Urban Village ស្ថិតនៅលើផ្ទៃដី៧៦,០០០ម៉ែត្រការ៉េ ដែលបញ្ចូលលក្ខណៈពិសេស និងទំនើបជាច្រើនជាមួយនឹងរបៀបរស់នៅលក្ខណៈសហគមន៍ មានទីតាំងស្ថិតនៅចន្លោះមហាវិថីសម្តេចហ៊ុនសែន និងផ្លូវជាតិលេខ២ ។ គម្រោងនេះជាប្រភេទខុនដូដែលមានតំលៃសមរម្យ ពោលគឺមានតម្លៃចាប់ពី១៧០០ដុល្លារ ក្នុង១ម៉ែត្រការ៉េ ជាមួយនឹងការផ្តល់កម្ចីរហូតដល់៧០ភាគរយសម្រាប់រយៈពេល២៥ឆ្នាំ។
លោកស្រី Catherin Chan និងលោក Ben Li នាយកប្រតិបត្តិក្រុមហ៊ុន Urban Hub បានថ្លែងក្នុងពិធីបើកការដ្ឋានសាងសង់គំរោងនេះកាលពីរៀសលថ្ងៃទី២ តុលាកន្លងមកថា ក្នុងនាមជាក្រុមហ៊ុនអន្តរជាតិ ការវិនិយោគនៅទីនេះ គឺផ្តោតសំខាន់ដល់ផលប្រ យោជន៍៍អតិថិជន និងចង់បង្កើតសហគមន៍ពិតប្រាកដ និងរស់រវើកដែលនេះគឺជាចំណុចដ៏សំខាន់ ហើយប្រធានបទរបស់យើងគឺ រស់នៅធ្វើការ និងកម្សាន្ត។
លោកបន្តថា “វាជាមជ្ឈមណ្ឌលច្នៃប្រឌិតធំជាងគេ នៅតំបន់អាស៊ីអាគ្នេយ៍ និងជាកន្លែងធ្វើការរួមធំជាងគេនៅកម្ពុជា។ ក្រៅពីនេះវាក៏មានវិចិត្រសាលសិល្បៈធំជាងគេ និងកន្លែងកម្សាន្ត កន្លែងផលិតស្រាអាល្លឺម៉ង់ដោយដៃដំបូងគេផងដែរ”។
លោក Nelson Li ប្រធានភ្នាក់ងារអចលទ្រព្យហុងកុង លោក Henry Cheung ប្រធានក្រុមហ៊ុន Overseas Property Alliance សម្រាប់តំបន់Greater China Business និងលោកJohnny Chanប្រធានក្រុមហ៊ុន Overseas Property Alliance បានបង្ហញទស្សនៈស្រដៀងគ្នាថា ជាទូទៅគម្រោងនេះ គឺមានលក្ខណៈពិសេសបំផុត ព្រោះក្រៅពីផ្តល់ជូននូវអគារលំនៅឋានដ៏ប្រណិត វាក៏ផ្តល់ជូននូវបរិយាកាសការងារប្រកបដោយភាពច្នៃប្រឌិតខ្ពស់ ដូចជា EMQ (ការវាស់ស្ទង់សេដ្ឋកិច្ចនិងគុណភាព) និងជាកន្លែងសម្រាប់ចាប់ផ្តើមអាជីវកម្ម។
ដោយឡែក លោក Takatoshi Kojima ប្រធានភ្នាក់ងារអចនទ្រព្យជប៉ុនបានបញ្ជាក់ឲ្យដឹងផងដែរថា Urban Village ដំណាក់កាលទី២នេះ ជាគំរោងអភិវឌ្ឍន៍អចនទ្រព្យដ៏អស្ចារ្យ ហើយលោកមានទំនុកចិត្តខ្ពស់ថា វានឹងអាចទាក់ទាញជនជាតិជប៉ុនបានច្រើន ដោយសារតែការរចនារបស់វាមានលក្ខណៈពិសេសខ្លាំង ដូចជា ការរចនា យូនីតប្រភេទLoft ដែលអតិថិជនមានជម្រើសច្រើន ដូចជាបន្ទប់ប្រភេទស្ទូឌីយោ ប្រភេទបន្ទប់គេង១,២ និង ៣ ហើយច្បាស់ណាស់វានឹងអាចលក់ដាច់នៅទីផ្សារជប៉ុន។
លោកបន្តថា “ផ្នែកដ៏អស្ទារ្យមួយទៀតនៃគម្រោងនេះ គឺមជ្ឈមណ្ឌលច្នៃប្រឌិត Factory Phnom Penh ដែលមានភាពរស់រវើក នឹងមានទីតាំងស្ថិតនៅជាប់នឹងគម្រោងខុនដូនេះ”។
Factory Phnom Penh នេះក៏មានការិយាល័យ សាលាមតេយ្យ កន្លែងប្រារព្ធពិធីផ្សេងៗ កន្លែងជប់លៀង កន្លែងហាត់ប្រាណបែបប្រេស៊ីល ហាងកាហ្វេ ភោជនីយដ្ឋាន ហាងលក់ទំនិញ ស្ទូឌីយ៉ូថតរូប សួនកុមារសម្រាប់កុមារ កន្លែងកំសាន្តបែបបច្ចេកវិទ្យា កន្លែងច្នៃប្រឌិត ទីលានជិះបន្ទះក្តារ ទីលានបាល់ទាត់ និងបណ្ណាល័យជាដើម៕
