ដោយ វុត្ថា
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជរាជណាចក្រកម្ពុជា នៅពីថ្ងៃទី០២ ខែតុលា ឆ្នាំ២០១៩ កន្លងទៅ បានចេញអនុត្រឹក្យស្តីពី ការកំណត់កាលបរិច្ឆេទ ការរៀបចំ និងការប្រព្រឹត្តទៅ នៃជំរឿនសេដ្ឋកិច្ចនៅព្រះរាជាណាចក្រកម្ពុជាឆ្នាំ២០២១។
យោងតាមអនុក្រឹក្យលេខ ១៥១ អនក្រ.បក ដែលបានចុះហត្ថលេខាដោយសម្តេចតេជោ ហ៊ុន សែន បានកំណត់យកថ្ងៃទី០១ ខែមីនា ឆ្នាំ២០២១ ជាកាលបរិច្ឆេទ ជំរឿនសេដ្ឋកិច្ចនៅព្រះរាជាណាចក្រកម្ពុជា ដើម្បីប្រមូលទិន្នន័យព័ត៌មានស្តីពីសេដ្ឋកិច្ចគ្រប់វិស័យ សម្រាប់ធ្វើជាទិន្នន័យមូលដ្ឋានក្នុងការរៀបចំគោលនយោបាយ យុទ្ធសាស្ត្រ ផែនការសកម្មភាព និងគម្រោងនានា ដើម្បីជំរុញកិច្ចអភិវឌ្ឍសេដ្ឋកិច្ច សង្គមកិច្ច និងសុខុមាលភាពប្រជាជន។
